السلام عليكم
خواتي انا خلصت الاربعين وابغى اخذ حبوب منع الحمل بس المشكله ما اعرف متى اكلها ولمده كم بالضبط يعني هل اكلها كل يوم ولا ايش ساعدوني تكفوون والله ما اعرف شي :o
ماعندي معلومه لساتي بنت هههه رفع لعيونك
مااحد بيعطيك إجابة واضحة الا طبيبتك روحي له واساليها
انا ماجربتها بس اللي سمعت عنه انك كل يوم تستخدمينها عدا ايام الدورة بس لا تمشين
على كلامي واذا كلش ماتقدرين تروحين المستشفى دقي على الدكتورة وأساليها اضمن لك
وبالتوفيق
اختي الافضل تسألي طبيبة..
تروحي للطبيبة وهي تحددلك نوع الوسيلة المناسبة لك
وبالنسبة للحبوب اعتقد انه لازم تاخديها كل يوم وفي نفس الموعد... اعتقد .. ولست متاكده
انا ولا مرة جربتها بس كنت اسمع من اختي
1. تاخذين اول حبة منع الحمل من اول يوم تنزل عليج الدورة
2. تاخذين حبة وحدة كل يوم لمدة 21 يوم, و بعدها راحة 7 ايام (يعني ماتاخذين حبوب هال7 ايام)
3. من الضروري, من ناحية مفعول الحبوب, انج تاخذينهم كل يوم و نفس الوقت و ما تنسين يوم.
4. اذا نسيتي تاخذين ولو حبة وجدة, من الضروري تاخذينها اول ما تتذكرين. حتى لو تذكرتي ثاني يوم, و معناه لازم تاخذين حبايتين نفس اليوم.
5. اذا تذكرتي الحبة بعد 12 ساعة من موعدها, ما راح يكون بأمكانج الأعتماد على الحماية الكافية بهذي الفترة (مدة ال 21 يوم) بهذي الفترة لازم تعتمدين على طريقة ثانية للحماية من الحمل..
و سألي دكتورتج احسن