سااااااعديني الله يوفقك

بسم الله الرحمن الرحيم

السلام عليكم أختي الكريمة اذا ممكن أنا عندي مشكلة كبييييييير وعم تضايقني وما عم تنيمني لا الليل ولا النهار هلئ ممكن تقولي عم تبالغي مستحيل كزب أو عااااادي بس والله انا عم احكي الصدق وعم اتضايق كتير من هل قصة وكتييييييييير ازيت ناس بسببى رح ابدأ موضوعي :

أنا الصراحة عندي شي ما بعرف شو بيسمو بالاول كنت حس بالشي قبل ما يصير يعني مثلا اختي حاملة صينية كاسات عصير وماشية وعاااادي وما في شي قدامها ممكن يوقعها انا كنت حس انو هلئ رح توقع وبل فعل وهي ماشية توقع منى وينكسر كلشي مو طرقة عين ولا شي لا بس عم اعطيك مثال مو أكتر .

بعدى تحولة من الأحساس بالحدث قبل الوقوع تحولت لمشي على كيفي .

يعني صرت أذا بدي شي واحكي بعقلي ما احصل علي واذا ما بدي شي واحكي بعقلي ما بدي اياه احصل علي كنت فكر أنو لا انا عم بالغ بس انا جربت تخيلي أخواتي نامو :badly:

كانو جالسين ع التلفزيون حكو بدنا نسهر انا حكيت بعقلي وقلبي هلئ رح يسهرو ويبقى قاعدين معي بعد شوي ما بشوفليك اياهو الا راحو جابو الحرامات وصارو بسابع نومة :worn_out:

شي تاني انا اهلي بدون يطلعو من البيت انا ما بدي اطلع معون وكلون بدون يروحو وعندنا ما بصير بنت صبية تبقى بالبيت لحالى يعني شي غير قابل للنقاش جربت وحكية بعقلي وقلت يا ربي هلئ رح ياخدوني معون ويجبروني على هل طلعة وبس صار وقت الروحة حكيت ما بدي روح حكولي طب ديري بالك وما تفتحي لحدا وافقو وخلوني بالبيت لحالي .

انا عندي شهاده مشاكل البيت وكرهي للدراسة ما خلتني ادرس شي ابدا ابدا ابدا بسنة الشهاده تخيلي انو نجحت :confused:حكيت بعقلي هلئ رح ارسب ورح زعل بابا وماما مني ورفاتي رح يصيرو اكبر مني وما حدى رح يجي لعندنا يباركلنى بالنجاح وقت طلعو نتائج نجحت!!


والعكس صحيح أووووووف أنا تعبة صراحة كلشي كلشي عم يضايقني اتفه الأومور اذا بتمر على تفكيري حسب تفكيري بتصير او ما بتصير

تخيلي أختي ما بدها تروح ع المدرسة وأمي كانت معصبة وبدى اختي تروح ع المدرسة حكيتلى شو بدك انت بدك تروحي بخليك تروحي ما بدك تروحي ما بتروحي !!!!

حكتلي لا فكرة بعقلي وبالفعل ما راحت ومشة الامور عاااادي يعني الشغلة هيك صايره عندي

بدي ما بدي وكلشي بمشي على كيفي حتى الضيوف وقت كون قرفانة وماله الدنيا وما بدي حدى يجي لعندنا وبيكونو طالعين من البيت ورح يوصلو لعندنا بفكر وما بيجو والله والله والله

انا يلي زعجني حتى أبي ما سلم مني ليكو هو بالسجن مو بسببي طبعا ظلم والله
بس كل ما يحكو في عندو محكمة ورح يطلع وع الأكيد والخبر جااااي من فوق فوق انا بفرح كتير وبالا أرادي بصير فكر انو رح يرجع لبيتو ومرتو وولادو ومتل زمان ورح نستقبلو مبسوطين

فجأ بيجي الخبر ما في طلعة وليكو صرلو 2 سنة وكل ما بيحكو في محكمة بالغلط بفكر انو رح يرجع وما بيرجع حتى اني هلئ عم اترجاهون لا يحكولي انو عندو محكمة خلص اذا طلع يجي للبيت ومندون ما يخبروني يعني انت ما بتتخيلي شو عم يصير معي كتير تعبانة من هي القصة


الله يخليك ساعديني يا عمري يا روحي ساعديني .

انا حكيتلك هي الأمثلة القليلة بس انا بأبسط الأشياء بحياتي عم خاف فكر فيى أزا بدي انصح حدى لازم فكر شو احكيلو وقت اجي احكيلو شو فكرت فيو لانصحو ولا بحكي ولا حرف من يلي حكيتون بعقلي تعبانة تبعانة كتييييير كتير وما لقيت غيرك يساعدني ساعيني واعتبريني اختك لصغيره يا روحي امانة

أسفة ع الأطالة .