بنات فيني غصه وقهرررر اكتبلكم وانا مقهوررره جدا
يمكن مشكلتي تافهه بس بالنسبه لي جدا مولمه
ابدخل في الموضوع على طول
انا احب زوجي وهو يبادلني نفس الشعور (بس والله يابنات بعض الاحيان اشك انه يحبني من تصرفاته) وللمعلوميه تراه ولد خالتي
انا ساكنه بنفس منطقه اهلي طبعا الرياض واهله في الشمال
والله يابنات يجي اسبوعين او 10ايام مااشوف فيها اهلي والله اني ابكي وانقهر اذا شفت اختي رايحه لهم (مو حسد وربي اتمنى لها كل خير)ياحلو الجمعه مع خواتي ومرة اخوي
لاتقولون بيت اهلك اكيد بعيد لا ماهو بعيد بس نص 20دقيقه اذا كان مافيه زحمه و30او35دقيقه اذا كان فيه زحمه والله يابنات ان الغبنه ذبحتني
تخيلو اليوم هو مستلم وقلتله ابروح مع اخوي لبيت اهلي (لان اخوي يدرس قريب من بيتنا)قالي:يرجعك للبيت قلت له:لا ابنام عندهم قالي:لا
انا مقدر انام بدونك قلت له:انت اذا استلمت تقدر تخليني انام بروحي وش معنى هالحين انا عادي اقدر انام بدونكوقلتله:طيب اذا ماتبيني انام عندهم ودني بكرا زياره فقط لان بكرا الاربعاء واسهر معهم قالي:لا خليها يوم السبت
وانا عصبت وقمت عنه وقلتله:خلاص لاتوديني الى الابد
لان قبل 10 ايام زرتهم يوم الاحد يوم دراسي واخواني وخواتي نامو الساعه9 وحتى امي نامت فالافضل الزياره الاربعاء لان الخميس اهلي مرتبطين بستراحهواول ماقام اخذ البطانيه حقته وانا عرفت انه بينام بالعمل
وارسلت له على حسابي اعطاني مشغوول (لاني ابيه يقول لاخوانه يجبون لي سكر اسوي لهم شاي واخوانه عزابيه ساكنين في بيت اخوهم اللي هو بيتي بس سويت لهم قهوة وشاي لا
)والله يابنات كل اربعاء يطلع عزابي والخميس يطلعون عوايل والحريم اللي يطلعون معنا الخميس كل اربعاء اللي عند اختها واللي عند خالتها واللي عند حمولتها وانا جالسه باليت بين اربع جدران لدرجه اني ابكي من القهر اللي فيني
زوجي انااااااني لانه ولي امري وكل ماقالت له ودني لاهلي يقولي المره مالها الابيتها
وكل ماجته اجازه رحنا فيها لاهله تخيلو شهر بالاجازه واسبوع برمضان و6ايام بالعيد وانا عادي اروح معه
وربي يابناااات قمت اكررره بسبب هذا الشي وكرهت الزواج
اكره الرجال اللي مثل نوعيه زوجي يعني الزوجه مالها الابيتها وزوجها وعيالها والزوج بكيفه يروح عند اهله متى مابغى لا وياليت يخلي زوجته عند اهلها لالالا تروح معه
بنات كيف اقنعه اروح عند اهلي اسبوعيا بس يوم الاربعاء كان قبل كذا بس مدري وش غيره الرجال يسمعون من بعض واحد من جماعتنا يقول ماودي حرمتي لهلها الا مره باشهر وهم بالرياض واللي يقول مصروف زوجتي300 واللي واللي الله يشغلهم بنفسهم ياااااارب
حسبي الله ونعم الوكيل
لاتنسوني من دعائكم لي