كلي ندم

السلام عليكم ورحمة الله وبركاته

ببدأ مشكلتي بدون مقدمات علي اجد مايريح نفسي ... ويعيد لها بقايا

ثقه وامل ... بالذات اني لاجد متنفس الا بهالمنتديات .. علاقتي بخواتي

رسميه نوعا ماا ولا نتكلم الا عن المثاليات في حياتنا........


انا معلمه خجوله وهاديه وقليله الكلام .. متزوجه وعندي ولد ...... علاقتي

مع زوجي طيبه مع اني لاأراه الا في نهايه الاسبوع لطبيعه عمله........

غارقه في احلام اليقضه ... فبمجرد مارحع للبيت اعيد كل اللحضات اللي

عشتها برا بس مع ردات الفعل اللي كنت اتمنى انها تصير .... وعالبا ماحس

بالذنب لاني ماخذت حقي ... لكن شخصيتي تختلف مع طالباتي حازمه

شوي ولااحب احد يتكلم عندي ولااتكلم معاهم الدرس وبس .... يعني ماحد يدري وش وراي.

مشكلتي تبدأ مع طالبتي........ عندي طالبه هاديه وشاطره ومؤدبه ......

تفاجأني دائما بأجاباتها الذكيه........ حبيتها من كل قلبي ... دائما أثني

عليه وامدح فيها... احس ودي اخدمها بأي شي

تطور الموضوع صرت افرح اذا اشوفها... واكشخ بكل ماعندي قدامه .... واجدع

عليها بعض الكلمات.. مثلا اذا كانت كاشخه اقوله وش

هالزين...وماشابه......واتحجج بأي شي عشان تجين.. هاتي الدفاتر..

اجمعي الاوراق..الخ
ولما اجي احاسب نفسي اقول هذا حب في الله لأن البنت عاديه في

الجمال بس خلووووقه مره وهاديه والله ويشهد الله ماعندي في داخلي اي

اغراض شاذه بس احس ودي اخدمه واجلس معه ... في احد المرات نقصت

ربع درجه في الاختبار .. تضايقت وحذفت السؤال بحيث تجيب الدرجه الكامله والبنات مايتضررون..

المهم البنت لاحضت .... وصارت تتهرب مني .. حتى زميلاتها لاحضوا وصاروا

يغمزولها اذا دخلت..اناا صرت مشتته بما اني ادري ان البنات يدرون صرت

اتلخبط اذا قومته تجاوب ويتغير لون وجهي.....

البنت تخرجت مع الانطباع السخيف اللي اخذته عني وبقية البنات ترسبت

في دواخلهم ماتتصف به معلمتهم الهادئه الرزينه.

بديت احاسب نفسي شوي شوي ومره اقول كل الناس كذا احيانا تحس فيه

احد يدخل قلبك غير عن كل الناس وتتمنى تسدي له خدماتك.... واستغفر

وادعي وابكي طوال الليل .. اشعر بالذنب تجاه خالقي الذي اشغلت نفسي عنه واربكت مشاعر نفوس بريئه وقصرت تجاهه..

اشعر بالخزي امام طالبتي اللتي مازلت اكن لها مشاعر المحبه والفكره السيئه التي سافرت بها...

اشعر بالخزي ايضا امام طالباتي الان ..

كيف اصحح نضره هذه الطالبه والاخريات ... واستعيد ثقتي بنفسي

................ادامكن الله لي اخوات وفرج كربكن....................