هل انا تسرعت؟؟؟

اليش تندمين بالعكس
بنتش جم عمرها الحيين ؟!!

ما عليش من كلام الناس الي لا يودي ولا يجيب
الناس تحب تتحجى وتنتقد ليش ماا دري!!
بالعكس كلش عادي وبصراحة الحين اكثر الناس يودون جهالهم 3 سنوات روضة يعني من عمر 3 سنوات
لا تحاتين ولا يأنبش ضميرش وبالتوفيق للكتكوتة

كم عمرها؟!

لا ما تسرعتي
العلم في الصغر كالنقش على الحجر
وأكيد البتوتة بتتعلم أشياء كثيرة

ماعليك من كلام احد اذا انتي مقتنعة .....
واذا بنتك ماعليها تعب وحابه الروضة ليش تندمي

بصراحة هو تعب عليها واني مثلك وديت بنتي روضة من عمر 3 سنوات مستوى اول وكانت هي فرحانة واني بعد وأمي تقول ليي خل الجاهلة تنام عندش وترتاح بعدها لاحقة خليها تشبع نوم ....

وهي على عمري كانت صغنونة ودايما تلقط العدوى من الاطفال اذا مرضوا وتمللت بعدين حتى مستوى ثاني ما راحت قعدت معااي وحاولت ادرسها اني والحمد لله مستوى ثالث

اوكي راحت ولله الحمد ...


اذا انتي ما تشتغلين وبنتش مو حابة تروح الروضة لا تجبرينها ..وهي في ذا العمر لاحقيين ....

واذا تبين تودينها جربي وديها وخليها تلعب وتستانس مع اصدقائها بس أول ما ترفض تروح

لاتجبرينها وانتي سوي اللي يريحك

الحين اذا اروح الروضة اودي بنتي اشوف الاطفال في المستوى الاول يكسروون الخاطر نتف

بنتي عمرها ثلاث سنوات واليوم اول يوم لها في الروضه وكانت ماشاء الله عليها مستانسه وايد والحمد لله انا ماجبرتها هي اللي كانت تلح تبغي تروح الروضه

لااا أختي لاا اتسرعتين و لاا تتندمين !!

بالعكس أني أشدد ع الأمهاات يدخلوون أولاادهم الرووضة من عمر 3 سنواات

الرووضة اتعلم الطفل النظااام و هذا أهم شي يعني بيناام ع وقت و بيصحى بووقت

و رااح يكوون أكله و طلعته و كل شي بووووقت

و الحمدلله أولاادي 2 راحوا الروضة من هالعمر 3سنواات و موو ندماانة أبداً

و يتعلم الطفل من الرووضة ومن الأطفاال أشياااء كثيرة ممكن ماا يتعلمهاا من الأم و البيت

و بالذاات اذا أحسنت الأم اختياااار الرووضة المناااسبة

و شجعيهاا أكثر و لاا تحبطين عزيمتهاا و حبهاا للرووضة و بالتووووفيق للبنوووتة !!

لا تندمين ولا شي
دام البنوتة حابة الروضة خليها تستانس

هي في عمر بنتي بس بنتي كلش مو متقبلة فكرة الروضة قلت دام ما عندها رغبة اعرفها ما بتداوم كلش خليتها في البيت والسنة الجاية بتكون 4 سنوات بوديها

ترى كلام الناس واجد اذا بتفكرين في كل كلمة بتستخفين ما عليش من احد

مشكورين وايد يا بنات والله ريحتوني الله يريحكم واتمنى بعد اللي ودت ولدها او بنتها ثلاث سنوات روضه تقول لنا شنو السلبيات والايجابيات

ما تسرعتي ابدددد
بنتي الحين 3 ونص وكانت تلللح بشكل كبير
تبي تروح
وسجلتها وحصلت لوووووووووووم من الجميع
لكن فرحتها بالدوام وركوب الباص اهم من كل شي
تعودت على النظام والهدوء لايخلى الامر من الصعوبات لكن
تعليمهم بهالمرحله تترسخ المعلومات اكثر ولا ينسووووها..
موفقه..

أني رايي انش ماتسرعتين ولا شي سن الروضة يبدأمن ثلاث سنوات وبعدين في مستوى ثاني بتاخد تركيب وتحليل وتجريد وبيكون كل هدا صعب عليها اذا ما كانت مهيئة قبل بفترة كافية ما عليش من الناس وبعدين الروضة مو بس حق التعليم هي مجتمع مصغر يحتك فيه الطفل بأطفال من سنه ويتعلم من الكبار من حوله ويكتسب مهارات الكلام والتواصل الاجتماعي والحسي والحركي والنفسي بالعكس الروضة بتكون متنفس حق بنتش ، وبتلاقينها بسبب اختلاطها بناس جدد تطورت من كل النواحي ، مصلحة بنتش ابدا من كلام الناس 8o| . وموفقة الحلوة . . .
أني كنت أشتغل في روضة من قبل ما أجيب ولدي البكر ومن ولدت أخذت اجازة شهرين الا شوي وبس بعدها أخدته ويايي للدوام لأني وقتها كان شغلي في الادارة يعني شغلي مو طول اليوم مثل المعلمة وكان في الروضة موظفة مهمتها الاعتناء بأبناء الموظفات وكنت أني بين فترة والثانية أطل على ولدي وبالعكس ما واجهت وياه أي مشاكل من ناحية تقبله للروضة خاصة أني أسكن لوحدي في شقة يعني مو في بيت عمي وطفلي عجبه جو الروضة لأنه يعتبر مكان حافل بالمغامرات والأصدقاء نظرا لتعوده على الوحدة في المنزل
ايجابيات الموضوع :
ان الطفل في سن الثلاث سنوات يكون سريع الحفظ والتقاط الاشياء وبهدا اكتسب طفلي كمية كبيرة من المهارات والخبرات في سن صغيرة جدا .
_ يتخلص الطفل من الخجل ، بتطور في الكلام والتعبير عن نفسه .
- يتخلص الطفل من رهبة العالم الخارجي ( الغرباء من غير الأهل )
سلبيات الموضوع :
أن الطفل يمل بعد فترة لاعتياده على جو الروضة ولكن يمكن حل هذا الأمر اذا حسيتين أن الروضة خلاص صارت ما تضيف شي جديد لبنتش تقدرين تنقلينها روضة ثانية وبهذا يصير عندها تجديد .
طوووووولت عليش بس انشاالله أكون افدتش بشي .

هو على الطفل نفسه ،اذا حسيتيها مستانسة ومرتاحة خليها أحسن ليها واذا حسيتيها مو مرتاحة لاااتترددين انش تطلعينها

اني ولدي البكر وديته وعمره ثلاث وشوي مستوى اول والحين كله اقول ياليت ماوديته

اصلا ماأدري شلون تحملت صريخه كل يووووم ويوم تعود كنت اشوف الكآبة مرتسمة على

ملامحه وهو رايح وراد من الروضة ،ياعمري ولاتنازلت:(

بالعكس شغلج عدل
منها تتعلم النظام وتقوى شخصيتها
ماتروح المدرسه ولا هي معتمده على نفسها
وبيتكون عقلبتها ممتازه

والله العظيم الواحد احتار في هالناس وكلامهم لو وديناهم للروضة قالو لا ليش بدري ولو قعدناهم حرااام عليكم انتو بتظلموهم هيك انا بنتي السنة الماضية دخلتها روضة ثاني وعمرها 4 سنين لا وكان فايت عليها 3 شهور بس الحمد لله تفوقت على الصف وطلعت الاولى عليهم ماشاء الله اختي انت شوفي كيف مستوى بنتك وقرري بنفسك بس لا تنسي الاستخارة قبل كل شيئ

و الله انا لاني عايشة بللد الطفل يروح للحضانة من عمر اشهر اشجع و بشدة عليها

لاسباب كثيرة

فلا تتندمين و لا تسمعين لاحد

لاتسرعتي ولا شي وخلي عنش كلام الناس

تضيع وقتها في الروضة افضل من تضيعه في التلفزيون وفي لصياح

على الاقل في الروضة بتتعلم وبتستفيد عكس البيت

وبالتوفيق للصغيرة