السلام عليكم
يمكن تقولون هاذي وحدة ما عندها سالفة
وله بتضيع وقتنا
لكن توافه الأمور عند البعض لدى الآخرين عظام ...
مشكلتي.. ما أثق بشكلي
بتقولون شلون
أنا من يوم وأنا صغيرة كنت " دبدوبة"
وكنت الشاذة من بين جميع بيتنا
ابتداءا من ابوي لاخواني واختي
يعني ابوي واخواني رشيقين مايلين للضعف وامي اللي يشوفها في هالسن يذكر الله لأنها في بداية الخمسينات ورشاقة ومثلها اختي -لا إلا إلا الله-
إلا أنا
أمي كان عندها هذا الشي غير مقبول وكات عشان تحفزني على حسب ما تشوفه
تقول لي وييييع شهالشكل الدب المقرف.. شهالشحوم المتراكمة ... شهالدبة الكبيرة
المشكلة كانت امي تققل لي الكميات من يوم كنت صغيرة وكان ما يفيد لأني آكل من وراها بدل الحرمان ،
أدري بتقولون ان امج كانت تبي مصلحتج والخير لج لكن طريقتها في الأمور سببت لي عقدة شرسة بمسألتين وزني وشكلي
الآن انا مب دبدوبة لكن مليانة >> يعني جم من كيلو ويصير شكلي تمام
لكن حتى يوم خسرت فوق ال 10 كيلو حسيت نفسي في مثل الجسم
اذا اشوف المنظرة اشوف روحي قبل ال 10 كيلو
يعني مافي اختلاف الا في كلام الناس والملابس والا اشوف روحي كما كنت.
هذا أولاً، ثانياً هالأمر أثر في نظرتي لشكلي
أنا عند روحي قبيحة
يمكن ارجع السبب الى ان امي كانت كله تنتقدني بسبب وزني وشلون وشلون لما كنت في ذاك الوزن ما تحب تشوفني حتى وتستحي تقول هالدبة بنتي ، ولما اقول لها الجمال جمال الروح تقول لي هذا عذر القبحاء
حتى قبل ما اروح الاعراس تجيني حالات مستمرة من البكاء لأني اخاف من كلام الناس يقولون هذي فبيحة
لكن لما اروح الأعراس يقولون الأوادم لي على انج رويانة لكن ملامحج جميلة
صديقاتي يقولون ان ملامحي جميلة، بنات عمي يقولون عندج جمال رباني
لكن عندي كل هاذي مجاملات × مجاملات عشان ما يكسرون بخاطري
ما اقدر اصدقهم
المشكلة تصير اذا الناس قاموا يشوفونج جميلة وانتي عند نفسج كريهة وماتحبين تشوفين المنظرة عشان ما تشوفين روحج
تمر ايام اقول فييها سبحان ربي ما يخلق احد كريه، أنا جميلة لأني من صنع خالق جميل يحب الجمال، لكن ما يمر يومين الا وردت حليمة لعادتها القديمة، أحس قاعدة أقص على روحي
بعد هالقصة الطويلة والفلسفة الزايدة شاللي ابيه
ابي اراءكم عشان احب انفسي
عشان اشوف روحي حلوة
عشان اثق في نفسي وانا رايحة اي مكان
ما ادري شسوي
تعبت
ادري انها مسالة ما تستاهل كل هالضجة اللي اسويها
بس مو بيدي لأنها مب بادية الحين
صارت المشكلة متراكمة من يوم الصغر ( يعني الأطفال تفكر في اللعب وحضرتي افكر ليش انا مو حلوة ودبة) حتى اصبحت عقدة وصدقوني لما اقول لكم عقدة فهي الحقيقة
افيدوني افادكم الله و رفع عنكم همومكم
ما العمل؟ افيدوني افادكم الله
ر
01-10-2010 | 07:56 PM
ا
01-10-2010 | 08:02 PM
اختى الكريمة هدا رابط لموضوع فى المنتدى ياريت تقريه وستجدى الجواب الشافى بادن الله
http://forums.3roos.com/showthread.php?t=560789
http://forums.3roos.com/showthread.php?t=560789
س
01-10-2010 | 08:18 PM
حبيبتي نفس حالت اختي
ولا تنسين الثقة بنفس لانها اهم شي و بالتوفيق
ولا تنسين الثقة بنفس لانها اهم شي و بالتوفيق
&
01-10-2010 | 08:32 PM
أشوف إنه الحل الوحيد هي إنك تنسي موضوع الجمال والقبح لفترة مؤقته
وتركزي على مسألة إنك تشوفي مواهبك ومهاراتك ، لأنه الواحد مستحيل تكون عنده ثقة في نفسه
فقط لأنه جميل !!
الثقة بالنفس تجيك لما تكوني فعلا تملكين شيء قوي ..
تنجحين في شيء معين.
تلفتين نظر الناس بصفة وعمل مميز.
لو جلستي تفكري في الجمال فلازم يكون هناك تفاوت بين كل وحدة فينا..وهذا الشيء بيدمر ثقتنا
محتاجين نقتنع في ذواتنا ، نعرف الأشياء إللي ممكن تعطينا ثقة في أنفسنا .. من علم وعمل..
إنتي شوفي نفسك في ويش تقدري تبدعي؟؟
وكلما أنجزتي بتحسي إن عندك ثقة في نفسك..
وبعدها انتقلي لمسألة الجمال.. بتحصلي نفسك بدأتي تتقبلي نفسك شيء فشيء..
لأنك كنتي تشوفي نفسك من جانب واحد.. وزاوية وحدة..
جربي طريقتي .. وتوكلي على ربك .. وكوني قريبة منه..
ما استهين بمشكلتك بالعكس فيه كثيرين يعانوا منها
ولكل مشكلة حل .. ثقي بهذا الشيء
ر
01-10-2010 | 08:36 PM
السمسم;13270149:
اختى الكريمة هدا رابط لموضوع فى المنتدى ياريت تقريه وستجدى الجواب الشافى بادن الله
http://forums.3roos.com/showthread.php?t=560789
اشكرج اختي السمسم على مداخلتج الجميلة
أنا بكل صراحة أحب علاقتي مع ربي، ومثل ما تشوفين شلون كان تعامل بيتنا معاي
فكان ربي هو الملجأ اللي ألجأ له واشتكي له ياربي هذا تقول هالكلام بس مو بيدي شي وهكذا
ومع اني اشوف روحي قبيحة ما عمري قلت ياربي ليش خلقتني بهالقبح وليش خلقتني مو حلوة
بالعكس انا صاحية والحمدلله والصحة تغنيني عن وايد اشياء
تراني احب الأشياء الأنثوية، من يوم كنت صغيرة احب المكياج (يعني اتزين في البيت فقط مااخلي شي لبرا البيت) واحب الاكسسوارات، اهتم بتساريح شعري وغيرها الكثير
المشكلة مثل ما قلت لج انا عند الناس جميلة وعند نفسي قبيحة
احيانا احس اني في الحقيقة جميلة وجمال فوق العادي بعد ولله الحمد
لكن شعور لدقائق ويرد يختفي
وذكرت هالنقطة من قبل أقول لنفسي دائماً الله جميل يحب الجمال فما يخلق إلا جميل
وعندي نظرية إن مافي مخلوق كريه لأن الجميع من صنع الله ويستحيل من الجميل خلق القبيح
بس خله يمر على هالقول يومين وكلام الليل يمحوه النهار
ارد ما اثق في شكلي
ر
01-10-2010 | 08:38 PM
بنت الجنوب**;13270212:
حبيبتي نفس حالت اختي
ولا تنسين الثقة بنفس لانها اهم شي و بالتوفيق
شكرا عزيزتي بنت الجنوب على مداخلتج الطيبة
نحاول نكمل نقص الثقة الموجود
دعواتج حبيبتي
&
01-10-2010 | 08:38 PM
وعلى فكرة يا ما حبينا ناس وهم متوسطوا الجمال وياما كرهنا ناس في قمة الجمال
برأيك شو السبب؟؟
لا تنسي هناك أمور مهمة قبل عن تفكري تقارني نفسك بأحد ثاني في جمال الهيئة والشكل
وطبعا كل وحدة تحب تكون جميلة .. ما معقولة أقولك لا تفكري بهذا الشيء..
لكن مقياس الجمال مختلف من وحدة لأخرى..
راجعي نفسك وغيّري طريقة تفكيرك..
ما بقولك كوني جميلة باخلاقك فإنتي تعرفي هذا الشيء
لكن أنا أريدك ترجعي ثقتك في نفسك .. بالاهتمام بشيء يميزك عن غيرك
برأيك شو السبب؟؟
لا تنسي هناك أمور مهمة قبل عن تفكري تقارني نفسك بأحد ثاني في جمال الهيئة والشكل
وطبعا كل وحدة تحب تكون جميلة .. ما معقولة أقولك لا تفكري بهذا الشيء..
لكن مقياس الجمال مختلف من وحدة لأخرى..
راجعي نفسك وغيّري طريقة تفكيرك..
ما بقولك كوني جميلة باخلاقك فإنتي تعرفي هذا الشيء
لكن أنا أريدك ترجعي ثقتك في نفسك .. بالاهتمام بشيء يميزك عن غيرك
&
01-10-2010 | 08:43 PM
رمش أنثى;13270295:
ا
المشكلة مثل ما قلت لج انا عند الناس جميلة وعند نفسي قبيحة
ا
المشكلة هي إنك منشغلة بالتفكير في هذا الموضوع ..
صدقيني أنا كانت عندي مشكلة ، ومن كثر انشغالي بها ما انحلت لفترة طوييييييلة.
ولما صرفت النظر عنها واهتميت بأمور ثانية .. بدأت ثقتي ترجع في نفسي .. وبدأت أشوف
إنه المشكلة بدأت تنحل !! .. اسأل مجرب ولا تسأل طبيب
أحيانا مشاكلنا حلها غيرمباشر - سبحان الله-
ونحن نجلس نركز في المشكلة لحد ما ننفجر
المفروض نصرف النظر عنها ونحاول نتميز بشيء ونرجع للمشكلة بنشوفها غير
صدقيني أنا كانت عندي مشكلة ، ومن كثر انشغالي بها ما انحلت لفترة طوييييييلة.
ولما صرفت النظر عنها واهتميت بأمور ثانية .. بدأت ثقتي ترجع في نفسي .. وبدأت أشوف
إنه المشكلة بدأت تنحل !! .. اسأل مجرب ولا تسأل طبيب
أحيانا مشاكلنا حلها غيرمباشر - سبحان الله-
ونحن نجلس نركز في المشكلة لحد ما ننفجر
المفروض نصرف النظر عنها ونحاول نتميز بشيء ونرجع للمشكلة بنشوفها غير
ر
01-10-2010 | 08:55 PM
ღ ورد ღ;13270272:
أشوف إنه الحل الوحيد هي إنك تنسي موضوع الجمال والقبح لفترة مؤقته
وتركزي على مسألة إنك تشوفي مواهبك ومهاراتك ، لأنه الواحد مستحيل تكون عنده ثقة في نفسه
فقط لأنه جميل !!
الثقة بالنفس تجيك لما تكوني فعلا تملكين شيء قوي ..
تنجحين في شيء معين.
تلفتين نظر الناس بصفة وعمل مميز.
لو جلستي تفكري في الجمال فلازم يكون هناك تفاوت بين كل وحدة فينا..وهذا الشيء بيدمر ثقتنا
محتاجين نقتنع في ذواتنا ، نعرف الأشياء إللي ممكن تعطينا ثقة في أنفسنا .. من علم وعمل..
إنتي شوفي نفسك في ويش تقدري تبدعي؟؟
وكلما أنجزتي بتحسي إن عندك ثقة في نفسك..
وبعدها انتقلي لمسألة الجمال.. بتحصلي نفسك بدأتي تتقبلي نفسك شيء فشيء..
لأنك كنتي تشوفي نفسك من جانب واحد.. وزاوية وحدة..
جربي طريقتي .. وتوكلي على ربك .. وكوني قريبة منه..
ما استهين بمشكلتك بالعكس فيه كثيرين يعانوا منها
ولكل مشكلة حل .. ثقي بهذا الشيء
شكرا حبيبتي على ردج العسل اللي ينحط على الجرح يبر
المشكلة عزيزتي يلزمني وقت طويل لين ما افج العقدة اللي فيني
يمكن ما وضحت هذا الشي من قبل
مثلا قلت لكم عن الوزن انها مسألة حساسة
جربي تبعدين الميزان عني يوم واحد شوفي شيصير فيني
ما أقدر إذا اقعد من النوم اروح اقيس وزني، أدخل الحمام اقيس وزني، آكل أي شي أروح أشوف تأثيره على الوزن > ردة الفعل اللي صادتني جداً قوية وعنيفة بما إني الوحيدة اللي كنت دبة في بيت الرشاقة عنوانه
تراني الحمدلله أروح حلقات تجويد قرآن ومن المتميزين بشهادة الجميع في هالمجال
مجال دراستي الحمدلله رب العالمين، الدكاترة يقولون عقلي شغال ودوم من أعلى الدرجات
حياتي الاجتماعية حلوة عندي صديقات وربع
انا اشوف روحي جميلة - بنظرة إنصافية - واعتقد ان الكل يتفق ان خلقي ولله الحمد حسن وكريم
حتى ربع أمي يقولون لها يا بختج بهالبنت، عسل، تنحط على الجرح يبرى وهذا كان كلام معلماتي في المدرسة وربعي وصديقاتي
والطامة الكبرى اذا تبين أزيدج اني متزوجة مع اني مملكة من يوم وانا صغيرة ما تخرجت من المدرسة
وزوجي شافني في معهد للدراسة وعلى قولته عجبته وسأل سأل لين وصل
حياتي الزوجية الحمدلله تمام وعلاقتي مع زوجي طيبة
يعني حتى لما يقول لي زوجي أحسد روحي لأن الله عطاني وحدة بكثل جمالج = غيري بيستانس وبيتشقق لكني أحزن لأني احس انه يطنز ويستخف بي أو انه يجاملني أو انه نصيبه كتب عليه ياخذ وحدة مثلي يعني ابرر لروحي اعذار عشان ما اصدق كلامه
وترى هو من زمان مكتشف هالعقدتين ويازعم حاول يصلحهم لكن ما فاد لدرجة انه احيانا لما يمل من كثر المحاولة يقول لي معقدة .
اهتم في روحي وزوجي ، اشتركت في انشطة خارجية منها دينية اجتماعية رياضية، اركز في دراستي واهتم فيها ، بس الشي الباقي لي وتصير حياتي تسير بسلاسة ان شاءالله ابي اشوف روحي باللي تشوفني فيه الناس
ابي اشوف ملامح الجمال اللي يتكلمون عنها واللي ما اشوفها
بس شلون ماادري
&
01-10-2010 | 09:04 PM
رمش أنثى;13270387:
شكرا حبيبتي على ردج العسل اللي ينحط على الجرح يبر
المشكلة عزيزتي يلزمني وقت طويل لين ما افج العقدة اللي فيني
يمكن ما وضحت هذا الشي من قبل
مثلا قلت لكم عن الوزن انها مسألة حساسة
جربي تبعدين الميزان عني يوم واحد شوفي شيصير فيني
ما أقدر إذا اقعد من النوم اروح اقيس وزني، أدخل الحمام اقيس وزني، آكل أي شي أروح أشوف تأثيره على الوزن > ردة الفعل اللي صادتني جداً قوية وعنيفة بما إني الوحيدة اللي كنت دبة في بيت الرشاقة عنوانه
تراني الحمدلله أروح حلقات تجويد قرآن ومن المتميزين بشهادة الجميع في هالمجال
مجال دراستي الحمدلله رب العالمين، الدكاترة يقولون عقلي شغال ودوم من أعلى الدرجات
حياتي الاجتماعية حلوة عندي صديقات وربع
انا اشوف روحي جميلة - بنظرة إنصافية - واعتقد ان الكل يتفق ان خلقي ولله الحمد حسن وكريم
حتى ربع أمي يقولون لها يا بختج بهالبنت، عسل، تنحط على الجرح يبرى وهذا كان كلام معلماتي في المدرسة وربعي وصديقاتي
والطامة الكبرى اذا تبين أزيدج اني متزوجة مع اني مملكة من يوم وانا صغيرة ما تخرجت من المدرسة
وزوجي شافني في معهد للدراسة وعلى قولته عجبته وسأل سأل لين وصل
حياتي الزوجية الحمدلله تمام وعلاقتي مع زوجي طيبة
يعني حتى لما يقول لي زوجي أحسد روحي لأن الله عطاني وحدة بكثل جمالج = غيري بيستانس وبيتشقق لكني أحزن لأني احس انه يطنز ويستخف بي أو انه يجاملني أو انه نصيبه كتب عليه ياخذ وحدة مثلي يعني ابرر لروحي اعذار عشان ما اصدق كلامه
وترى هو من زمان مكتشف هالعقدتين ويازعم حاول يصلحهم لكن ما فاد لدرجة انه احيانا لما يمل من كثر المحاولة يقول لي معقدة .
اهتم في روحي وزوجي ، اشتركت في انشطة خارجية منها دينية اجتماعية رياضية، اركز في دراستي واهتم فيها ، بس الشي الباقي لي وتصير حياتي تسير بسلاسة ان شاءالله ابي اشوف روحي باللي تشوفني فيه الناس
ابي اشوف ملامح الجمال اللي يتكلمون عنها واللي ما اشوفها
بس شلون ماادري
ما شاء الله عليك أنا كنت عارفه إنك فاهمة كل شيء
الحين باقي شيء واحد ما حد يقدر يساعدك فيه غير نفسك
ما حد يقدر يغيرك من داخلك .. مهما حاولوا يكلموك ويردوا عليك في هذا الموضوع
ما حد يقدر يثبت لك فكرة في داخلك غير بنفسك وبإرادتك.
يعني الحين دورك إنك تدخلين فكرة بقوة إلى نفسك ...
ما بقولك هالامر سهل .. يحتاج لك فترة لحدما تقدرين تتغيري
وأتمنالك التوفيق :)
الحين باقي شيء واحد ما حد يقدر يساعدك فيه غير نفسك
ما حد يقدر يغيرك من داخلك .. مهما حاولوا يكلموك ويردوا عليك في هذا الموضوع
ما حد يقدر يثبت لك فكرة في داخلك غير بنفسك وبإرادتك.
يعني الحين دورك إنك تدخلين فكرة بقوة إلى نفسك ...
ما بقولك هالامر سهل .. يحتاج لك فترة لحدما تقدرين تتغيري
وأتمنالك التوفيق :)
ر
01-10-2010 | 09:10 PM
ღ ورد ღ;13270326:المشكلة هي إنك منشغلة بالتفكير في هذا الموضوع ..
صدقيني أنا كانت عندي مشكلة ، ومن كثر انشغالي بها ما انحلت لفترة طوييييييلة.
ولما صرفت النظر عنها واهتميت بأمور ثانية .. بدأت ثقتي ترجع في نفسي .. وبدأت أشوف
إنه المشكلة بدأت تنحل !! .. اسأل مجرب ولا تسأل طبيب
أحيانا مشاكلنا حلها غيرمباشر - سبحان الله-
ونحن نجلس نركز في المشكلة لحد ما ننفجر
المفروض نصرف النظر عنها ونحاول نتميز بشيء ونرجع للمشكلة بنشوفها غير
F:
شكرا لك عزيزتي على المداخلة الجميلة :L:
أتدرين عزيزتي لم كل هالتفكير
سبب كل عقداتي: أمي
تصرفات امي متناقضة
أنا اعلم كل اليقين ان امي لا تريد لي الا الخير
واعلم انها تحبني مثل اخوتي ان لم يكن اكثر
لكن في كل زيارة لي لها دائما دائما تستقبلني وتقول ما هذا الشكل؟
قلت سابقا اني ممتلة لكن بشكل يناسبني لا يناسبها فتلمس الزوائد المقرفة على حسب قولها وتصرخ بي: أما أخجل ان يراني زوجي بهذا الشكل وبهذه الزوائد
بنيت واعدت بناء ثقتي
قلتها مرارا هناك الكثير يتمنى ان يحظى بنصف شكلي وكفى بروحي ان تسمو بي وتحببني الى الخلق
لكن عندما اسمع هالكلام من امي، أين ثقتي تذهب ؟
كيف لا أفكر في الموضوع وانا اسمع هالكلام
>> لمعلوماتج الخاصة زوجي احيانا كانت تجيه فترات يعصب ولو الود وده ما اروح لبيتنا، خصوصا انه لما شاف ان اخواني قاموا يضربون فيني مثال للشي اللي ما يعجبهم
كل مرة ازور بيتنا لازم اسمع هالكلام، احيانا اطنش احيانا لا
انا ازور بيت أبوي على الأقل 4 مرات في الأسبوع لأني أحبهم ولا أقدر على فراقهم ولو كانت الزيارة ربع ساعة
فكيف اصرف النظر وانا اسمع هذا الكلام على الأقل 4 مرات
أمي تعلم جيدا ان هذا الكلام يضايقني لكنها تستمر
هذه طريقة امي في الحث على ما تريد لكنها تسير بمنحنى عكسي
وتراني ما افكر في هذا الموضوع الا عندما ارجع من بيت ابوي واله انا في حياتي تتيسر العقد شوي
وحتى لما اصرف النظر وارد ارجع، وحتى لو تجي ايام احسني جميلة، ايام قليلة وترجع الحالة القديمة، كأن السالفة حلقة مفرغة
أ
01-10-2010 | 10:31 PM
ღ ورد ღ;13270272:
أشوف إنه الحل الوحيد هي إنك تنسي موضوع الجمال والقبح لفترة مؤقته
وتركزي على مسألة إنك تشوفي مواهبك ومهاراتك ، لأنه الواحد مستحيل تكون عنده ثقة في نفسه
فقط لأنه جميل !!
الثقة بالنفس تجيك لما تكوني فعلا تملكين شيء قوي ..
تنجحين في شيء معين.
تلفتين نظر الناس بصفة وعمل مميز.
لو جلستي تفكري في الجمال فلازم يكون هناك تفاوت بين كل وحدة فينا..وهذا الشيء بيدمر ثقتنا
محتاجين نقتنع في ذواتنا ، نعرف الأشياء إللي ممكن تعطينا ثقة في أنفسنا .. من علم وعمل..
إنتي شوفي نفسك في ويش تقدري تبدعي؟؟
وكلما أنجزتي بتحسي إن عندك ثقة في نفسك..
وبعدها انتقلي لمسألة الجمال.. بتحصلي نفسك بدأتي تتقبلي نفسك شيء فشيء..
لأنك كنتي تشوفي نفسك من جانب واحد.. وزاوية وحدة..
جربي طريقتي .. وتوكلي على ربك .. وكوني قريبة منه..
ما استهين بمشكلتك بالعكس فيه كثيرين يعانوا منها
ولكل مشكلة حل .. ثقي بهذا الشيء
:thumbs_up:
ت
02-10-2010 | 12:23 AM
الحل بيدج أنتي .. أنتي وبس !
من وجهة نظري .. المفروض تقعدين مع نفسج وتفكرين شوي
شاللي ماتحبينه فشكلج وليش ماتحبينه ؟؟؟ كلام أمج قبل صح يأثر فنفسيتج لكن لازم بالمقابل تزرعين الثقه في نفسج
أنتي ماعدتج البنت الصغيره الدبدوبه اللي امج كانت تنتقدها ..
كبرتي وصرتي بنت الكل يمدحها وضعفتي ماشاء الله 10 كيلو وأنتي بنفسج تقولين جسمي زين يبي لي شوي ويصير اووكي
ابتعدي عن الكلام السلبي هذا .. انا قبيحه \ كلامهم مجاملات \ دبه .. وكل هالكلام اللي يخلي نفسيتج تتعب وثقتج بنفسج تنعدم !
صدقيني لو ظليتي تقولين حق نفسج انا ضعفت .. انا جميله بشهادة الكل .. ثقتي بنفسي عاليه
راح تحسين مع الايام ان نظرتج حق نفسج بدت تتغير صدقيني
وتأكدي مافي انسان قبيح سبحان الله ربي خلق كل واحد وفيه من الجمال نسبه
-
من وجهة نظري .. المفروض تقعدين مع نفسج وتفكرين شوي
شاللي ماتحبينه فشكلج وليش ماتحبينه ؟؟؟ كلام أمج قبل صح يأثر فنفسيتج لكن لازم بالمقابل تزرعين الثقه في نفسج
أنتي ماعدتج البنت الصغيره الدبدوبه اللي امج كانت تنتقدها ..
كبرتي وصرتي بنت الكل يمدحها وضعفتي ماشاء الله 10 كيلو وأنتي بنفسج تقولين جسمي زين يبي لي شوي ويصير اووكي
ابتعدي عن الكلام السلبي هذا .. انا قبيحه \ كلامهم مجاملات \ دبه .. وكل هالكلام اللي يخلي نفسيتج تتعب وثقتج بنفسج تنعدم !
صدقيني لو ظليتي تقولين حق نفسج انا ضعفت .. انا جميله بشهادة الكل .. ثقتي بنفسي عاليه
راح تحسين مع الايام ان نظرتج حق نفسج بدت تتغير صدقيني
وتأكدي مافي انسان قبيح سبحان الله ربي خلق كل واحد وفيه من الجمال نسبه
-
ش
02-10-2010 | 02:15 AM
حطي في بالك انه الجمال الداخلي هو الاهم
وانه جمال الوجه او الجسم ممكن يروح في لحظه
وانه جمال الوجه او الجسم ممكن يروح في لحظه