رورو حبيبة جوجو;13395005:
بناااااااااااااااااااات وحشتوووووووووووووووونى موووت انا رجعت الرياض الحمد لله بعد معاااااااااااااااانااااااااااااااااااااااااااااااه ف مصر من غلاء الاسعار ووحاشه الناس وشد وخناق ومشاكل وظروف قهريه الحمد
لله على كل حال
والله كنت مفتقداكووووووووو اوى بس الظرووووووووووووووووف اصعب مما كنت اتخيل بس الحمد لله ربنا لطييييييييييييف
يلا هرجعلكم باسئلتى كالعاده نطبخ ايه بكره بس انا هاكل من بره اسبوع لحد مامزاجى يتظبط
وحشتووووووووووووووووونى كلكم
ومبااااااااااااااااااااااااااااااارك ليكى يانانى تستاهلى بجد الجايزة عرفت من الخاص انك فزتى ماشاء الله اكلك كنت متاكده انه هيشرفنا
رورو حبيبة قلبي حمدلله علي سلامتك يا قمر نورتينا :):)
*pippo*;13395025:
ايمى ما شاء الله تسلم ايديكى يا قمر
بنات قولولى كده انهى احسن الشفاط بتاع المطبخ العادى اللى بيتحط فى الشباك ولا الشفاط اللى فوق البوتاجاز؟؟؟؟؟؟؟؟؟؟؟؟
بيبو انا رأيي الشفاط العادي خالص احسن 100 مرة والتاني دة ولا له اي لازمة علي الاطلاق
انا مجرباه عندي وقبلها عند ماما والاتنين نوعين مختلفين هو كل اللي بيعمله صوت جامد جدا بحيث انك تصدعي وتزهقي وتتعصبي وتطلعي برة المطبخ هههههههه دة غير انه بيلم دهون بشكل غير طبيعي وصعب اوي تنظيفها لو استنينتي عليه شوية ومانظفتيهوش اول بأول
وبعدين دة حاجة ودة حاجة العادي دة بيشفط الروائح والدخان وكدة انما اللي فوق البوتجاز بيشفط الدهون
انا رأيي انه بيكمل ديكور المطبخ بس :)
at2ota;13395430:
بنات عايزة ماركة صويا صوص حلو عشان تتبيلة اللحوم و الفراخ و لو في صوص يدي طعم احلي من الصويا صوص قولولي علية بس ضروري عشان نازلة كمان شوية
هاينز حلو يا قمر :thumbs_up:
دموع اشتياقي;13398150:
بنااااااااااات اقترحوا عليه جالنا ضيوف وجيبين كرتونه موز وكرتونه تفاح وكرتونه برتقان اعمل ايه بقي غير سلطه الفواكهه والعصير وجلي وكيكه والابل باي عشان ميبوظووووووووووش
ههههههه ربنا يزيد ويبارك يا ايمي علي فكرة الموز ممكن تحطيه في الفريزر عادي خالص هاتلقي القشرة اسودت من برة بس لما تيجي تطلعيه هاتلاقيه من جوة ابيض زي الفل وطعمه زي ماهو
انا عرفتها من شيف اسامة وجربتها فعلا :thumbs_up:
Bird amore;13400765:
بنات انا عندى عزومة كمان كام يوم و محتارة جداا
عاوزة اعمل كردون بلو بس مش عارفة اية اللى يشمى معاه خالص قولولى منيو حلو كدا و اطباق تمشى مع الكوردون بلو
كام سؤال لسوسى كات بقى .. كنت بفكر اعمل الفرايد رايز بطريقتك بس مش عارفة اعمل معاة اية و هو يشمى مع الكوردون بلو ولا لاء؟؟
انا نفسى جداا اعمل المندى بتاعك بس خايفة من النتيجة و مش لقية الومى دا خالص هو فى بديل لية ولا لاء؟؟و لو عملت المندى فى عزومة حيبقى طبعا دا طبق رئيسى اعمل اية بقى جنبة مقبلات؟؟؟
معلش يا شوشو لسة داخلة دلوقتي الفرايد رايس يمشي بس لو هانقارن بينه وبين المندي انا شايفة ان المندي اقيم في العزومة من الفرايد رايس وكمان الفرايد مش اي حد يتقبل طعمه علشان الصويا صوص وكدة
واللومي مش لاقياه ليه هاتلاقيه في فتح الله عندك بجيب منه احلي بهارات العطار اللي فيه لا يعلي عليه :thumbs_up:
وممكن تعملي جمبه سمبوسك او بف باستري او جلاش وممكن بدل الكوردون بلو علشان مايبقاش صنفين فراخ تعملي بوبييت وهو نفس الشكل بس لحمة
CuTie KaTkOoTa;13402366:
فعلا القشطة بتبقي حلوة فيه اوي تصدقي الشيف كان قايل عليها بردو بس ساعتها قولناله ممكن منلاقيش عشان كده نسيت اكتبها بس لقينا فعلا وحطيناها ساعتها.
البيض مش شرط، انا مكنتش بحط خالص الاول ولسه بس من كام مرة بقيت احط.
بنات نفسي اعمل تشوكليت كيك زي دي كده تبقي سخية اوي كده وطرية والصوص التحفة ده وتبقي نفس اللون كده
ايمي انا بعمل الطريقة دي وبتطلع وااااااااااااااااااااااااااااو تجنن
كوباية لبن
3/4 كوباية زيت ذرة
1وربع كوباية سكر
4 معالق كاكاو كبيرة
تضربي المقادير دي بالمضرب كويس لغاية ما السكر يدوب وبعدين تاخدي من المقادير دي مج كدة وتسيبيه علي جنب
هاتجيبي باقي الكمية بقي وتحطي عليها 3 بيضات وفانيليا وتضربي وبعدين كوباية ونص دقيق وبيكينج بودر وتضربي
تبطني صينية مقاس 28 وحطي بقي الخليط دة اللي فيه البيض والدقيق طبعا هاتلاقيها سايلة شوية ماتقلقيش وتدخليها الفرن ولما تطلعيها بقي وهي سخنة كدة تجيبي شوكة وتقعدي تنغزيها بالشوكة وبعدين تحطي عليها خليط الكاكاو الاول اللي في المج
جربيها بجد هايلة وعلي ضمانتي :thumbs_up:
مشمش ام محمد;13405271:
طبق من العزومه امبارح معلش ملحقتش اصور السفره اتحرجت من الناس بصراحه وكمان غرفت طبق ليا في الخباثه وصورته لكم
والطبق عباره عن بيكاتا لحم ومشروم
رز بسمتى اصفر
رولات دجاج محشيه خضار ولحمه مفرومه ومستويه فيالفرن
وكان في سلطه خضرا وشوربه لسان عصفور وسبانخ باللحمه ططلب من جوزي مع ان محدش اكل منهااا
مشمش ام محمد;13405277:
ودي بيتزا عملتها من كم يوم بطريقة ناني فايبس ربنا يباركلهااا
تسلم ايدك يا مشمش الف هنا وشفا يا قمر
CuTie KaTkOoTa;13408847:
تسلمي يا جميلة ربنا يخليكي
[/CENTER]
بسكويتات التسنين.
*************************
بسكويت بدون دقيق:
المقادير:
2 ملعقة كبيرة زيت طعام (أو أي مادة دهنية)
1/2 كوب سكر
1 بيضة
1 ملعقة صغيرة بيكنج باودر
1 1/2 (واحد ونصف) ملعقة صغيرة فانيليا
1 ملعقة صغيرة ماء
1 ونصف كوب بودرة حبوب الأطفال (سيريلاك)
الطريقة:
- امزجي السكر والمادة الدهنية حتى يصبحوا كالكريمة.
- اضيفي البيض، البيكنج باودر، الفانيليا والماء وقلبي حتى يختلطوا جيدا.
- تدريجيا اضيفي السيريلاك واعجني حتى يصبح ناعما
- شكلي العجينة كما تحبين واخبزيها لمدة 20-30 دقيقة عند درجة حرارة 150 درجة مئوية (300 فهرنهايت)
ياااااااااااااااااااااااااااااااااااااااااااااااه
مش قادرة اصدق والله ان فيه بسكويت من غير دقيق الحمدلله
طيب حد يقوللي بقي لو عملته هايطلع حلو ؟؟
جزاكي الله خير يا ايمي علي الوصفة دي بجد انا كنت محتاجاها اوووي انتي عارفة بس سؤال بقي احط سيريلاك ايه رز ؟؟ ماهو ماينفعش قمح برضو هية هية كدة :woo:
