حابة أحمل :( !!!

اي حبيبتي يصير حمل شلون مايصير

الله يرزقج ان شاء الله بس توج معرسه ستانسي

لاحقه على المسؤليه والسهر والتعــــــــــــــــــب

والله شقول لج !!

كل عروس خاطرها بنونو وتكمل سعادتها ,, اتوقع تصير بعض حالات الحمل مع العازل
بس في النهاية كتبة الله فوق كل شي

يمكن وجهة نظر زوجج انه يبي يستانس في بداية حياتكم الزوجيه
وما يبي إلتزامات بكتكوت من الحين ,, خبرج البيبي إلتزام كبير
واستعداد الرجال لهالشي مو مثل الحريم
اتوقع له وجهه نظر ,, حاولي تناقشينها وياه عشان تتوصلون لحل مشترك ويرضي الطرفين

وان شاء الله تطلعين حامل وتفرخين وتفرحين زوجج معاج

الله يوفقكم ولا تتعبن روحج بالتفكير

خيووو توج عروس وحاسه بشعورش وخصوصا اني كنت مثلج تقريبااا احنا كنا نخطط ونتمنى ان يصير حمل بس سبحان الله كل شي فيه حكمه من رب العالمين هالتأخير فيه خير لينا

استانسي بحياتج ومثل ما قالوا لج يمكن زوجج الحين موب مستعد للياهل اليهال مسؤلية ومسؤليه عوده

وفيه وايد بنات حملوا على قولتج بالغلط ههه بس انتين لا تفكرين في هالقصه لان التفكير في الحمل يتعب النفسيه وهالشي بدل ما يفيدج يضرج قعدي ويا زوجج وصارحيه وخليه يبين لج وجهة نظره مافيييي زوجين بهالكون كله لو كانو قاسين قلب ما يبون ياهل

بس نصيحه ابتعدي عن التوتر لأن احتمال لا سمح الله يخلق فجوه بينج وبين زوجج التفكير يتعب النفسيه بشكل كبيررر

الله يكتب لك اللي فيه الخير يارب

البنات ما قصرن
الله يرزقك بالذرية الصالحة وان شاء الله تحملي هذه الشهر

الله يرزقج ويرزق كل من تتمنى الذرية الطيبه

يا اختي انا كنت متلك
اول مرة اجتني الدورة بعد زواجي بكيت بدي بابي:D
و الحمد لله حملت على تاني شهر
بس هلا بنصح اي وحدة تاجل اول بابي ستة شهور على الاقل و سنة ممتاز
البابي مو بس لعبة دبدوب تحضنيها
و الله مسؤولية و سهر و تعب.. و حياتك كلها بتتغير
بتصيري مربوطة في نومتك و صحوتك و طلعتك و حتى استقبالك للناس ببيتك حسب هالنونو شو بريحو.. فاتني عيشي حياتك و نبسطي انت و زوجك و صدقا هادي الايام قبل البابي ما بتتعوض

يا قلبي ..ما تشغلي بالك وتفكيرك بالحمل من هلأ ..
الله كريم وكل شي مقدر من الله حتى لو كان في مانع طبيعي .
حاولي تقنعي زوجك بالفكرة ومع الوقت رح يحن لطفل يملى حياته

والله اعذرش
وانا صار لي الموقف مثلك بالضبظ بس فيه اختلاف بسيط
وما احملت الا بعد السنه بس
انتي ان شاء الله غير
والله يرزقش الا تتمنيه