18 مرة نقول يا تري بتعملي الأكل ده أزاي ؟ ( مبدعات مصر القمرات ) شهر ذو القعده

بنات والله هتجنن كل ما ادخل سوبر ماركت ملاقيش خميرة خالص ولا اي نوع منها والمرة الوحيدة اللي لقيت كان في اولاد رجب وفي بقالة جنب بيتي والاتنين نفس النوع حلو الشام اللي مش فورية اووووف اعمل ايه بقي، زهقت بجد بقييييييييييييييييييييييييي، لازم بقي انزل مشوار مخصوص لواحد بعيد عني عشان اجيبها ينفع كده الكلام ده :thumbs_down::thumbs_down::thumbs_down:


سوسي مش انا لقيت زبادي دانون بالجوافة والمانجو غير الفراولة اللي كنت دايما بلاقيه في كل حتة ومفيش غيره ده.


الخضار المجمد فعلا بسمة احلي حاجة والملوخية زماااااااااااااااااان ماما كانت بتجيب مونتانا اظن كده بطلت دلوقتي.

قولولي اجيب باف بيستري نوعه ايه عشان اعمل ام علي، عشان بلاقي احجام وانواع لو مثلا الكرامة او اي ماركة تانية اجيبه مكتوب عليه ايه بالظبط.

كتكت شوفي في محل بقال او لبان جنبك انا بجيبها من عند زاهر اللبان لو تعرفيه يعني الحمد لله متوفره لو تحبي ممكن اجيبلك ونتقابل اديهالك
ممكن اسالكم سؤال هو ايه البيف باستري دي بتستخدموها في ايه؟
بصو بقي ربنا يكرمكم تدلوني انا عندي عزومه تاني يوم العيد
دي الاصناف المبدئيه عاوزاكم تقترحو عليا الباقي بس بلاش اصناف الجديده يعني الاكل بتاع زمان عشان انا عازمه حماتي واخوات جوزي وهما بينتقدو الاكلات الجديده بيحبو الطبيخ والباشميلات والصواني كده يعني
1- فخده مشويه
2-رز بسمتي ولا رز بالخلطه بالمكسرات؟
3-مكرونه باشميل
4-سمبوسك لحمه مفرومه
5-ملوخيه
6-هاسلق لحمه واحمرها
7-سلطه خضرا-طحينه -باباغنوج

ممكن تقولولي بقي لو في حاجه تانيه او اشيل حاجه يعني بجد محتاجه ارائكم هي عزومه ل11 فرد

كتكت هو فين فرع اولاد رجب القريب مننا اللي في الحلميه في شارع ايه اروحه ازاي انا هاتجنن واروحه ومش عارفه العنوان اللي في النعام

CuTie KaTkOoTa;13568535:

قولولي اجيب باف بيستري نوعه ايه عشان اعمل ام علي، عشان بلاقي احجام وانواع لو مثلا الكرامة او اي ماركة تانية اجيبه مكتوب عليه ايه بالظبط.

الكرامة حلو و برضو السنبلة جميل جداا

وحشتونى وحشتونى وحشتونى بجد كنت حاسه ان فى حاجه كبيييييييييييره اوى ناقصانى بس الحمد لله رجعتلكم تانى
واحب اقول لنانى بجد انت عندك حق فى كل كلمه قولتيها عن مصر فعلا مبقاش ينفع يتقعد فيها نهاااائى مش عشان وضع البلد بس لا الناس كمان اتغيرت بطريقه بشعه انا قعدت شهرين كانوا عباره عن شهرين نكد بجد وحصلى موقف لو اتحكالى من اقرب الناس ليا مش هصدقه المهم الحمد لله عدت على خير
انا بقا عاوزة اعرف ملخص الشهرين دول يعنى اهم الحاجات اللى قلتوها يا حلوين افتكاسه جديده كده يعنى
وممكن اعمل ايه جنب المومبار بس حاجه خفيفه كده وسريعه
بكره نكمل بقا بس قبل ما انسى لو حد عنده صراصير وعاوز يقضى عليها نهائى يقولى لانى الحمد لله وبفضله قضيت عليها وشردتهم ويتمت عيالهم هههههههههههههههههههههههههههههههههههههههههه

حمد الله على سلامتك يا بووسى انا عندى صراصير هنا و فى مصر شكلى جبتهم معايا من مصر قوليلى عملتى ايه؟؟؟؟؟
امبارح عملت شيش طاووق ام معاذ و طلع تحفة بس انا زودت صويا صوص فى التتبيلة

CuTie KaTkOoTa;13568535:
بنات والله هتجنن كل ما ادخل سوبر ماركت ملاقيش خميرة خالص ولا اي نوع منها والمرة الوحيدة اللي لقيت كان في اولاد رجب وفي بقالة جنب بيتي والاتنين نفس النوع حلو الشام اللي مش فورية اووووف اعمل ايه بقي، زهقت بجد بقييييييييييييييييييييييييي، لازم بقي انزل مشوار مخصوص لواحد بعيد عني عشان اجيبها ينفع كده الكلام ده :thumbs_down::thumbs_down::thumbs_down:


سوسي مش انا لقيت زبادي دانون بالجوافة والمانجو غير الفراولة اللي كنت دايما بلاقيه في كل حتة ومفيش غيره ده.


الخضار المجمد فعلا بسمة احلي حاجة والملوخية زماااااااااااااااااان ماما كانت بتجيب مونتانا اظن كده بطلت دلوقتي.

قولولي اجيب باف بيستري نوعه ايه عشان اعمل ام علي، عشان بلاقي احجام وانواع لو مثلا الكرامة او اي ماركة تانية اجيبه مكتوب عليه ايه بالظبط.

ايوة يا ايمي انا جربت اللي بالجوافة دة حلو بس اللي بالمانجو ماشفتوش قبل كدة
وبقيت بعمل دلوقتي بقي ايه بقيت بحط علي الزبادي انا قطع فواكه صغيرة يعني قطع موز صغيرة او قطع بلح اسود صغيرة اوي جوافة او اي فاكهة طرية واهرسها شوية نورين حبتها كدة اوي ماشاء الله جربي لجوجو كدة

والبف باستري هاتي السنبلة او الكرامة الاتنين حلوين انا عن نفسي عجبتني الكرامة اكتر من السنبلة مع ان ناس كتير رأيها العكس

sweetylolla85;13568565:
كتكت شوفي في محل بقال او لبان جنبك انا بجيبها من عند زاهر اللبان لو تعرفيه يعني الحمد لله متوفره لو تحبي ممكن اجيبلك ونتقابل اديهالك
ممكن اسالكم سؤال هو ايه البيف باستري دي بتستخدموها في ايه؟
بصو بقي ربنا يكرمكم تدلوني انا عندي عزومه تاني يوم العيد
دي الاصناف المبدئيه عاوزاكم تقترحو عليا الباقي بس بلاش اصناف الجديده يعني الاكل بتاع زمان عشان انا عازمه حماتي واخوات جوزي وهما بينتقدو الاكلات الجديده بيحبو الطبيخ والباشميلات والصواني كده يعني
1- فخده مشويه
2-رز بسمتي ولا رز بالخلطه بالمكسرات؟
3-مكرونه باشميل
4-سمبوسك لحمه مفرومه
5-ملوخيه
6-هاسلق لحمه واحمرها
7-سلطه خضرا-طحينه -باباغنوج

ممكن تقولولي بقي لو في حاجه تانيه او اشيل حاجه يعني بجد محتاجه ارائكم هي عزومه ل11 فرد

شوفي يا لولا هنا فيه حاجات بالبف باستري كنت عاملاها

http://forums.3roos.com/showthread.php?t=564152&highlight=%D1%D4%D1%E6%D4&page=18


وفيه افكار تانية ممكن تتعمل بيها زي ام علي او سينابون او باتيه

ام عمر افندى;13568613:
وحشتونى وحشتونى وحشتونى بجد كنت حاسه ان فى حاجه كبيييييييييييره اوى ناقصانى بس الحمد لله رجعتلكم تانى
واحب اقول لنانى بجد انت عندك حق فى كل كلمه قولتيها عن مصر فعلا مبقاش ينفع يتقعد فيها نهاااائى مش عشان وضع البلد بس لا الناس كمان اتغيرت بطريقه بشعه انا قعدت شهرين كانوا عباره عن شهرين نكد بجد وحصلى موقف لو اتحكالى من اقرب الناس ليا مش هصدقه المهم الحمد لله عدت على خير
انا بقا عاوزة اعرف ملخص الشهرين دول يعنى اهم الحاجات اللى قلتوها يا حلوين افتكاسه جديده كده يعنى
وممكن اعمل ايه جنب المومبار بس حاجه خفيفه كده وسريعه
بكره نكمل بقا بس قبل ما انسى لو حد عنده صراصير وعاوز يقضى عليها نهائى يقولى لانى الحمد لله وبفضله قضيت عليها وشردتهم ويتمت عيالهم هههههههههههههههههههههههههههههههههههههههههه

وحشتييييييييييييييييييييييييييييييييييييييييييييني لغاية بعد بكرة ههههههه كل دة غياب يا ام عمر ؟ والله سألت عليكي كتير عمر خطيب نورين عامل ايه ههههههههه
وأول ماترجعي كدة ترجعي تشتكي من البلد علي طول ؟ كدة برضو ؟ امال احنا عايشين فيها ازاي ؟ يا بنتي كل حتة في الدنيا خلقها ربنا فيها الحلو والوحش مش مصر بس والبلاد التانية برضو فيها حاجات مايعلم بيها الا ربنا وبعدين يعني البلد دي احسن من غيرها هههههههه كفاية والله العظيم قاعدتك مع اهلك واصحابك واحساسك بالاستقرار وانك صاحبة مكان كدة ;) بالدنيا كلها يا ام عمر صح ؟؟؟؟

shimaaafifi;13566440:
على فكره بسبس تلاقيها نسيت وهى بتكتب خميره ياجماعه
ده اكيد

اه والله فعلا نسيت هى اتكتبت منى تلقائيا :o

انا اصلا مش بستخدم الخميره فى اى معجنات بتاتاااااااااااااااااااااااااا

بنات بليز عايزه طريقة كيكة مضمونه و تكون عاليه و هشه كده.. و سؤال ايه بديل الزبده في الكيك لو مش عندي؟

ftft70;13564618:
تسلميلى يا نانى يا حبيبتى
لو سمحتى يا قمر عاوزه طريقة كيكه بس يكون جواها مكسرات و قرفه.

الله يسلمك يا قمر

وكيكة فيها قرفة ومكسرات ممكن تعملي كيكة التمر

او تعملي نفس كيكة النيدو دي وتحطي فيها قرفه ومكسرات بس زودي ربع او نص كوب دقيق عشان الكيكات اللى بتكون فيها مكسرات يستحسن يكون قوامها تقيل

رووفة;13566624:
بقوللكو ايه يا بنات
انا عملت الكراميل ده
معنديش قشطة فعملته كريمة الحفق
وطالع سااايل اوي معرفشي ليه ومعنديش كريمة تاني
ولما بحطه ع النار بيفوور ويغرق الدنيا
هوا كده باظ والا اييييييييييه؟؟

ثانيا انا بعمل كيكة التمر دي
وفتحت الفرن عليها لقيتها لسة نية من النص
فسيبتها
هيا كده هتبهط والا ممكن تنجح؟؟

هو اصلا الكراميل انا على طول بعمله بالكريمة مش بالقشطة خالص ومش القشطة او الكريمة هما اللى بيتقلوه لان القشطة اكيد هتسيح وهتبقى زي الكريمة اول ما تتعرض لسخونه هو تقريبا انتي زودتي الكريمة

والكيك لا متخفيش مش هتهبط انا مرة عملتها وطلعتها من الفرن وبردت واكتشفت انها لسه نايه دخلتها تاني ههههههههههههههههه والحمد لله مهبطتش بل بالعكس اترفعت لما استوت

miramiro;13567772:
نانى
لو سمحتى كنت عايزه اسالك عن البيتزا
هى مقاس الصنيه اللى عملتيه فيها كام؟
و هو انتى عملتيها فى الصنيه المخرمه اللى انتى حاطه فيها البيزا دى؟

ما شاء الله شكلها جميل
هعملها واقوولكم الاخبار

وانتى حطيتى الكاتشب على العجينه عالطول بدل صلصه البيتزا مش كده؟ وعليها بقى الحاجات اللحم و الزعتر وكده صح؟

بصي مقاس الصينيه هي قد البيتزايا اللارج اللى بنشتريها واه هي الصينيه المخرمة دي هي اللى عملت فيها

تمام حطيت الكاتشب على العجينه بدل الصلصه لقيت انه نفس الطعم يبقى اتعب نفسي ليه ههههههههه

CuTie KaTkOoTa;13568535:
بنات والله هتجنن كل ما ادخل سوبر ماركت ملاقيش خميرة خالص ولا اي نوع منها والمرة الوحيدة اللي لقيت كان في اولاد رجب وفي بقالة جنب بيتي والاتنين نفس النوع حلو الشام اللي مش فورية اووووف اعمل ايه بقي، زهقت بجد بقييييييييييييييييييييييييي، لازم بقي انزل مشوار مخصوص لواحد بعيد عني عشان اجيبها ينفع كده الكلام ده :thumbs_down::thumbs_down::thumbs_down:




قولولي اجيب باف بيستري نوعه ايه عشان اعمل ام علي، عشان بلاقي احجام وانواع لو مثلا الكرامة او اي ماركة تانية اجيبه مكتوب عليه ايه بالظبط.

ابعتلك احلى خميرة من هنا يا قمر

الباف باستري ماركة السنبله حلوة والكرامة بردوا حلوة بس هاتي اللى بتكون مكعبات كذا وحدة بيكونوا 12 تقريبا دي اسهل كتير من اللى بتكون قطعه وحدة يادوب ترصي المربعات في صينيه وتدخليها الفرن وبس بدل ما لسه تخليها تفك وتفردي وتقطعي

sweetylolla85;13568565:

ممكن اسالكم سؤال هو ايه البيف باستري دي بتستخدموها في ايه؟
بصو بقي ربنا يكرمكم تدلوني انا عندي عزومه تاني يوم العيد
دي الاصناف المبدئيه عاوزاكم تقترحو عليا الباقي بس بلاش اصناف الجديده يعني الاكل بتاع زمان عشان انا عازمه حماتي واخوات جوزي وهما بينتقدو الاكلات الجديده بيحبو الطبيخ والباشميلات والصواني كده يعني
1- فخده مشويه
2-رز بسمتي ولا رز بالخلطه بالمكسرات؟
3-مكرونه باشميل
4-سمبوسك لحمه مفرومه
5-ملوخيه
6-هاسلق لحمه واحمرها
7-سلطه خضرا-طحينه -باباغنوج

ممكن تقولولي بقي لو في حاجه تانيه او اشيل حاجه يعني بجد محتاجه ارائكم هي عزومه ل11 فرد

المنيو جميل بس حاجة وحدة الملوخيه هتتاكل بعيش ؟ لو انتوا متعودين تاكلوها بالعيش يبقى مفيش مشكله لكن لو بتاكلوها بالرز يبقى غيري الرز لا يكون بسمتي ولا بالخلطة ويكون رز بالشعريه

ام عمر افندى;13568613:
وحشتونى وحشتونى وحشتونى بجد كنت حاسه ان فى حاجه كبيييييييييييره اوى ناقصانى بس الحمد لله رجعتلكم تانى
واحب اقول لنانى بجد انت عندك حق فى كل كلمه قولتيها عن مصر فعلا مبقاش ينفع يتقعد فيها نهاااائى مش عشان وضع البلد بس لا الناس كمان اتغيرت بطريقه بشعه انا قعدت شهرين كانوا عباره عن شهرين نكد بجد وحصلى موقف لو اتحكالى من اقرب الناس ليا مش هصدقه المهم الحمد لله عدت على خير
انا بقا عاوزة اعرف ملخص الشهرين دول يعنى اهم الحاجات اللى قلتوها يا حلوين افتكاسه جديده كده يعنى
وممكن اعمل ايه جنب المومبار بس حاجه خفيفه كده وسريعه
بكره نكمل بقا بس قبل ما انسى لو حد عنده صراصير وعاوز يقضى عليها نهائى يقولى لانى الحمد لله وبفضله قضيت عليها وشردتهم ويتمت عيالهم هههههههههههههههههههههههههههههههههههههههههه

حبيبتي انتي وحشتينا اكتر يا قمر الف حمد اللع على سلمتك

وفعلا يا بنتي خلاص البلد دي مبقاش فيها خير في اي حاجة خالص واحنا طبعا عشان عايشين وشفنا الاحسن بنحس بالفرق جدا عكش ما كان مضحوك علينا في الاول :D:D

يلا معلش ربنا يهدي ويصلح الحال في البلد دي لانها بجد خلاص هتنهار قريب جدا دة ان مكانتش انهارت اصلا خلاص

bosy_md;13569656:
بنات بليز عايزه طريقة كيكة مضمونه و تكون عاليه و هشه كده.. و سؤال ايه بديل الزبده في الكيك لو مش عندي؟

بديل الزبدة اكيد الزيت


جربي الكيك بتاعت النيدو دي تحفة ومعموله بالزيت

يا بنات صحيح الغربة حلوة هههههههههههه وجميلة الصراحة ربنا يديمها علينا نعمة ههههههههههه بس بردووو مصر هى امى نيللها جوة دمى
كفاية ان اهلنا فيها و نمشى فيها ملووك مش غرب هى اينعم الحياه برة احسن بس كفاية انك مش من جنسيتهم و مهما قعدتوو فى البلد هتبقو مواطنين درجة تانينة ده على العكس الموضوع ده اكتر فى الدول العربية عن الدول التانية
ما علينا
النهاردة بعمل كشك نانى تانى :D عجبنى اوى و كل شوية اروح اضربلى معلقة شكله هيخلصقبل ما نتغدى

بالف هنا وشفا يا بوسي

بس موضوع نمشي فيها ملوك دي زادت منك شويه ههههههههههههههههههه

هوا ايه الكشك ده يا ناني و يا ريت تقوليلي طريقة اللازانيا :o

ازيك يا بوسي وحشتيني فينك و ازي بنوتك القمر

عروسة نعومة;13570276:
هوا ايه الكشك ده يا ناني و يا ريت تقوليلي طريقة اللازانيا :o

ازيك يا بوسي وحشتيني فينك و ازي بنوتك القمر

الكشك دة عبارة عن

كوب زبادي ( بفضل اكتيفيا) تدوبي فيه 4 معالق دقيق صغيرين وتسبيه ساعه على جنب


وبعدين تجيبي قطعه فراخ مخليه تقطعيها مكعبات نونو وتشوحيها مع نص بصله وتحطي ملح وفلفل وبعدين تدوبي الزبادي بالدقيق بشويه ميه وتضفيهم للفراخ وتقلبي لحد ما يكون سميك وتضيفي معلقتين رز مسلوق او بايت عندك وتظبطي الملح وتغرفي في الطبق

وتجيبي نص البصله التاني تقطعيه نونو مع فصين توم وتحمريهم في حتة سمنه وتحطيهم على وش الطبق



اللازانيا هتسلقي المكرونه اللازانيا وتعصجي لحمة وتعملي بشاميل خفيف وتعملي صلصه طماطم عليها زعتر او اريجانوا

وجبنه مبشورة


تحطي طبقة بشاميل وعليها مكرونه وعليها لحمة وعليهم صلصه وعليهم جبنه وشويه بشاميل تاني وهكذا لحد ما يخلصوا وعلى الوش بشاميل ورشه جبنه شيدر او موتزاريلا

عدناااااااااااااااااااااا
بوسى الله يسلمك يا قمر وبالنسبه للصراصير بقا هاتى بودره بوريك اسيد من الصيدليه وعايريها هتبقا اد ايه وحطى ادها بالظبط لبن نيدو وادها تانى دقيق وادها تاى برضوا سكر واعجنيها بميه وخليها متماسكه كده وحطيها على اى حته تتوقعى يجيلك منها صرصاار والنتيجه هتبان بعد 4 او 5 ايام
سوسى يا قمر وانت كمان واحشتينى اوى بجد وعمر خطيب نورين بيسلم عليها وبيبوسها من هنا ومن هنا هههههههههههههههه
والله كنت بقول زيك يا سوسى لحد الاجازة اللى فاتت بس الاجازة دى معرفش فى ايه حصل حسيت احساس غريب جدا واللى حصلى خلانى اغير وجهه نظرى يمكن لما اقعد شويه انسى واحن تانى ههههههههههههههه ابسط حاجه الطماطم ب15 جنيه لييييييييييييييييييه انا بتكلم عن ابسسسسسسسسسسط حاجه خااالص والحمد لله على كل شئ
وايه موضوع كيكه النيدو دى يا نانى انت اكلك كله ماشاء الله عليكى لازم اجربه
ومحدش قالى اعمل ايه جنب المومبار

sosiii-cat;13568663:
ايوة يا ايمي انا جربت اللي بالجوافة دة حلو بس اللي بالمانجو ماشفتوش قبل كدة
وبقيت بعمل دلوقتي بقي ايه بقيت بحط علي الزبادي انا قطع فواكه صغيرة يعني قطع موز صغيرة او قطع بلح اسود صغيرة اوي جوافة او اي فاكهة طرية واهرسها شوية نورين حبتها كدة اوي ماشاء الله جربي لجوجو كدة

والبف باستري هاتي السنبلة او الكرامة الاتنين حلوين انا عن نفسي عجبتني الكرامة اكتر من السنبلة مع ان ناس كتير رأيها العكس





شوفي يا لولا هنا فيه حاجات بالبف باستري كنت عاملاها

http://forums.3roos.com/showthread.php?t=564152&highlight=%D1%D4%D1%E6%D4&page=18


وفيه افكار تانية ممكن تتعمل بيها زي ام علي او سينابون او باتيه





وحشتييييييييييييييييييييييييييييييييييييييييييييني لغاية بعد بكرة ههههههه كل دة غياب يا ام عمر ؟ والله سألت عليكي كتير عمر خطيب نورين عامل ايه ههههههههه
وأول ماترجعي كدة ترجعي تشتكي من البلد علي طول ؟ كدة برضو ؟ امال احنا عايشين فيها ازاي ؟ يا بنتي كل حتة في الدنيا خلقها ربنا فيها الحلو والوحش مش مصر بس والبلاد التانية برضو فيها حاجات مايعلم بيها الا ربنا وبعدين يعني البلد دي احسن من غيرها هههههههه كفاية والله العظيم قاعدتك مع اهلك واصحابك واحساسك بالاستقرار وانك صاحبة مكان كدة ;) بالدنيا كلها يا ام عمر صح ؟؟؟؟

عندك حق ياسوسي كل بلد فيها الحلو و الوحش و كفاية انك تبقي في بلدك وسط اهلك دي عندي بالدنيا كلها بجد الغربة صعبة اوي ربنا يهونها علينا يارب و يعدل حال بلدنا و يقصر غربتنا ا
‏البنات الي عايشة في السعو دية ياتري في ارانب هنا ‏↳‏

‏يام عمر ماهنا الطماطم وصلت لتلاتين ريال

ام عمر

كيكة النيدو دي بتاعت العضوة هند وهي اسمها كدة عشان بتتعمل بكبايه لبن بودرة متحمص

عايزة طريقة ال باستا فلورا

ما انا فسعوديه طماطم ايه بس الي ب30 ريال فلهايبر وكارفور ب10 ريال وفي الناس الي بتبيع في عربيات كده فشارع عطريق ب5 ريال

واه في ارانب في كارفور وهايبر بنده وفي بط كمان

انا الطماطم عندي لما غليت وصلت 7 ودلوقت ب 3 ونص