حامل في بداية الشهر الثاني 00 افرازات بنيه

الف مبروووك الحمل الله يتمم عليك

الدم البني مو زين لازم تراجعين دكتوره تشوف شنو وضعك ويمكن تكتب لك مثبت
وعليك بالاستغفار ثم الراحه

مبروك الحمل

راجعي الدكتورة حتى تعرف سبب الدم

الف مبروك,, ربي يثبته لج
روحي المستشفى افضل لا تسكتين عن روحج موزين لصحة الجنين!

ba7rinia;13264837:
بنااااااااااااااااات شلونكم
عندي استفسار للأسف الشديد طلعت حامل على ولدي 8o| وتوني عارفه هالشي من يومين و الحين ع حسبتي صار لي جريب الشهرين اليوم نزلت علي افرازات بنيه
حبيت تخبروني هل هذي الشي طبيعي او لا
لانه للحين ما خذيت موعد حق مراجعه

ومشكورين

عليكم السلام


اولا ً ياريت ما قلتي للاسف الشديد لانك قهرتيني قولي الحمدلله

هذي ارزاق الله يقسمها عالعبد غيرك مو لاقيها ويتمناها بعد ...

وثانيا الافرازات البنيه هذي تحذير ان اذا ما ريحتي راح تسبب

لك لاسمح الله اجهاض يعني حاولي تريحي كثر ما تقدرين

وما تجهدين نفسك وانسدحي على ظهرك وارقعي رجلك شوي

فوق والله يثبت لك ويجعله من الذريه الصالحه الي تتندمين على

قولج له للاسف

حبيبتــي اول شي ,,
ليش زعلانــه وللأسف الشديد ومتضايقه لأنج حامل , بالعكس لازم تحمدين ربج على هالنعمه اللي غيرج يتمناها ومو لاقنهــا
يعني لو طلعت لج جائزه بمليووون دينار بتقولين للأسف وماتبينهــا !! لا بالعكس إلا تبينها وبتستانسين فيهــا وبتحلمين الليالي
فما بالج بضنــاج شي منج وفيج ,, يمكن متضايقه لان ولدج بعده صغير وما نال كفايته من الدلع والتربيه ,, بالعكس لما يكونون ااثنين بكون أحسن لج وللكتاكيت

الله يثبتــه لج وييســر حملج ويسهل ولادتج

وعن الافرازات لا تسكتين عن روحج حاولي في أقرب فرصـه تروحين المستشفى , مع ان الدكاتره يطمنون على قولتهم اذا نزلت افرازات بنيه فهي ما تكون خطره مثل نزول الدم اللي يكون خطير ويهدد بالإجهاض
وما عليج شــر

مثل حالتي
بدأت بافرازات بنية وبعدين تطورت لدم وردت رجعت الافرازات البنية
نوموني بالمستشفى 3 ايام وخفت الافرازات و سوو لي سونار قالوا الجنين صغير وما سمعوا النبض و سوو لي تحاليل هرونات الحمل 3 مرات وشافوا ان الهرمون في كل مرة قاعد يزيد

طلعت من المستشفى وعطوني موعد للسونار الاسبوع الجاي

والحافظ الله

دعواتكم

الحمدلله والله يثبته لك ,,

عن الافرازات البنية اذا كانت تكيفه من الافضل تروحي المستشفى ,,

بس اهم شيء انه مب دم ,,

والله يقومك ويقومنااا بسلامة يارب ...

احسن تراجعي دكتورة الافرازات البنيه انذار للاجهاض

الف مبروووك الحمل الله يتمم عليك

بصراحه انا مابي اخوفك بس انا نزل علي افراز بني بسيط ويوم راجعت المستشفى طلع مافيه نبض وانا بالاسبوع التاسع

ربنا يتمم حملك على خير ويرزقنا بالذرية الصالحة
ومثل ماقالوا البنات لازم تراجعي الطبيب لانه
في احتمال الاجهاض
الله يوفقك

انا بعد صادني لفرازات بنيه وبعدها تحولت الى دم رجعت الدكتوره قاللت لي اي تغير لازم تخبرينا ونمت في المستشفى 3 ايام وللحين ينزل الدم بين فتره وفتره الحين استخدم ابر وحبوب تثبيت

مشكورين على ردوكم
و عن كلمة للأسف الشديد انا مو زعلانه على اللي في بطني زعلانه على ولدي لانه توه صغير واي وحده تحمل على ولدها اكيد في البدايه راح تتضايق
بالعكس انا لو مو مهتمه باللي في بطني جان ما كتبت لكم هالموضوع و للاسف البيبي نزل ثاني يوم الصبح
من كتبت الموضوع وما تتوفعون شكثر تضايقت
والسبب اني كنت حامل وانا ما ادرري وصار لي شهر و نص وتوني ادري من يومين
فماتحملت في روحي عدل وكنت رايحه برجه

ادعوا لي انه ما احتاج عملية تنظيف

والله يعوضني

هلا خيوو ماعليش شر

اني بالنسبة لي نزلت عليي افرازات بنية بس البنية خيو موخطيرة قد اذا كان الدم احمررررررر لان انذار للاجهاض وان شاء الله ماعليش الا العافية بس روحي للدكتورة وبتكتب لش حبوب دفاستون واجد تمام اني اخذته هالمرة وراح يوقف شوي شوي

كل شي صلاح والله يعوض عليك

شجن الشجون;13270014:
احسن تراجعي دكتورة الافرازات البنيه انذار للاجهاض

قولي الحمد الله وربي يعوضك