ابني لا يطيعني

plz,,, brides i need ur help
حد يرد علي بليززززز
:(

الصراحة ما عندي فكرة ..اني ولدي عمرة سنة ونص وداايما يعاند .. مطفشني.. شلون انتي ..الله يعييينج...الله يهديه انشاللله ويهدي ولدي

هلا اختي كان الله بالعون
جيل هالايام ثلالث ارباعه عنيد ومتمرد كمان هههههه الله يهديهم يااارب
شوفي اختي ابني بعمر ابنك تقريبا وانا بتعامل معاه بكل الطرق يعني اوقات بحزم واوقات بلين حتى مايطفشوا ويزهئوا من كثرة اوامرنا عليهم
_ حسسيه بانه صار كبير ورجال وانك شايفتيه احلى ابن بالعالم ورددي على مسامعه انك بتحبيه لانه بيسمع الكلام وانه مطيع ومن هالكلام ....
_ وقت الصلاة اتوضي انتي وهيئي نفسك للصلاة وناديله قوليله يافلان يالله تعال بدي صللي خلفك لانك صرت كبير... هالطريقة اتبعتها مع ابني وكتيير انبسط
واتحمس للصلاة هو باعتقاده انه يئم فيني هههه ... والنتيجة صار دائما يقللي لما اتصلي ماما ناديلي اصللي معك
_ اتبعي معاه اسلوب المكافئة والعقاب ... وعقابك لا يكون ضرب لانه غير مفيد
_ في حال زعلك طنشيه وقليله لا تكلمني اليوم ابدا وانتي حسسيه بذنبه وحاولي تكوني حكيمة معه وبنفس الوقت تجاهليه اذا كلمك لبعض الوقت حتى يحس
بذنبه
ودائما ادعيله بالهداية مو بس بينك وبين نفسك لاء على مسمعه وكمان امدحيه وشجعيه
وربي يعينا جميع على تربيتهم تربية صالحة

الله يعينج

الله يحفظه ويهديه
ترى هذي مشكلة معظم الأمهات

نفس مشكلتي..... بنتي عمرها 3 سنوات معذبتني وياها عنييييدة واذا اكلمها ماترد وتحقرني ولا كأني أكلمها وساعات ماتحمل وأضربها صرت عصبية منها

نفس بنتي بالضبط ... صارت عنيييييده بشكل كبيييير ....

يلا امهات اللي عندها افكار ياريت تساعدنا ......

السلام عليكم
هذي اغلب مشاكل الامهات الله يهديهم اختي اتبعي اسلوب التشجيع
اذا شفتي شي حتي لو بسيط كافئيه عليه لانها راح تركز في مخه مثلا
لو شفتيه يصلي جبيله كيكه او اي شي يحبه وقوليله انا شفتك تصلي
وعجبتني لانك تطيع الله وراح اجيبلك هديه اذا شفتك تطيع اللي اكبر منك
وتطيعني وبعدين مو حلو تخلين الطفل يطيعج غصب عنه
اعطيج مثال انا ما في اعند من عيالي لو عندج راح تنجنين
فحاولت معاهم عده طرق والانجح هي اني اقص لهم قصص
عن الجنه وان الجنه مو اي احد اللي يدخلها واحط الصفات اللي ابي ازرعها فيهم
مثلا اللي يجذب واللي يعاند واللي يغلط علي غيره الي اخره وشي طبيعي
الطفل يتعلم الجذب لانه يخاف من العقاب فقمت اعطي هديه للي ما يجذب
اعطيج مثال ولدي طق اخوه ويوم سالته قال هو طاح من السرير وقلت
شوف الله شافك لما ما قلت الصج وانا ماراح اعطيك هديه ولا الله يدخلك الجنه
لانك ما كنت صادق وما قلتله انك جذاب لان الطفل لو قلتيله هالكلمه راح تلزق في مخه
وراح يعتبر نفسه جذاب فلازم تكونين حذره في اختيار الكلمات وبعدين قال ماما انا اسف انا طيحته
وعطيته علج هههههههه وقلتله علي شانك قلت الصج عطيتك هالعلج ومره ثانيه اعطيك لعبه
نرجع لوصف الجنه عند الطفل خليه يدخل في خيال وصدقيني راح تشوفينه يحلم بالجنه
وان الجنه بس الشطار يدشونها
انا دايم اوصف لعيالي ان الحنه بيت كبير ومصنوع من كاكاو ومارشملو وحلويات
وغيره من الي يحبونه مثلا اقوله لانك اليوم المدرسه امدحتك وقالت ولج شاطر
وخليتني فخوره فيك انا استانست ودعيتلك وان الله يحطلك بيت في الجنه
والبيت هذا فيه كل اللي تتمناه يعي لو دخلت البيت وفتحت الباب تقدر تاكله لانه من كاكاو
وتبي تنام علي المخده ولا تشوفها مارشميلو وبعدين تاكلها وتبي تفتح الحنفيه تشرب ماي
يطلعلك حليب بالفراوله وحنفيه ثانيه عصير وهكذا واخليه يعيش الخيال وعقبها يحاول
يرضيج بكل الطرق هذا باختصار ولي عوده

ولدي عمره 3 سنوات ويعاااااند وما يسمع مني اي كلمه..ومن اتكلم معاه بدون اي ضرب يقعد يبكي ويكح بأقوى ما عنده ويحاول ارجع الي الاكل الي أكله علشان احن عليه...عذبني كتيير..

shooq85;13322840:
ولدي عمره 3 سنوات ويعاااااند وما يسمع مني اي كلمه..ومن اتكلم معاه بدون اي ضرب يقعد يبكي ويكح بأقوى ما عنده ويحاول ارجع الي الاكل الي أكله علشان احن عليه...عذبني كتيير..

شوفي الياهل يعرف يقرا افكارج هو مو قصده يعانج هو يبي اهتمامج
وابي اسالج سؤال انتي ما تعطينه الشغله الا عقب ما يبجي عليها
وتبين تسكتينه لانه ازعجج او احرجج جدام اي احد فتضرين انج
تسكتينه بس عقب ما يشوفج معصبه صح؟
برد عليج اذا كان تحليلي صحيح

loloalsageera;13322925:
شوفي الياهل يعرف يقرا افكارج هو مو قصده يعانج هو يبي اهتمامج
وابي اسالج سؤال انتي ما تعطينه الشغله الا عقب ما يبجي عليها
وتبين تسكتينه لانه ازعجج او احرجج جدام اي احد فتضرين انج
تسكتينه بس عقب ما يشوفج معصبه صح؟
برد عليج اذا كان تحليلي صحيح

شكرا أختي على اهتمامش...

عزيزتي الشي الوحيد انج تنطشينه هذا احسن تصرف يقضي علي عناد الاطفال
مثلا طفل يبجي يبي يشرب ماي مع انه يقدر يمسك القلاص ويشرب نفسه
اخليه اسوي نفسي ما اشوفه وابتعد عنه مع مراعات اني اراقبه من بعيد لبعيد
راح تلقينه تلقائيا يشرب نفسه ماي
مثال اخر طفل يبكي ويعاند يبيج تلبسينه جاكيت مع انه يقدر يلبس نفسه
اقوله انت تقدر تلبس نفسك لو بجيت ماراح البسك الجاكيت لاني اعرف
انك تقدر واخليه واروح مكان ثاني بحيث اني اقدر اراقبه مره ومرتين وثلاث
راح يعرف انه لازم يعتمد علي نفسه وراح تلاحظين عناده يخف
لانه ماعنده خيار ثاني هني راح تتبلور شخصيته وما يكون اتكالي

شكرا اختي على ردش...

والله يعطيش العافيه والله يوفقش ان شاء الله