نصائح لكل من تعاني من حب الشباااب هاام يا بناات .. تجربتي ,,

كيفكم يا صبايا ..؟

طبعا بموضوعي السابق اتكلمت عن السواد اللي اعاني منه بالمناطق الحساسه والكوع والركب وطبعا اليوم بتكلم عن حب الشباب اللي مرافقني من ايام بلوغي ..

ولانه زواجي قرب فـــ رحت من شهرين لدكتوره ولله الحمد ادويتها راائعه .. والاسبوع الجاي براجعها .. الحمدلله موااظبه معاها ...



بنات اللي عندها حب شباااب تمتنع من /

الزيووت / الششطه والفلافل اللي تحرق / وكل انواع الكولا ..

اذا حابه تشرب سفن تشرب بس مو بكثره يعني نادرا واهم شي المويا تشربوها بكثررررررهـ ..

هذي نصاائح الدكتوره لياا ..

طبعا واهم شي ما تلعبوا بالحبوب كثير من الدكاتره يقولولنا كدا وما نعرف السبب وما نهتم لكن اللي تعرف السبب راح تبطللللللل ..


السبب هو / علشان لا تطلعلكم حفر بوجهكمـــ ويصير مشووووهـ طبعا تعرفوا الفنانه يلدا وفي فنانه كويتيه ما اعرف اسمها اشكالهم بشششعه من الحفر اللي بوجههمــ .. وما تروح الا بحقن كل حفره
مره بالاسبوع على مدى شهر ونص او اكثر على حسب الحاله ..

فنصييييييحه لا تلعبوا بيها وتعانوا بالاخير من هذي المشكله يعني تخلصوا من الحبوب تبقى لكمـ الحفر ..

ولله الحمد ما صرت العب فيها ..

طبعا الدكتورهـ كتبت ليا انا واختي ادويه بس اختي حالتها اصعععب مني ..


( اكنيمايسين 2% ) هذي احطها على الحبوب والبقع السودا .. وتشيل الحبوب احب هذا المرهم كثير .. واستخدمه مره صباحا ..

( RETIN- A ) مقشر للوجه وقالتلي احطه على وجهي بسسسسس ربع ساعه بالليل وما اتعرض للضوء ابدااااااا واغسله ما اكثر عن ربع ساعه لانه بشرة الوجه رقيقه .. قالتلي في ناس يحطوه باللي ويصحوا الصباح يلاقوا بشرتهم متهيجه علشان كدا حطيه ربع ساعه ولا تتعرضي للضوء وبعدين اغسليه ..

(نت لوك ) هذا اقراص جدا رووعه لانه يسبب جفااف للبشره وما يخلي فيها اي دهن لدرجة اني ما ابغى اغسل وجهي بالصابون لانه مافيه اي دهون بس لازم اغسل وجهي للنظافه .. وعليه تحذير ما تستخدمه الحامل لانه يسبب تشوه بالجنين وهي عارفه انه زواجي بعد 6 شهور قالتلي استخدميه بس شهر لانه مفعوله يبقى في الدم لمدة 6 شهور ..

( ستروبانتين كريم ) هذا كريم احتياطي ااذا جاني احمرار بوجهي هذا يخفف الاحمرار ..

( صابون آكني فيرا )

( ازروليد ) هذا مضاد حيوي استخدمه يوم ويوم لا .. والعبوه فيها شريط واحد مكون من 3 اقراص ..

( UVEBLOCK +50 ) هذا وآقي شمس لااااااازم احطه اذا اتعرضت للشمس ..

وفي فيتامين ادتني هو قالتلي مفيد للشعر والبشره ..

ووالله وجهي صار احسن بكثيررررر واختي من كثر ما وجهها اتحسن صحباتها بالمدرسه لاحظوا وقالولها صارت بشرتك افتح ( يقصدوا مكان البقع اتفتحت من المقشر اللي تستخدمه ) ..

اما اختي لانه حالتها اصعب مني فقالتلها النت لوك تستمر عليه 3 شهور كمان ..

وربي من جد فرحت بالتحسن اللي صار لي خصوصا انه جالي احباط من الدكاتره كل واحد يديني ادويه ما احسها تنفعني واهمل ما اخدها بوقتها ..


وزي ما قلتلكم لا تلعبوا في الحبوب .. وابعدوا عن الممنوعاات وكمان العصبيه والحاله النفسيه تزيد من الحبوب ...


والله يشفيني وآياكمـ


حبيت انقلكمـ تجربتي ممكن احد فيكمـ جرب نوع من هذي الادويه وجابت معاه نتيجه ومراجعتي لها يوم الخميس الجاي ان شاء الله ..