وظيفتك تحت المجهر...الضيفه (9) أنوش...مصممة مواقع

يسعدني إني أكون أول من يستلم الضيفة الجديدة^_^
عندي بس سؤال واحد:
س/عملك هل هو من منزلك,أم أنك تداومين خارج المنزل؟
وبـــس*_*

بداية السلام عليكم ورحمة الله جميعا
يارب يكون الجميع بخير وبصحة وسلامة

بيتووو

مرسيه ياقمر على استضافتك لشخصي
شرف كبير ليا ان اكون معاكم
وهيسعدني ان ارد على كل اسألتكم واستفساراتكم

ونبدأ بسم الله

عرفينا على وظيفتك أكثر


وظفتي مصممة ومطورة ويب
بقوم بتصميم المنتديات والمواقع والبرمجيات بجميع انواعها
وعندي خبرة لا بأس بها للتعامل مع قواعد البيانات ولغة HTML و PHP

تجربتك في المقابلة الشخصية

تجربتي كانت سهلة وفي نفس الوقت صعبة (( سهل ممتنع ))
سهلة ان انا اقدر اقوم بالمطلوب لكن صعبة في ارضاء ذوق الاخرين لان التصميم زي الديكور بالظبط والحمدلله في اول اختبار و دا كان من حوالي 5 سنين صممت ستايل منتدى سميته SWEETY
كان باللون الوردي لسه عندي لدلوقت ووقتها لقى استحسان الجميع واعتبره كان فتحه الخير ووش السعد عليا الحمدلله (:

أهم الصعوبات التي واجهتك في وظيفتك

زي ما ذكرت فوق ان المشكلة كلها تكمن في كيفية ارضاء العميل وانك تحاولي تعرفي ذوقه والفكرة اللي بتدور في خياله عشان تقدري تترجميها في هيئة تصميم مرئي
كتير كنت بواجه مشكله فالجزأيه دي لان مش سهل انك تتعمقي في رغبة شخص غريب عنك واول مره تتعرفي عليه ومطلوب منك تلبيله رغبته في ايام معدوده خصوصا لما يكون شخص صعب ومش بيحاول يساعدك بأفكار

ومشكلة تانية وهي ان لما يكون عميل غير ملم بكيفية العمل فا كان بينطلب مني طلبات بحس انها جايه من المريخ مستحيل تتعمل زي مثلا ان صورة JPG تكون متحركة
احاول اوضح انها مستحيل تتحرك لكن كان الرد انتي مصممة لازم تخليها تتحرك ههههههههه

او ان اقوم بالتصميم وبعد ما اخلص وكله تمام يرجع العميل في كل ارائه ويقولي غيريه بحس احيانا ان هيجيلي انهيار لان تعبت جدا فيه

يعني كلها مشاكل بتدور حول الذوق والوعي بالشغل
بس الحمدلله كله كان بيعدي في سلام

F::adore:F:

أريج الأقحوان;13337889:
يسعدني إني أكون أول من يستلم الضيفة الجديدة^_^
عندي بس سؤال واحد:
س/عملك هل هو من منزلك,أم أنك تداومين خارج المنزل؟
وبـــس*_*

تسلمي ياقمر وانا يسعدني ان ارد عليكِ

عملي ممكن من البيت او من المكتب يعني مفيش مشكلة
بس اغلب الاوقات بيكون من البيت ودا سبب تمسكي بيه الحمدلله

شرفتيني بسؤالك ياقمر F:

مرحبا ضيفتنه العزيزه ممكن اسالك
ماهي طبيعه عملك
وكم ساعه تقضين بالعمل
هل عن طريق النت فقط ولا عن طريق شركه معينه
وشكرا لك عزيزتي

مرحبا ضيفتنا العزيزه ممكن اسالك
هل انتي اخترتي وضيفتك ام الضروف؟
اصعب موقف واجهته في العمل

هلا فيييييج حبيبتي انوش
شخبارج؟ ان شاء الله بخير


سؤالي:

1- شنو الشي السلبي اللي حصلتيه من شغلج؟
2- شنو الشي الاجابي اللي حصلتيه من شغلج؟


والله يوفقج ويعطيج العافية

ازيك يا انوش
سوالي بقي ايه هو المؤهل الدارسي اللي اخدته علشان تشتغلي مصممه مواقع
وكمان اختي كورسات تانيه ولا اتعلمتي بممارسه كده

اهلين فيك اختي أنوش

بسألك عن وظيفتك العقبات اللي تواجهينه فيها؟؟

وسؤال ثاني ..بصراحه كم الوقت اللي تجلسينه على النت بحكم وضيفتك؟؟؟؟


أرجووووووووووووا اني ماكون ثقلت عليك

اهلا يا انوش يا قمرة

حبيبتي هل عملك صعب ام مناسب ؟؟؟

هل يوجد اختلاط بعملك ؟؟؟

اهلا و سهلا بانوش مجال شغلك حلو يعطيك العافية
اممم سؤالي مجال شغلك انت اخترتيه ولا ماكنت مخيرة ؟؟ ولو فيك ترجعي ورا كم سنة كنت تشتغلي فنفس المجال ولا فمجال ثاني ؟؟
موفقة يارب
بيتو تسلم ايدك على الموضوع الحلو ^^

يا سلام على ضيفتنا الحلوة
ربنا يوفقك
ما عندي أسئلة

أشكرك بيتوو على الموضوع الرائع المفيد وعلى الدعوة ياغالية..أسأل الله أن يرحم والدتك يارب

عزيزتى أنوش
مرحباً بكِ ضيفة عزيزة بيننا أحب مجال عملك كثيراً وإن كنت أستصعبه
لذلك لى عندك سؤال إن تكرمتى
لكى أصبح مثلك ما يجب علىَ أن أفعل؟؟

شكراً

اهلا بيكى انوش

ياترى ايه طموحك فى مجال عملك؟؟

مرحبا بك انووووووووووش

س هل تفضلين صديقات العمل ام صديقاتك ايام الجامعه؟؟

يسلمووو
مووضوع رووعه
سؤالي لـــــــ ((انوش))
هل اتتك مشااكل خلال عملك؟
وشووووكرا لصااحبة المووضووع....

مجنونه عزوز;13338078:
مرحبا ضيفتنه العزيزه ممكن اسالك
ماهي طبيعه عملك
وكم ساعه تقضين بالعمل
هل عن طريق النت فقط ولا عن طريق شركه معينه
وشكرا لك عزيزتي

اهلا بيكِ ياقمر
انا شغلي ملهوش عدد ساعات معين
يعني من اول ما بستلم الاوردر من الشركة ببدأ الشغل
ممكن لمده اسبوع وممكن ايام وبعد ما اخلص بنتظر لحد ما يجيلي اوردر تاني

وشغلي عن طريق النت فقط يا حبيبتي لان انا كل مجهودي بيظهر في هيئة مواقع ومنتديات (:

شرفتيني بمرورك واسألتك يا عسولة F:

عروسه الجنوب;13338123:
مرحبا ضيفتنا العزيزه ممكن اسالك
هل انتي اخترتي وضيفتك ام الضروف؟
اصعب موقف واجهته في العمل

اهلا يا قمري منورة

وظيفتي هي اللي جاتلي على طبق من دهب وهي اللي اختارتني مش انا الحمدلله
القصة بتتلخص في ان بحب الرسم جدااا بجميع انواعه اي حاجة فيها رسم بحبها
فا من وانا صغيرة اهوى كل هواية تتعلق بالرسم والابتكار
ولما وصلت للثانوي بدأت اهوى التصميم والبرامج بتاعتة
وسبحان المولى اللي خلاني اتقنها لوحدي بدون اي دروس ولا كورسات ولا مساعدات
بعدين تعرفت على مدير شركة وشاف شغلي واعجب بيه جدا بس كان ينقصني جانب البرمجة او ان اخلي الصور والتصاميم تظهر في صورة ستايلات منتديات وسكربتات
فا هو حمسني جدا وخلاني ادرسها من خلال النت وبالممارسة اتقنتها والحمدلله

بالنسبة لاصعب موقف
مفيش موقف معين بس هو الموقف اللي بيتكرر ان لما اعمل شغل وبعدين العميل يغير رأيه ويخليني اغير الفكرة او يجبرني احط الوان وصور ملهاش علاقة بالموضوع فا بضطر اعملها ارضاء لرغبته لكن انا غير راضية عنها (( بعملها من غير نفس :lol: ))

شرفتيني ياقمر بمرورك العطر F:

chocolate baby;13338189:

هلا فيييييج حبيبتي انوش

شخبارج؟ ان شاء الله بخير

سؤالي:

1- شنو الشي السلبي اللي حصلتيه من شغلج؟
2- شنو الشي الاجابي اللي حصلتيه من شغلج؟

والله يوفقج ويعطيج العافية

اهلا يا سكر منوراني
الحمدلله حبيبتي بخير
وان شالله انتي بصحة وسلامة دايما

بالنسبة لسؤالك ايه الشيء السلبي
ان مفيش مواعيد ثابتة لشغلي يعني ممكن في عز نومي يجيلي تليفون قومي في شغل جا ومدام في شغل جا يبقى انسى النوم يومين تلاته لحد ما اخلص للاسف

الشيء الايجابي
ان بشتغل من البيت ومش مجبره انزل يوميا للمكتب لان انا شخصيتي تكره الروتين وعمري ما تخيلت نفسي موظفة في مكتب احس ان دا نهاية العالم بنسبالي
فا شغل البيت يخليني حره اخرج واتفسح براحتي :D

نورتيني ياقمر بوجودك F:

دعوة للتفاؤل;13338485:
ازيك يا انوش
سوالي بقي ايه هو المؤهل الدارسي اللي اخدته علشان تشتغلي مصممه مواقع
وكمان اختي كورسات تانيه ولا اتعلمتي بممارسه كده

مشمشة تامر;13338603:
اهلا يا انوش يا قمرة

حبيبتي هل عملك صعب ام مناسب ؟؟؟

هل يوجد اختلاط بعملك ؟؟؟

اهلا بيكي يا قمري منورة

بالنسبة لسؤالك
عملي صعب ام مناسب
فا هو طول ما في اوردر شغل انتي بتطحني
لان مهما كان مزاجك ومودك مجبره تطلعي اجمل واحلى ما عندك في اطار رغبة العميل
انتي متخيلة مدى الضغوط انك تخلي التصميم حلو وبنفس الوقت لازم تلتزمي بذوق العميل بتاعك فا المسالة دي بتكون صعبة اوي لو انتي بالك مش رايق او متزوجة وعندك مسئوليات بمعنى اصح عايزة بال رايق وحياة مستقرة

وصعب من ناحية ان مفيش وقت معين يعني لازم تتواجدي وقت ما العميل يكون موجود ان شالله الفجر عشان تقدري تتواصلي معاه وتعرفي وجهه نظره

بس بشكل عام المهنة دي لذيذة اوي عارفة زي التمثيل كده سهل ممتنع لذيذ بس متعب

سؤالك التاني بالنسبة للاختلاط لا مفيش اي نوع من الاختلاط المباشر لان الشغل 98% منه بيكون من البيت بس طبعا لازم في تواصل بالتليفون والايميل

نورتيني يا قلبي F:

✿مِيَاا الشٌقيَة✿;13338658:
اهلا و سهلا بانوش مجال شغلك حلو يعطيك العافية
اممم سؤالي مجال شغلك انت اخترتيه ولا ماكنت مخيرة ؟؟ ولو فيك ترجعي ورا كم سنة كنت تشتغلي فنفس المجال ولا فمجال ثاني ؟؟
موفقة يارب
بيتو تسلم ايدك على الموضوع الحلو ^^

اهلا يا قمر منورة

تسلمي حبيبتي انتي الاحلى
ومجال شغلي هو اللي اختارني مش انا اللي اخترته
ربنا بيسبب الاسباب وحطني في ظروف خليت الشغل هو اللي جالي الحمدلله

ولو فيا ارجع لورا بختار المجال دا مش من 5 سنين لا من 10 هههههههه

الحمدلله انا مرتاحة جدا ومبسوطة اوي اوي بشغلي ويارب يديمه عليا نعمة

شرفتي ميا بوجودك :adore:F: