قصة ولادتي بنور عيني محمد

السلام عليكم

تاريخ ولادتي 1\10\2010 وولدة تاريخ 2\10\2010

حسيت بالألم يوم 1\10 وباليل الساعه 3 الفجر زاد الألم :confused: وقعدة زوجي ورحنه المستشفى وهناك قالو لي انتي 2سانتي بس وجاني الأحباط بس قالو منسوي لش تخطيط وسو وطلع عندي طلق وخلوني عندهم دخلوني الولاده دايركت وشفت الهوايل من دشيت ومت خوف صريخ وحاله وتوكلت على الله وخلوني على السرير وردو جيكو وانا صرت جدي8o|
بعدين قالو لي لازم تمشين وتميت رايحه راده لمدة ساعه تقريبا وقالت خلاص روحي ارتاحي وبس جلست على السرير الي جايني الم قوي ومت خوف اخذت اتنفس وبعد اشوي جت دكتوره وجيكت وقالت 3سانتي فرحت اشوي وظليت اطالع الساعه وشفت ان الألم قاعد ينتظم كل ربع ساعه وكنت بس يجي الألم اخذ نفس واني اتألم وبعدين وصل كل 5 دقائق حتى وصل 3 دقائق ما قدرت اتحمل قمت اصيح وجت ممرضه تهديني اتقول ما بتتوسعين جدي اذا جاش الألم خذي نفس وانا كنت:'(:'( واقرأ سورة الزلزله وبجت الكتوره وفحصت وقالت ممتاز الطلق عندش واصلي وماباقي شي وتولدين صار:D لكن حدث شي وصلت 9 سانتي وقلت ابي اسوي بوووش قالت يالله وحاولت وحاولت يمكن ساعه ونص احاول واني خلاص ميته وقمت اصيح ابي زوجي لاني بموت خلاص نادو زوجي واول ما شافني جه يركض وطاحت دموع من عينه وقال وش فيش قلت ليه خلاص ما اقدر اتحمل وقع على عمليه وهو صار :-o وقالت ليه الدكتوره لازم اتوقع لان البيبي تعب وهي حرام ما فيها شده تدفع خلاص ووقع وباسني وطلع ودخلو خواتي علي بعد ما خبرهم وقامو يصيحون وظلو يقرأون علي والممرضات يجهزوني للعمليه وانا شبه غائبه عن الوعي وجهزت وودوني غرفة العمليات والكل يدعي يقول يارب تولدين طبيعي وبس دخلت الغرفه وهم يجهزون اغراضهم صرخت صرخه قويه ابي اسوي بوووش قالت لا قلت ما اقدر وشفت الكتور جاي يقول خلوها تدفع وفعلا دفعت والكل يساعدني وفرحان ودفعت دفعه قويه وطلع حمودي للدنيا وكان صغير جدا والكل صفق في الحجره ويبارك لي ويمسحون على شعري وطلعو يخبرون زوجي لان كان حزين وبس قالو ليه ولدة زوجتك طبيعي الكل قام يصيح ويحظنون بعض يقولون سوينه اكشن في المستشفى:)

بس الحمد لله انتهت بفرحه
الله يرزق كل محروم وادعو لحمودي الله يحفظه:)

واذا عجبتكم قصتي قيموني لاني اكتب والخياط ذابحني