السلام عليكم ورحمه الله وبركاته
شخباركم بنات عروووس ان شاء الله تمام
اليوم قررت اكتب قصه ولدتي بعد ماولدي رقد شوي..
اول شي هذي ثاني بيبي لي انا عندي حور ربي يحفظها صايره لغويه هالايااام وقبل لا ابتدي قصه ولادتي كنت باقولكم شيئين استوو معاي وحسيتهم معجزه وما اقدر اقول الا ..
:adore:((سبحان ربي العظيم)):adore:
اول شي انا تأخرت بالحمل وبالعلاااااااج حملت في بنتي حوووور وتوقعت اني ما بحمل الا بعلااااااج مره ثانيه لكن سبحااااااان الله تفاجأت بحملي الثااااااااااني لما كان عمر بنتي تقريبا سنه و3 شهوووور...!!!:!!:
ثاني شي تعبت في ولادتي وجربت الطلق كاااااااااامل ومراحل الولاده الطبيعيه ووصلت 9ونص سم وماولدت وقررت لي الدكتوره قيصريه ع اساس الحوض عندي صغير وما احس في بوش ابداااااااااا.. وقالت لي اذا وصل عمرج 24 وماتغير الحوض عندج رااااح تكون ولاداتج كلها قيصريه:(وخلاص فقدت الامل في الحمل اني اولد طبيعي ومقرره اني قيصري خلاص بس زوجي اصر اني اجرب الولاده الطبيعيه مره ثانيه عل وعسى ربي يكتب لي ((اكيد مافي شي بعيد ع رب العالمين)) وبالبدايه رفضت لاني عانيت اول ولاده بس في النهايه رضخت للأمر الواقع وما حددنا موعد للعمليه...:thumbs_down:
وفي تاريخ 19/9/2010م الصبح ياني الم في بطني بس ماخلاني انااااااااام ورااااااااح والمغرب يااااااني الم فب بطني بعد قوي خلى ويهي جذي يصير:-o ورااااااااااااح وقلت لا هذي امنان تو الناس مافي دم ولا علامات تدل ع ولاده..;)
وفي تاريخ 20/9/2010م الفجر الساعه 2 ياني الم في بطني وظهري ويروح ويرجع وانا ع الفراااااش اتقلب يمين ويسااااااااار مافي فايده ما يرووووح قومت زوجي اقوله الم مايروووح شاسوي قالي صبري ورجع رقد ومايروح الالم واقوله قوم ودني المستشفى قالي خليني اناااااام فيج الم اخاااااااااف اطق التخصصي اخر الدنياااااااا ويرجعونج وقلت له اوكي ارقد باصبر وصبرت والالم مايروح مره يجي كل 3 دقايق مره كل 5دقايق ومره كل ربع ساعه ومره كل 10 دقايق وجذي ماكان منتظم وبس شفت اذن الفجر قمت سبحت وصلينااا وقلت يلا ننطلق وع الساعه 4ونص انطلقنا المستشفى..
ورحت دخلوني حطولي جهاز نبض البيبي والطلق قالو بنخليج 20 دقيقه اذا مافيج طلق بنرجعج وطلع فيني طلق بس ما كان منتظم.. وقالو بنفحصج.. :-# قلت لاااازم يعني قالو اي وفحصوني وزوجي ورا الستاره سمع صرخه:hysterical: لان الدكتوره كانت دفشه
وقالت لي مفتوحه من 3 الى 4 سم.. انا انصدمت:woo: ابدا ماتوقعت قلت يمكن تقول 1 سم.. بس فرحت وقلت الحمدلله الله يسهل علي ان شاء الله..
وخلوني من اتييني طلقه اخذ نفس ما طلع مني صوت ولا صرخه ولا ونه وكانو كل 3 ساعات او ساعتين ونص يفحصوني وبعدها فحصوني قالو من 4 الى 5 سم والدكتوره سوت لي توسعه وضربوني ابره توسع بسرعه وتخفف الالم وصبرنا وبعد 3 ساعات يات وفحصت وقالت من 6 الى 7 سم ويلا ودوها غرفه الولاده وودوني وهناك عطوني الاكسجين اللي ماكان ودي افااااااااااارقه:lol: وايد خفف عني وانا اسولف واضحك مع زوجي وامي والممرضات بس لما اييني الالم اخذ نفس ولين يروح ارجع اسولف واضحك ولا كأني في ولاده لاني موكله امري لله ومابي اصارخ واتعب روحي وبعدين ماقدر اسوي بووش عدل ودايما كنت اقوول كل شي محتمل وكل شي اقدر عليه وامهاتنا وجداتنا ولدوا في البيوت لا اكسجين ولا ابر تخفف الالم وشلون انا ما اقدر استحمل !!
المهم نرجع لمحور حديثنا :lol::cool:
ويات فحصت مره ثانيه وقالت 7سم وضربوني ابره ثانيه وصبرت وبعد 3 ساعات فحصت وقالت من 7 الى 8 سم ويضربوني ابره ثانيه وبطو ماي البيبي ويزيد الم ويزيد وصرت في حاله ما يعلم فيها الا الله ومن كثر الالم اتنفس اكسجين بدون حساب وكنت ادوووووووخ وما اسمع الناس شيقولون اغيب وارجع وبعد 3 ساعات يات وفحصتني وقالت 8 سم اذا مازدتي خلال ساعه خلاص بنسوي قيصري لان نخاف نخليج اكثر وينفتح عليج جرح العمليه الاولي.. وقلت اوكي ..
وزوجي يتسحب شوي شوي يبي يشرد وشفته راح ورا الستاره واقول حق الدكتوره نادي المجرم لا يشرد وقامت تضحك تقوله يالمجرم ارجع ورجع مسكين..خخخخخخخ
وضربوني ابره 3 والالم يزيد في كل مره حتى من كثر الالم الممرضه تمسك بطني تبي تشوف راس البيبي نزل والا لا وانا لا شعوريا ادز يدها ما ابيها تمسكني وانادي امي اقولها نادي زوجي وين راااااح عني وهو مسكين كان رايح يصلي العصر وانا اصرخ ع امي ناديه خليه اييني بسرعه لان خلاص وصلت حدي وياني وقعد يقرا علي ويقولي استغفري وذكري الله وادعي لج ولي وحق عيالنا.. وانا استغفر وادعي ومرت الساااااااعه ويات فحصت وقالت 9 ونص وانا احس ابي اسوي بووش وهي تقووول لا لا تسووين صبري وانا مو قادره خلاص ابي اسوي بوووش وامسك نفسي وكل ما يات طلقه قالت لا تسوين بوش وانا اقوولها ماااقدر باموووووووت خلاص ماقدر ومن كثر الالم صرت ما اسمع ووونه في اذونني واقولهم وونه في اذوني ما اسمع شي واسمع زوجي كأن من بعيد يقولي ذكري الله وهو واقف ع راسي ويمسح ع شعري بس كأن صوته بعيد عني وانا اقول لا اله الا الله .. لا اله الا الله..
وانا حالتي حاله وعيوني جذي صارت:confused: ومرت اخو زوجي معانا داخل تقولي اتم معاج والا اروح ;) اقولهااااااااا كيفج كيفج تبين اتمين تمي :worn_out:
والدكتوره تقولي لا تسووين بوش صبري تصيرين 10 سم وامسك نفسي وبعدين شافت راس البيبي وتقولي يلا حبابه سوي بوش ع خفيف عشان ينزل الراس اكثر وكل شوي اسوي بوش ع خفيف عشان الراس ينزل ولما وصل الوقت المناااااااااااااسب قالت سوي بووووش قووووووووي واسوي بووووش وتروح الطلقه ويرجع البيبي ع داخل وتييني طلقه واسووي بووووووووش ونفس الحاله وقالت لي بس ريحي واذا ياج الالم سوي بووووش باقوى ماعندج وامسكي فخوذج وراسج نزليه ع صدرج قلت اوكي وياني الالم واسوي بووووووووووووووووش قوووووووووووووووووووي وطويل اللي والله من قووته رااح صوتي:worn_out: وعصرت يد زوجي عصاااااار والممرضات ماسكيني من ريولي ويدفعون ريلي ع بطني وحسيت بالراس يبي يطلع كانت تبي تقصني بس الممرضه قالت لها لا صبري وانشقيت بروووحي وشرف نور عيوني عبدالعزيز ع الدنياااا الحمدلله..
وحسسيت في الحبل السري طلع وسمعت صياحه وقعدت اقول فديته حبيبي وزوجي فرحان ويطالعني ساكت ما علق ولا شي من فرحته اني قدرت اولد طبيعي واقوله انت فرحان اهم شي انت فرحان يقولي اي فرحان وباسني وراح يشوف البيبي وبس قالت لي الدكتوره سوي بوش بعد وضغطت ع بطني وحسيت في المشيمه زلقت ودخلت يدها حاست وحاست وقالت الحمدلله نظيفه من داخل..
وبدت الخياااااااط وخلصت وارتحت وكنت اقووول ما اصدق اني ولدت اقول حق زوجي مو مصدقه اللي صار كأني في حلم.. وهو يقولي الحمدلله مافي شي بعيد ع رب العالمين وولادتي الطبيعيه حسيتها معجزه استوت لي لان كانت امنيه حياتي اني اولد طبيعي وزوجي يكون يمي ولما قالت لي الدكتوره 90% ولاداتج بتكون قيصريه وعندج 10 % بس تولدين طبيعي فقدت الامل اذا تبين تجربين تولدين طبيعي ع راحتج وجربت والحمدلله ربي يسر اموري وولدت طبيعي..:D
وطرشنا هالمسج حق اهلنا وحبايبنا نبشرهم بولادتي..
الحمدلله ع عطيه رب العالمين..
الله رزقني (حور) اول دره من اثنين..
والثاني (عبدالعزيز) اليوم نور العين..
وهذي ريول عزوزي مستانسه عليها
الله رزقني (حور) اول دره من اثنين..
والثاني (عبدالعزيز) اليوم نور العين..
وهذي ريول عزوزي مستانسه عليها
وسامحوووووني بربرت وايد وطولت عليكم بس انتو مشوها لي مو كل يوم اكتب مواضيع:lol:..
وان شاء الله تعجبكم القصه ولا تنسووون التقيمات عشان خاطر النونو..وعشان خاطري لان تعبت وانا اكتب.. خخخخخخخ:lol:
وربي يرزق كل محرومه الذريه الصالحه :)
ويسهل ع كل حامل ولادتهااااااا..:)
ويسهل ع كل حامل ولادتهااااااا..:)
اختكم
:L:الحبُ الكبير:L:
:L:الحبُ الكبير:L: