بديت أجن

هلا اختي يساعدش بس حاولي لاتعصبين على الجاهل

هدأي اعصابش شوي واستحمليه وتذكري انه قطعه منش

حاولي تفهمين اللي يبغيه واذا مافهمتي له لاتعصبين جذي عليه

قولي له شنو تبغي تعال راوني .. وخله يدليش على الشي اللي يبغيه أو يأشر عليه


من اليوم ورايح علميه اسماء الاشياء وماشاء الله عليه سنتين المفرووض يقول ع الاقل ع الاقل جملة من كلمتين

حاولي اطورين من كلامه .. كل شي تشوفينه قولي له اسمه يعني مثلا هذا تلفزيون وكرري الكلمة اكثر من مرة
وعلميه كلمات جديدة وجمل ..

اقرأي له قصص وقت النوم .. وهالقصص بتنمي تفكيره وكلامه بصير أوضح وخصوصا اذا قرأتين له بصوت مفهوم وواضح

اشتري له الكتب التعليمية اللي فيها اسماء الاشياء وعلميه
ومايصير هالكبر ومايعرف ع الاقل الكلمات البسيطة

وأهم شي لاتعصبين عليه واجد لانه جذي بيتعقد ...

وبالتوفيق

اخ من الجهال تعبت الله يعينا

منو قالك اني ماعلمتى لي الحين سنه وشهرين وانا اقوله هذا وهذا

يقول ممبه = لمبه

ننا = رضاعه

عشير = عصير

يمي = اكل

بس هو يلخبط ويشقلب بالاشياء بعض مرات يقولي عشير اللي هو العصير ويكون يبغا حليب

واحط له عصير ويصيح واحط له ماي ويصيح وبالنهايه يكون يبي حليب @@@@@@@@@@@@@!!!



غريب! هالولد

الله يكــون بعونج مثل ما قلت لج ام علاوي حاولي تعلمين الكلمات
الحين سنتين لازم يعرف وينطق صح

وحاولي لا تعصبين وتصرخين بوجــهه تره جـاهل

والله يهـديه ان شاء الله

عآدي .. وسعي صدرك .. انا ولدي كذا ..

والله كل من سمع كلامه .. قال لي تفهمين عليه ..!!! انا بصراحه ما ادري وش يقول الا اللهم بعض الكلمات البسيطة افهمها .. !!!

غالباً ما يتعامل معي انا وأبوه بالاشارة ..!!! يقول كلمة وحده بس .. والباقي اشارة ..

بس انتي طولي بالك عليه .. واتركي عنك العصبيه .. ولا تضربينه لأنك بالطريقه هذي تقعدين الولد .. وتعقدين لسانه عن الكلام .. ويصير طفل انطوائي ويخاف من كل شي .. !!!!

اكثري معه الكلام كأنك تتكلمين مع أحد كبير .. رددي معاه مسميات الاشياء اكثر من مرة .. علمية طريقة نطق الحروف .. والاعداد .. وخليها على شكل لعب وضحك ووناسة ..

وان شاءالله تشوفين النتيجة بأسرع وقت ..

بس هدئ نفسك .. علشان تقدرين تعلمينه كل شي ..

عزيزتي حرام لا تعصبين عليه هذا ياهل ما يفهم و مهما عصبتي و ضربتي ما بيتعلم جذي

بقولج شي جربي اسبوع و شوفي النتيجه مثلا يوم يبا حليب و يقولج ننا شلي في حضنج و روحي عند الحليب

اشري على الحليب و انتي ترددين كلمه حليب باسلوب طفولي يعني باسلوبه هو و خلي يردد وراج

واكيد من اول يوم او يومين ما بيتعلم بس خلال جم يوم بيتعلم و نفس الشي طول اليوم اي كلمه يقولها انتي رددي

وراء الكلمه بطريقه صحيحه و مب شرط ينطق الكلمه مثل ما ننطقها نحن يعني بعض الكلمات بينطقها ناقصه

و بعضها تكون الاحرف مخربطه مثلا بدال ما يقول حليب يقول اليب عادي و ان شاء الله يتحسن و الله يصبرج

بس امانه لا تضربينه حرام ما يفهم:'(:'(

لما يغلط في كلمه اعطيه الحليب وقولي له هذا حليب
وخليه يعيد الكلمه ولما يقول الكلمه صح صفقي له وشجعيه