اريد الطلاق...........................

السلام عليكم عروسات شلونكم ان شاء الله كلكم بخير وبصحه وبسلامه ادخل في الموضوع على طوووول...............


انا متزوجه من اربع سنين وعندي ولد الله يحفظه الي سافرنا اني وزوجي الى بلد عربي لان هو شغله هناك من بداية زواجي على طول وكاي اثنين متزوجين تصير مشاكل وزادت المشاكل وزادت ووصلت للضرب وبدا يضربني بكل مره وبعدها يعتذر الى ان تعبت ومليت وقررت ارجع يم اهلي لان فاض بيه وتعبت وفعلا رجعنا بعد فتره رجعت نفس المشاكل وضربني اني كلت خلص لميت غراضي وخابرت اهلي اخذوني وهذه اول مره فضفضت لاهلي بكل شي واجى بعدها واعتذر وحلف انه مايكررها وبعد تقريبا 3 شهور او اربعه كررها ورجعت لاهلي :!!: وهكذا هذه المره ابويه واخوتي كانو حازمين معاه جدااا لدرجة انه اخوتي الاربعه دخلو عليه البيت رادو يضربو بس ما ضربو لان ابويه وقفهم المهم خاف وبطل نهاااائي والحمد لله


لكنننننننن الطامه الكبرى:'(:'(


اقوللكم عيبوه وانتو ردو عليه بالحق

هو لسانه سليط غير محبوب نهائيا مو بس اني اكول كل الناس تكول كااااااااااااابه بشكل مو طبيعي يضحك وقت ميعجبه هو بس متكبر شايف نفسه هو المهندس الوحيد بالعالم ومافي غيره مهندس:p:p
لازك بالبيت تقولون امييير لايطلع لايروح لاعنده اصدقاء والله ادفعه دفع يروح على صديق وميقبل مكابلني وكاعد اربعه وعشرين ساعه ويعلق واذا كاعد بالبيت اما على الكومبيوتر او نايم واذا ردت اروح لاهلي او صديقه تجيني او اروحلها لالالالالالالالازم يغثني يخابرني واني عدهم يصيح ويعيط ويغثني لالالالالازم واجب عليه يسوي هيجكرهت الطلعه وكرهت كلشي بحياتي من وراه اذا اريد شي بالبيت كارثه حتى يجيبه اذا عاف مصرف طبعا لاتتصورون الوفات:worn_out::thumbs_down: على قد الخضره اذا احتاجيت لازم تقرير مفصل وين وديتها كمت اجيبله الفواتير وهو طبعا يعرف اني صرفتها بالبيت يرجع ويكولي وين وديتيها وصرفتيها على اهلج مع انه اهلي والحمد لله ابد ممحتاجين وحتى لو محتاجين مياخذون منه اكيد بس هيج يدري الكلمه تغثني ويكولها والله يخلي اعصابي تنهار احس بالمهانه متصور انه المفروض ياكلني ويشربني وبس وانتي خدامتي هو يكول واي لبس او شي زايد هذا واجب اهلي مو واجبه مع انه مهندس وراتبه زين وعنده شقه وسياره حديثه والحمد لله اذا طلعني لالالالازم ينكد عليه ويتعارك اخجل اطلع وياه وخاصة اذا ويانه احد لازم يحجي بالفلوس ويحرجنا مايحترمني ابدااا ابدااا مع انه اني خريجة كليه والحمد لله وجميله والله مو مدح بنفسي وجبتله احلى ولد ويكلي مو عاجبتني تربيتج انتي غبيه المهم ينتقص من شخصيتي طبعا لان يشعر بالنقص من وجهة نضري اني احسه لان في فرق اجتماعي بين اهلي واهلي شويه اهلي مرتبين وحلوين وانيقين واسلوبهم حلو ويه الناس اجتماعيين جدا نحب نضحك ونطلع مع انه مرينا بضروف سيئه جداااا لكن الحمد لله راضين وهم عكسنا تماما ابدا ميحمدون رب العالمين وطبعا الله هم يسلط عليهم من لايرحمهم سبحان الله نكديين ميطلعون اذا مو عركه وهوسه ومغثه وبس يحجون بالمشاكل ميعرفون يحجون ويه احد بالاحرى ميعرفون يفرحون دقيقه


اني تزوجت بسرعه بسرعه ملحكت اعرفهم زين وتورطت:hysterical::hysterical::hysterical:

المهم طبعا بعد كل هذا وصلت لشي اكيييييد بداخلي بعد دراسه عميقه انه اني هذا الرجل اكرهه بكل ماتعنيه الكلمه من معنى شكله ميعجبني استغفر الله اسلوبه ميعجبني خلص فاااض بيه عكسي بكل شي اني احب اضحك اسولف احب الناس تحبني راضيه ما احب احسد احد على راتب زياده لو شوية فلوس والحمد لله على الصحه والعافيه وبس اليوم تعاركنا رحنا لاهله يومين طبعا مليت من روحات اهله اللي كلها مشاكل بس رحت المهم اهلي كانو مسافرين اسبوع يصيفون بيوم اللي رجعنا من بيت اهله كتله اريد اروح اشوف اهلي هم بينا وبينهم شارع قلب الدنيا وانتي ماعندج تربيه وانتي تنتظريني ارجع يله تروحين كتله غير اسويلك اكل وانظف يله اروح لا جان سويتيهن ورحتي قبل لا اجي للبيت اكله ملحكت وغير اكلك يله اروح المهم كلبت نكد وصياح وعياط وقلة ادب كلي ممتربيه كتله انت ممتربي ولا تعرف شي عن التربيه لان فاض بيه خلص اررييييييييييد اطلق زهقت مليت احس لو بقيت وياه لو اقتله لو اقتل نفسي باجر قررت من يروح للشغل اروح لاهلي واكلهم ماريد وخلص لو يصير منو ما اريده بعد حطم اعصابي ونفسيتي ودمرني


طبعا طولت عليكم بالحجي بس فضفضت شويه لان راح انفجر انصحوني كولولي شسوي جربت اصير زينه يصير اتعس وهذا طبعا جزء مختصر من حياتي البائسه ساااااعدوني :'(:'(:'(:'(:'(:'(:'(:'(