السلام عليكم ورحمته الله وبركاته...
شخباركم يا عسولات..:o انا اسفة جدا.. عشان من زمان ما نزلت شي يديد لان حاليا بالغربة.. وحيل مشغوله .. بس ان شاء الله قريب راح اعوض:D..
زوجه اخوي ولدت ويابت بنوته حلوة وسمتها لولوه.. الله يحفظها يارب.. وانا ما كان عندي وقت اروح اشتري لها شي.. وخاصه الكل عطاها هديه الا انا تاخرت:| ففكرت ادور على هديه بسيطه والاغراض القاهم عندي بالبيت ...
ما لقيت اسهل واسرع من هالفكره...
اول شي بقولكم انا من نوع اشتري اغراض يعني مثلا ذهب (حلق\شغاب\تراجي) واخلي يمكن يوم من الايام راح احتاج وخاصه اذا كان رخيص.. واشتري جواتي مالت البيبي اللي يكون مال شهور... مو شرط هالاغراض حق البيبي.. يعني اشتري عطر وشور جيل وقمصان نوم وهم اخليهم بصوب .. اقول يمكن حد يتزوج وما تكون عندي فرصه اروح السوق.. فهاي احسن طريقه شفتها..
المهم راح نرجع لمحور حديثنا لوووووووووول:lol:...
تذكرت اني مره شريت هالجوتي لونه حلو وكان رخيص وايد..
ييبت قصاصات مالت الهدايا.. ما اعرف شو تسمونه
وييبت بوكس فاضي....
مثل ما قلت لكم كانت عندي مجموعه شغابات صغار ماخذه من داماس وكنت محتفظه فيه للمستقبل
وييبت الفلوس... قلت فلوس احسن من كل شي.. يمكن تودين لها شي وتكون عندها فقلت هي تشتري احسن ..
ونشوف الحين طريقة التزيين... طريقه بسيطه وسهله...:thumbs_up:
هاي كانت هديتي السريعه لبنت اخوي.. امممم عاد :o هالله بالردود والتقييم.. شجعوني عشان انزل مواضيع اكثر هههههههههههههههههههه:lol: