18 مرة نقول يا تري بتعملي الأكل ده أزاي ؟ ( مبدعات مصر القمرات ) شهر ذو القعده

د.ودعه;13427646:
بسم الله ما شاء الله عليكم
انا دخلت تجمعات طبخ كتيييير بس مفيش تجمع في الروعة دي
خليتوني غيرت قوييييييي
انا اصلي خلقي ضيق في المطبخ بس انتو فتحتو نفسي جدا
وعندي اسئلة كتيرة لاني ابيض ياورد
ممكن تقبلوني

اهلا بيكي معانا حبيبتي واسألي زي ما انتي عايزة

Bird amore;13430911:
كيك بنكهة القرفة



الطريقة هنا

http://forums.3roos.com/showthread.php?t=572585

دك


واااااااااو تسلم ايدك شكلها تحفة

paradise rose;13430466:
ام بودى اكلك يجنن ماشاء الله التشيكن رول برضه ممكن تتحشى سوتيه وبعد ما تتسلق تتحمر حبه فى زيت ونولع فيى وسطها فحمه ياسلام انا عملتها فى عزومه عجبت الناس اوى
بس انا لما عملتها ملفتهاش بفويل اول مره اعرف موضوع الفويل دا منك انا لفتها بخيط عادى عشان متفكش
وبعد ماة اتحمرت شيلت الخيط
عايزه اسالك بقى لو عملت قالب الكفته بالخضار بيتاكل معاه ايه وينفع يتعمل ويتحط فى التلاجه وتانى يوم يتسخن ف الميكرويف

فى يابنات موضوع شفته واحده عامله دجاج كنتاكى بالظبط بكل التكنيك بتاعه اكيد كتير منكو يعرف السايت اللى فيه الوصفه اللى ميعرفش ياخد الجمله دى كوبى ويحطها فى جوجل وهيدخل على الموضوع من اول لينك
دجاج كنتاكى ........... حصرى على
ودى صورته



شوفوا دا ياينات وفيدونى
http://forums.3roos.com/showthread.php?t=572540


اة بصوا بقى فى سؤال كمان معلش انا اسالتى كتير اوى
انا هاعمل تورتايه عشان عيد ميلاد جوزى ان شاء الله
جبت علبه دريم كريم شانتيه مكتوب على العلبه نحط 5 معالق على 200 مللى لبن ساقع وعند ماما مفيش معيار
ال 200 مللى دول يجوا نص كبايه مثلاااا

والتورتايه هعملها ان شاء الله فى صينيه مقاس 24 اعمل اد ايه كريمه للتغطيه والحشو
وهل انا بحشيها كريمه من دى بس ولا بزود حاجه كمان

اه 200 مل يعني تقريبا كوب الا ربع بس انتي خليها نص عشان تكون متماسكة وتعرفي تغلفي وتزيني بيها كويس

والحشو بيكون الكريمة وعلب الكمبوت الفاكهة ميتها بترشيها على الكيك وقطع الفاكهة بتحطيها على الكريمة في الحشو

والحشو والتزيين ممكن تعملي 10 معالق كريمة ولو حسيتي انك محتاجة تاني اعملي 5 معالق كمان

ايه يا جماعه احسن مكان اجيب منه توابل كويسه مش زى اللى فى السوبر ماركت حاجه نضيفه يعنى
اه وايه الزنجبيل الفريش ده غير العادى وممكن احتفظ بيه ولا استخدمه فى ساعتها بس

لا يا جميل مش محتاجه شربات خالص لان الموز مسكرها وفيها سكر كمان
وانتي بتضربي البيض مع السكر والفانليا وبعدين الزيت ولبن عليهم بغدين الموز المهروس بعدين الدقيق مع البكنج بودر وبعديها الموز المتقطع وبسسسس

انا احسن مكان بجيب منه توابل ومضمونه حراز او رجب العطار عطارين كبار وليهم اسمهم وسمعتهم بس ده لانى ساكنه قريب منهم المشوار مش بعيد عليا

لكن لو عايزة من السوبر ماركت فيه انواع كتير منها الضحى توابلها جدمييييييييله وفى انواع كده برطمانات قزاز

او لو بتروحى سبينس هاتلاقى هناك قسم عطاره عنده كل ماتتخيلى واعتقد هاتلاقى هناك الجنزبيل الفريش

وبنات معلش عندي سوال عبيط معلش خالتي كانت بعتالي بايركس كده كان فيه كبيبه صنيه متسويه وقالتلي اخد البايركس هيه مش عيزاه وسافرت هيه علي كندا وانا عايزه اسوي فيه حاجه فلفرن معرفش بقي ينفع ولا هيتكسر اعرف منين بقي سوال غبي معلش بس اعرف منيييييييييييييييين

miobello;13432997:
ايه يا جماعه احسن مكان اجيب منه توابل كويسه مش زى اللى فى السوبر ماركت حاجه نضيفه يعنى
اه وايه الزنجبيل الفريش ده غير العادى وممكن احتفظ بيه ولا استخدمه فى ساعتها بس

دة الزنجبيل الفريش اللى بيكون النبات نفسه مش متجفف ومعمول بودرة دة الاصل وطبعا بيبقى طعمه احلى بكتير من البودرة وبيتباع في السوبر ماركت عادي بالكيلو زي الخضار

وبيشال في التلاجة عادي زي الخضار وبيعيش ممكن يعقد شهر في التلاجة زي ماهو

دموع اشتياقي;13433820:
وبنات معلش عندي سوال عبيط معلش خالتي كانت بعتالي بايركس كده كان فيه كبيبه صنيه متسويه وقالتلي اخد البايركس هيه مش عيزاه وسافرت هيه علي كندا وانا عايزه اسوي فيه حاجه فلفرن معرفش بقي ينفع ولا هيتكسر اعرف منين بقي سوال غبي معلش بس اعرف منيييييييييييييييين

حبيبتي اي حاجة بايركس بتدخل الفرن عادي

الخوف بس بيكون لما تحطيها على النار الماركات الاي كلام هي اللى بتطق لكن الحاجات النضيفة مش بتطق ابدا حتى لو حطتيها على النار او على مكان ساقع او فيه ميه

ماركة الصينيه اللى عندك ايه؟

والله معرف مش مكتوب عليها يا ناني طيب اختبرها ازاي قبل مدخلها الفرن

لا قمت بصيت عليه لقيت مكتوب مصنوع في البرازيل marinex ind bras

غدا النهاردة


قبل ما تدخل الفرن






بعد ما خرجت من الفرن









عايزة اقولكوا ان الصينيه دي عبارة عن بواقي اكل كانت في التلاجة ههههههههههه وانا الحمد لله مش بحب ارمي اكل خالص ولو كانوا معلقتين بس وجوزي مش بيحب ياكل الاكل مرتين


انا بقى بضحك عليه وبستخدم بواقي الاكل دي في حاجات جديدة


المهم دول شويه مكرونه بالصلصه كانوا متبقين سلقت عليهم شويه تاني


وكان عندي شويه بسله بالجزر باللحمه المفرومة مطبوخين

يادوب عملت شويه بشاميل وعملت صينيه المكرونه بالخضار باللحمة المفرومة دي


وبجد مش عايزة اقولكوا تحفة

رشيت على الوش جبنه برميزان وبقسماط ومش قدرة اوصفلكوا جمال الريحة اللى طالعه منها


بجد البرميزان بيدي للاكل ريحة تحفة

دموع اشتياقي;13434056:
والله معرف مش مكتوب عليها يا ناني طيب اختبرها ازاي قبل مدخلها الفرن

دموع اشتياقي;13434089:
لا قمت بصيت عليه لقيت مكتوب مصنوع في البرازيل marinex ind bras

طيب بصى انا عندي صينيه ماركة مارينكس كانت بتدخل الفرن عادي جدا جدا وزي الفل لكن اول ما جربت مرة احطها على النار طقت


فانتي دخليها الفرن عادي جدا مفيش خوف ومن غير لا تختبريها ولا حاجة لكن متحطيهاش على النار من فوق خالص


اللى بحطه على النار عادي وبعمل فيه كل حاجة وبعمله معامله الحلة العادية ماركة pyrex وماركة اركوزين

ماشاء الله يا ناني شكلها يفتح النفس جدعه والله

هو لو بيركس يبقى ياقمر خلاص يدخل الفرن عادي بس المهم متخرجيهوش من الفرن على حاجه ساقعه عشان ممكن يفرقع

تسلميلي يا ناني يعني عادي مفيش اي مشاكل اوك ربنا يسعدك يارب

sosiii-cat;13410309:
بسم الله الرحمن الرحيم


محشي ورق عنب













حمام محشي ارز









باف باستري بحشو الفراخ













سلطة التفاح









تشيز كيك

ناني فيبس;13434109:
غدا النهاردة


قبل ما تدخل الفرن






بعد ما خرجت من الفرن









عايزة اقولكوا ان الصينيه دي عبارة عن بواقي اكل كانت في التلاجة ههههههههههه وانا الحمد لله مش بحب ارمي اكل خالص ولو كانوا معلقتين بس وجوزي مش بيحب ياكل الاكل مرتين


انا بقى بضحك عليه وبستخدم بواقي الاكل دي في حاجات جديدة


المهم دول شويه مكرونه بالصلصه كانوا متبقين سلقت عليهم شويه تاني


وكان عندي شويه بسله بالجزر باللحمه المفرومة مطبوخين

يادوب عملت شويه بشاميل وعملت صينيه المكرونه بالخضار باللحمة المفرومة دي


وبجد مش عايزة اقولكوا تحفة

رشيت على الوش جبنه برميزان وبقسماط ومش قدرة اوصفلكوا جمال الريحة اللى طالعه منها


بجد البرميزان بيدي للاكل ريحة تحفة

سارة العروسة القديمة;13434460:

روحى يا شيخة


ربنا يباركلك

تسلمي حبيبتي ربنا يخليكي


بصي الشركسيه


هاتي فرخة اسلقيها وحطي في ميه السلق بصله وحبهان ولورا وفلفل اسود

الرز اعمليه زي بتاع الفته

كوبايه رز مغسوله ومنقوعه 5 دقايق صفيه وقلبيها في زبدة او زيت عشان يبقى مفلفل ومش معجن وبعدين اسقيه بشوربه الفراخ او ميه


الشركسيه بقى


حتة زبدة في حله شوحي فيها فص توم او اتنين مع شويه كسبرة ناشفة وبعدين حطي كوبايه شوربه وعليهم نص كوبايه عين جمل مفروم و3 قطع توست او رغيف فينو منقوعين في كوب الا ربع لبن حطي كله على النار وسبيهم يستوا مع بعض وبعدين اضربي الخليط دة في الخلاط


بس حطي بقى الرز في طبق وفصصي الفراخ وحطيها على الرز ووزعي صوص عين الجمل عليهم

ناني فيبس;13434560:
تسلمي حبيبتي ربنا يخليكي


بصي الشركسيه


هاتي فرخة اسلقيها وحطي في ميه السلق بصله وحبهان ولورا وفلفل اسود

الرز اعمليه زي بتاع الفته

كوبايه رز مغسوله ومنقوعه 5 دقايق صفيه وقلبيها في زبدة او زيت عشان يبقى مفلفل ومش معجن وبعدين اسقيه بشوربه الفراخ او ميه


الشركسيه بقى


حتة زبدة في حله شوحي فيها فص توم او اتنين مع شويه كسبرة ناشفة وبعدين حطي كوبايه شوربه وعليهم نص كوبايه عين جمل مفروم و3 قطع توست او رغيف فينو منقوعين في كوب الا ربع لبن حطي كله على النار وسبيهم يستوا مع بعض وبعدين اضربي الخليط دة في الخلاط


بس حطي بقى الرز في طبق وفصصي الفراخ وحطيها على الرز ووزعي صوص عين الجمل عليهم

طب هى الشركسية لازم عين جمل فيها و الفراخ بتتحط مسلوقة بس كده وللا بتتحمر

سؤال عاااااااجل لنااانى
انا بعمل دلوقتى عرق الروستو بطريقتك انا البهارات اللى عندى ملح و فلفل هههههههههه و كارى و قرفة و كسبرة ناشفة وزعتر احط ايه منها وللا اخليه ملح و فلفل بس؟؟؟؟؟

سارة العروسة القديمة;13434804:

عين الجمل متحمص ؟


واعرف ازاى انوا كفاية كدة علية

عين الجمل العادي اللى بنشتريه وناكله او نحطه في الحلويات

كفايه عليه سوا يعني

هو مش بياخد كتير يادوب 5 دقايق

Bossy22;13434816:
طب هى الشركسية لازم عين جمل فيها و الفراخ بتتحط مسلوقة بس كده وللا بتتحمر

دة مكون اساسي من غيره مش هتبقى في شركسيه خالص :D


والفراخ اه مسلوقه بس ممكن تحمريه بس لما بتتحمر وهي من غير جلد بتبقى ناشفه ممن تشوحيها في حتة زبدة لكن مش تحمير تشويح بس لو مش بتحبي الفراخ مسلوقه

Bossy22;13434866:
سؤال عاااااااجل لنااانى
انا بعمل دلوقتى عرق الروستو بطريقتك انا البهارات اللى عندى ملح و فلفل هههههههههه و كارى و قرفة و كسبرة ناشفة وزعتر احط ايه منها وللا اخليه ملح و فلفل بس؟؟؟؟؟

حطي ملح وفلفل وزعتر