شو شعوركم !!!

اختي الله يعينج بصراحه
بس ما اتوووووقع انج كبيره لدرجه مستحيل تتزوجي
عليج بالدعاااااااااااااااااااء
ورب العالمين مستحيل يخيب ظنج

والله بصراحه انا شفت كذا بنت جدااااامييييييييييي
واهيا بعرس اختها اللي اصغر منها .. كان واضح على وجها الحزن والتضايق !!
حتى اذكر ووحده من البنات قالو لها جدام ملجة اختها " الفال لج يالله شدي حيلج "
البنت حييييييييييييييييل عصبت وجهها قام يعطي الوان :( حيل عورت قلبي .

بس هم ترى لحد الحين في واييييييييد بنات خواتهم اللي اصغر منهم تزوجو واهما لاء !!
وصج هالشي يضايق ماننكره بصراحه والله يكون في عونهم ويرزقهم احسن الرجاجيل :)

بس بنفس الوقت بما انها اختي اكيييييييييييد بفرح لها وبدعي لها بالتوفيق ..
والله المستعان ويرزق جميع بنات المسلمين ويريح بالهم ويستر عليهم ..

اللي بتقول عاادي والمهم سعادة اختي وغيره بتكون صادقه لكن اكيد بيكون في نفسها شي يقول ليش مو انا ؟ هذا شيء طبيعي ..

انا عندي أخت أصغر مني وانخطبت " كلام وماصار شيء " .. حسيت اني فرحانه لها بس للحين احنا اكثر من وحده اكبر منها ..

لكن رجعت وقلت بنفسي " لو جريت جري الوحوش غير رزقك ماتحوش " وانا لو لي نصيب بآخذه بآخذه سواء الحين او عقب

فـ عادي بفرح ومابشيل هم ..

انتي خلج طبيعيه وادعي ان الله ييسر امورج وأمور أختج .. واذا جاها نصيبها تروح وأنتي نفس الشيء

لا تضايقين نفسج على شيء مقدر ومكتوب

الله يووفقج ياارب

-

ممكن تحسي بضيق معك بس ياكثرهم !!!! الي تزوجوا خواتهم الصغار...
اشوف ظاهره الصغيرة مرغوبة اكثر...
كثير من اهلي كذا ... اعرف بنت الحين تزوجت من الاقار عمرها 20 واختها 27 تقريبا ! واختها مانخطبت ولا شي...[س المسالة نصيب...
دايما ادعي لها بالتوفيق وانة ربك يرزقكـ ... وحاولي ماتعطي الموضوع اهميه ولا تبيني مدى ضيقك بالعكس شقي الحلق ههههههه ... بالتوفيق وعسى تنخطبي وتنستري ويكون عرسكم نفس اليوم

شوفي شعور عااااااادي جدا

انا مخطوبه من عمري 16 سنه واختي اكبر مني سنتين ...جاءه ولد خالتي ورفضته بعد ما انخطبت واختي الي اكبر منها متزوجه بعد يعني بس هي ...والحين لي سنه ونص اربع شهور متزوجه واختي الكبيره سنتين ونص وعااادي بالعكس مبسوطه...

وبنت عمي اتزوجت اختها الي اصغر منها ولها الحين سنتين متزوجه وعندها ولد وعااادي جدا عندها بالعكس تفرح لها..

وبنت عمي الثاني بعد تزوجت واختها الكبيره بعده بسنه تزوجت ...

مافيها شي ...ولا حتى يجي بخاطرها شي ...

صح صارت معارضات من جداتي وخوالي ليش تزوج الصغيره قبل الكبيره لان انا واختي الكبيره ماخذين اخوان ...
بس الحمدلله قسمه ونصيب..

والله يرزق بنات المسلمين

والله ما حأعرف هالشعور لأني وحيدة
بس كله نصيب وأقدار مكتوبة من الله
لكن الانسان هو اللي يصعب هالشي على نفسه أو يهونه
الله يرزقك بالزوج الصالح اللي يسعدك ويهنيك

انه تزوجت.. وكنت اصغر وحدة بين خوااتي... كان خواتي 4 وحدات كلهم اكبر مني.. وانه تزوجت اولهم ... بالعكس حسيتهم وايد مستاانسين ليي ...

عادي حبيبتي
الامر جدا عادي
انا اختي اصغر مني انخطبت وزواجهااااا قريب
هذا مايدل اني ناقصه
لا حبيبتي
هذي قسمه ونصيب
ورزقي ونصيبي جاي ان شاء الله
والله انا احين همي كله الفستان والتسريحه بزواج اختي
بس ماني قادره اتخيل البيت من دونهااااا

وترى كل شي قسمه ونصيب مافي هذي اتزوجت قبل عشانها احلى
لا انا واختي اكبر مثال
مستوى جمالناااااا واحد
كلنا حلوات
وان شاء الله ربي يجيب رزقك ورزقي

وووووووووي عادي فديتج

هكا اختي اصغر مني بسنة وانخطبت والله يوفقها ان شاء الله

وشعوري حدي مستانسة لها الصراحة وانا اصلن كنت ابيها اهيا تنخطب قبل عشان الفلعة تكون براسها قبل هههههه

وبالعكس استفدت وايد عشان لين انا يحين دوري بأذنه تعالي فبكون عارفة شنو اسوي وشنو اللي ماسوي

لا تاخذين الموضوع بحساسية زيادة عن اللزوم وتشغلين بالج بأشياء مصيرية وماتدرين الله سبحانه شنو كاتب لج

احس تفكرين بأشياء تضيعين وقتج فيها لانه صج وحرفيا ماتدرين انتي شنو راح يصير فليش اتضيعين وقتج !!!!!!!!

يعني مادري بس استغرب انه الشي يشغل بالج !!

فكري في اشياء مهمة ومتواجدة بواقعج ,, وخلي هالامور تحين في وقتها ,,

انا الشي الوحيد اللي ضيق خلقي لما اختي تنخطب انه بتوحشني ومابنقعد يمكن قعدات قبل

بس عادي الوضه هاذي سنة الحياة والدنيا ماشية مو متوقفة لا علي ولا على غيري

ياغاليه ..والله الوضع جدآ عادي ولاتحاتين الوضع مو حساس ولاشيء ..

احنا سبع خوات " الكبيرة مو متزوجه وانا على حدها مو متزوجه واختي اللي اصغر مني تزوجت وواللي اصغر عزوبيه مثلي والحين مخطوبه

وأختي اللي اصغر منها متزوجه ..

يعني عاااااااادي اي وحده يجي نصيبها تتزوج وتتيسر ...وبالعكس انا جهزت خواتي اللي تزوجن وانا مستانسه واصلآ حتى يوم يجيهن المعاريس

انا أقنعهن اذا الرجال زين واقولهن يصلن الاستخاره ...

وعلى فكره زوج أختي اللي اصغر مني اكبر من أختي الكبيره ..والوضع جدآ عادي ..يعني محد بيقول ليش أخذ الصغيره وماأخذ الكبيره ..

ياقلبي كل شيء نصيب ..والله عزوجل أعلم منا باللي يصلح لنا ..فلا تحاتين ..ماتدرين لو تتزوجين قبل اختك يمكن مو بصالحج ..

انا اقولج اذا صار شيء افرحي لاختك من قلبج وادعي لها

وترى الدنيا رايحه يعني مو شرط الوحده فينا تتزوج بالدنيا ..ماهي نهاية العالم اذا ماتزوجت بالدنيا فلا يكون هاجسنا الزواج..

استعيني بالله وخل الامور عاديه جدآ ..

عااادي حبيبتي راح افح لاختي كثير هذا قدر ومكتوب وانا اعرف وحده اختها اصغر منها نزوجة واهي بعد كم سنه تزوجت بس هذا ابدا ما أثر عليها وبلعكس علاقتها مع اختها نفس ما كان
في النهايه كلها قسمه ونصيب ويكن ربك اجل زواجك لخير لك وقدم زواج اختك لخير لها

هلااا
صراحة موقف صعب وااااااااايد
انا خواتي صادهم هذا الموقف صار بين خواتي ان اختي الاصصغر تزوجت والي اكبر منها مانخطبت
كان الشي مو بس الى اختي الكبيرة كل خواتي تضايقو وقالوا مفروض هذه تخطب او جذي بس الي صار ان اختي الكبيرة كانت تدرس برا مو في البحرين وهذا شي يمكن الي خفف الموضوع بس
زعلت وايد وتضايقت بشكل مو طبيعي الكل حاول يطلعها عشان قدام اختي ثانية تبين فرحانه
انخطبت اختي وتزوجت وحملت وجابت بنت واختي ثانية لسى ماتزوجت بس كانت تحب بنوتتها وايد يعني كانت بنت ذهه مفضلة بين الكل
بعد ولادة اختي بهشرين انخطبت اختي والحمدلله الحين عندها بنوتين
بس كان الموقف صعب واااااااااايد
وانا خايفة يصيدني هذا الشي الحين بيني وبين بنت اخوي :(
بس كل واحد ماياخذ الا نصيبة والحمدلله على كل حال

كل شي بالهدنيا قسمه ونصيب .. ونصييبك يصيبك .. ونصيبج ايج وانتي مغمضه ..

عادي حبيتي
انا بعد مريت بالهالموقف اختي اللي اصغر مني انخطبت وتزوجت وجابت ولد
وفرحت لها عدل وكنت اجهز وياها فعادي لاتفكرين في هذا الشي لان هالشي قسمه ونصيب
وفيه عندي اختي اصغر مني بعد عادي لو تزوجت قبلي مافيها شي بالعكس راح افرح واستانس لان كلها ارزاق
واذا لي رزق في هالدنيا راح اخذه
الحمدلله على كل حال

السلام عليكم ورحمة الله وبركآآـه ..

بالعكسس شئ عآآدي جداُ وليه احزن انا مقتنعه اي شئ في تآخير زواج او رزق تآآكدي يكون فيه خير لك ..

واكيد لا تنسي الدعاء ولله يوفقك ان شاءالله ..ة

الله يوفقك ويسعدك ويحقق امانيكي ويسخرلك زوج صالح عاجل غير اجل وجميع بنات المسلمين
اختي اصغر مني واتزوجت وهي صغيره وانا انخطبت قبلها وكل شي نصيب والله فرحت لها ولا يأثر هذا الشي بالعكس اساعدها في تربية اطفالها وكأنهم عيالي وكل شي مكتوب