مقهورة .... أهانت زوجي قدام عيوني

السلام عليكم اخواتي
ما تخيلت نفسي ادخل هذا القسم بيوم من الايام واكتب مشكلتي لكم ...لكني جدا مقهورة من موقف حصلي من يومين ... وفكرت اكتب مشكلتي لعلي احس بشوية راحة وطمأنينة من كلامكم لاني واثقة فيكم

هي ممكن تكون مشكلة بسيطة بالنسبة للبعض لكن انا قهرتني من كل قلبي وهي مشاكل تتكرر كل يوم
المشكلة باختصار انا ساكنة بمنطقة كثير مزدحمة ... ولما نطلع انا وزوجي ونرجع البيت نموت حتى نلاقي موقف نوقف سيارتنا فيه ... امس كنت انا وزوجي راجعين البيت وبدأت المعانة كالعادة وفجأة شفنا سيارة بتطلع من الموقف على طول زوجي اعطى اشارة للسيارة اللي خلفنا حتى يفهم انه بنصف سيارتنا ويستنى علينا شوي وهاي اصول القيادة اتوقع .... لكن اللي ورانا ما اعطانا فرصة واستمر يعطينا اشارات ( مع العلم انه كان قادر يتجاوز عنا ويحل الازمة ) بعدين زوجي حاول يفتح مجال اكثر واشر بايده للي ورانا انه يتفضل يطلع .... شو صار يا بنات ؟؟تجاوز اللي خلفنا بكل سهولة ووقف على مستوى زوجي واذا هي حرمة فتحت الشباك وقالت لزوجي بصوت عالي(نشاز) وقدام الناس(ليش ما تمشي يا الكل.....:-o) طبعا فهمتوا شو الاهانة شو رأيكم ؟ بدون اي مقدمات زوجي انصدم قال هذي جزاتي اني كنت محترم معاها؟قلت لزوجي خلينا نتصل بالشرطة ونلحق سيارتها والبلد فيها قانون والحق معانا زوجي قلي انا ما بسوي مشاكل مع حريم وبلع الاهانة وقهرني وقهر نفسه أكثر ( مع العلم انه هالموقف كان خلال دقائق فقط) يا بنات وين راح الصبر من الناس وين الاحترام والطامة الكبرى انها حرمة محجبة ومنقبة كمان !!!!! هي ما بتعرف انه الدين مو بس احتشام ؟الدين قبل كل شي اخلاق مو مظهر ولبس ؟تعرفوا انا طلبت من زوجي يروح وراها مو بنيتي والله الاهانة لها طبعا ( انا اخلاقي من مثل اخلاقها انا متربية ببيت محترم) كنت بس بسألها سؤال واحد ( لو كان اللي بالسيارة رجال شعره اشقر وعيونه زرقاء يعني أجنبي كانت بتتلفظ بهاي الألفاظ ) انا عارفة الاجابة لا بس كنت بسمعها هالكلمة .... ليش الاهانة لان زوجي عربي مثله مثلها عادي تتطاول عليه ؟ليش وصلنا لهالمستوى ؟اسئلة كثير تدور براسي واكثر شي آلمني ان اول مرة حد يوجه لزوجي اهانة قدام عيوني مع العلم ان زوجي اخلاقه عالية عمره ما فكر يهين حد او يأذي حد....بصراحة صعبة كثير يا بنات والله ....هاي مشكلتي اتمنى اسمع كلام يرحيني وانا قلت بيني وبين نفسي حسبي الله ونعم الوكيل فيها

وشكرا لسعة صدركم