السلام عليكم ورحمة الله وبركاته

السلام عليكم اختي الكريمة
ارجو الرد على مشكلتي
انا تعبانة اوي وعاوزة حل ضروري لاني منهاره بجد


انا متزوجة من 4 سنين وعندي طفل وحامل في طفلي الثاني
المهم زوجي اول ما جاء وتقدم لخطبتي كل الناس قالو انه ملتزم جدا والحمدلله اني من بيت ملتزم ووالدي رحمه الله كان داعيه اسلامي معروف والحمدلله
المهم لما تزوجته فوجئت انه لا يصلي الا لما ألح عليه ويقوم يصلي عشان يسكتني بس ومعظم الاوقات لا يصليها عملت وجربت كل الطرق الممكنة معاه بس للاسف هو مش عنده اي استعداد انه يتغير
وكمان لما بيرجع باليل من الشغل بيفضل طول الليل يتفرج على التليفزيون وطبعا نساء عارية ورقص واغاني وهو عادي جدا ومش بيعمل اي اعتبار لمشاعري حتى
وبيدخل النت على مواقع اباحيه جدا للاسف الشديد


ده من جانب الالتزام اللي هو اكتر حاجة مكرهاني اني اعيش معاه وانا بجد مش بحبه ابدا ابدا وهو كمان لا يحبني
وبقيت اعمل ليالي رومانسية كتيرة جدا واولع الشموع وعندي لبس اغراء كتيييييييييييييير جدااااااااااااااا كل كام يوم انزل اشتري من اللبس ده بس هو للاسف بيحب اكتر يتفرج على النساء في التليفزيون او على النت لدرجة انه بيقارني بيهم ويقول لي ليه جسمك مش زي جسم فلانة من الممثلات
عشان كده انا مهما عملت هكون في نظره وحشه
وعمره ما بيشتاق لي ابدا لانه دايما بيشبع رغبته بالنت والتليفزيون وبيمارس العادة السرية ودايما يحب اني اروح عند امي باليومين والتلات ايام

ومن كام يوم قلت له اني هروح عند امي لان الحمل تاعبني وقال لي انه هييجي يوصلني وانا المفروض كنت هروح لامي من بداية اليوم وماعملتش اي اكل في البيت وهو قال لي ماتعمليش اكل روحي اتغدي عند مامتك وانا هتغدى في الشغل المهم هو اتاخر جدا وجه البيت الساعة 9 بالليل وانا وقتها كنت طلبت اكل دليفري من مطعم ولما هو جه قلت له انا مش هروح عند ماما خليك معايا نتغدى سوا الاكل زمانه جاي دلوقتي
هو اتعصب عليا بطريقة غريبة جداااااااااااااا وقعد يزعق لي ويقول لي انتي قلتي انك هتروحي لمامتك قومي البسي ولبسي الولد ويلا عشان اوديكي
انا حسيت من طريقة كلامه بالغدر هو ليه مصمم انه عاوز يوديني عند امي بالطريقة الغريبة دي وسالته قال لي عاوز انام بهدوء قلت له كلها ساعتين بالظبط وميعاد ابنك هييجي وهينام وابقى نام براحتك مع العلم انه كل يوم مش بيرجع البيت قبل الساعة 3 بالليل وبيقول لي كنت ف الشغل
المهم اتخانقنا جامد وقلت له لو رحت عند ماما مش هرجع البيت ده تاني قال لي احسن مع السلامة
طبعا انا مارحتش عند معاه ومش خليته يوصلني قلت هو دلوقتي يهدى واروح اصالحه وهو مش كان ناوي ينزل الشغل لقيته لبس هدومه ونازل قلت له يعني انت هتنزل عشان انا قاعده ف البيت لو كنت مشيت كنت هتقعد ف البيت قال لي اه

انا تاني يوم الصبح جهزت شنطتي وجيت عند ماما بقى لي يومين هنا وهو مش اتصل بيا ولا مرة
هو بيحب جدا انه يقعد ف البيت وانا مش موجودة ولما بكون موجودة واقول له خليك معانا انهرده مش بيرضى ويقول لي لا
ولازم كل لما اروح عند امي كل اسبوع الاقيه يتصل بيا يقول لي انا مارحتش الشغل انا في البيت وهو عمره ما اخد اجازة من الشغل وانا ف البيت مش عارفة ايه السبب


انا بفكر ابعت له مسدج انا عاوزة اطلق
حياتي كلها كل يوم مش بنام غير ودموعي على خدي وهو بيبقى عارف اني بعيط ومش بييجي ابدا يقول لي مالك ولا بتعيطي ليه

انا ماقلتش لاهلي انه فيه مشكلة بس امي حاسة ومش راضية تكلم معايا ف الموضوع
انا فعلا بفكر جديا في الطلاق عيشتي في وسط اهلي معززة مكرمة احسن مليون مرة من العيشة معاه ولو لمدة يوم واحد




انا اسفة اني طولت عليكي في الكلام بس ماقدرش اكتب الكلام ده على العام ف المنتدى ليا اصحاب كتيرة ومش عاوزاهم يعرفو تفاصيل المشكلة