ممكن استشارتك ادخلي لو سمحتي

مرحبا اختي

حبيت اساعدك ..

افضل الاثاث المودرن اولا .. الاثاث التقليدي تلقيه بآي بيت وبمآ انكم بتسكنوا بشقه جديده وكل شي جديد فالافضل يكون مودرن ..

والمودرن الحلو اللي فيه انه بسيط وبنفس الوقت ما يحتاج لاثاث كثير زي التقليدي .. التقليدي تحتاجي كل زاويه تحطي فيها اكسسوار ..

هذا الالوان كلها متناسبه مع بعض وهااااديه جدا ينفع تخليها لغرف النوم علشان الالوان الغامقه تجيب التوتر والضيق .. وكمان تنفع لباقي الغرف ..

هذا الكنب وتخيلي الالوان عليه .. الحلو في الكنب انه بسيط وكثير حلووو ..




الالوان




ممكن الجدار تخليه باللون رقم 2 والكنب باللون رقم 4 والمخدات برقم 5 و 6 و بالصوره الثانيه اخر لون على اليسار ..

تصير الكنبه لها 3 الوان للمخدات فقط او المخدات برقم 5و 6 و 2

وتقدري تضيفي استيكرات


نموذج للاستيكرات /








وفي استيكرات احلى من كدا ..

تقدري تخلي بالجدار طبعا اللون الاساسي اللي حددته لكي بالاضافه الى الالوان الثلاثه للمخدات تعمليها بالجدار بالاستيكر .. او تيجي رسمه وانتي تصبغي عليها بالالوان الثلاثه اذا ما لقيتي استيكر بنفس الالوان ..


اما اذا بتغامروا بالوان جريئه فلافضل انه الكنب بلون احمر وعليها مخدات بيج والجدار بيج اوكنب احمر ورمادي فاااتح والجدار رمادي فاتح ...
طبعا اهم شي علشان تزيد حيويه من هذي الالوان الشجر لاااااااازم تضيفي شجر بالزوايا .. وكمان حوض اسماك ..


وعندي فكره كثير حلووه ان شاء الله اعتمدها بشقتي ..

خلي ركن بسيط بالصاله او الرسيبشن يعني اكثر مكان تتواجدوا فيه اتركي ركن مخصص للاسترخاء ..

يعني تجيبي كرسي الاسترخاء اللي يجي طويل وبعض منها فيها مساج .. وحطيه بالركن الفاضي ولنعتبر المساحه مترين ونص او 3 امتار وقدام الكرسي هذا حطي حوض سمك معروف انه حوض السمك مريح للاعصااب .. وبجانب الكرسي حطي نباتات طبيعي او حتى زينه الحجم الصغير مو شجره طويله بيكون خطير وبالجانب الثاني حطي ماصه صغيره وعليها اباجوره بيكون شي توووحفففففففه والله .. يعني اللي يبغى يسترخي يجي هنا او اللي يبغى يقعد على اللاب توب فكره حلووه ..

مثل هذي اوراق الشجر


هذي الشجره الزينه تنفع بآي مكان تنحط ..


والاباجوره هذي تنفع لمكان الاسترخاء اللي قلتلك عليه او حتى للغرفه اللي فيها كنب .. مناسب اللون ..


والافضل زي ما قالوا البنات تشوفي الاثاث وبعدين تحكمي على الوان الجدار يعني صبغ الجدار مو مشكله بس الاثاث ما تلقي الالوان بسهوله واذا لقيتي نفس الالوان اللي ذكرتها لكي وعجبتك تقدري تفصلي المخدات بنفس الالوان المذكوره والجدار بنفس اللون المذكور كمان .. يعني اهم شي الاثاث .. ووضحي لنا كيف اذواقكم وهل حابين مودرن ولا تقليدي ..

والله تعبت وانا اجمع لك الالوان والصور دعوااتك واذا عجبتك راح اقولك كيف تكون بآقي الغرف .. وعلى حسب عدد الغرف ولمين الغرف للبنات او الاولاد ..