بريااااااااااااني روووبيان عجيييييييب على كيف كيفك ,,بالصور حياكم

السلام عليكم ,,,

أمس سويت برياني روبيان المعتمد عندي على طلب صديقتي وهي طالبتنه مني من زمان واخيرا سويتها لها تستاهل فديتها :rolleyes:

طبعا نسيت اصور المقادير بس بكتبها لكم ,,

*روبيان على حسب الرغبة مقشر ومنظف جيدا
*ارز حسب الرغبة مغسول ومنظف جيدا
*بهارات صحيحة وبهارات مشكلة +ملح
*بصل مقطع جوانح
*بطاطس مقطع مكعبات
*صلصة طماطم علبة
*روب على حسب الكمية
*فلفل بارد مقطع مكعبات
*فلفل حار

نجي للطريقة
* الروبيان نفوحه بماي وهيل ومسمار صحيح وبعدها نخليه على جنب

*الارز نطبخه بماي وملح ورشة زيت ثلاث ارباع سلقة خخ وش تطلع ذي بس المهم مايصير لين :thumbs_up:

*نقلي البطاطس والبصل كل واحد لحاله ونخليهم على جنب

*نعمل الصلصة الي هي تتكون من الروب+علبة صلصة الطماطم+ثوم +بهارات مشكلة +الفلفل الحار+الملح كلهم بالخلاط الكهربائي وهذي شكلها النهائي

*في قدر نحط شوية زيت ونقلي فيه مكعبات الفلفل البارد ونقلبه على خفيف

*هني نصب الصلصة على الفلفل البارد ونخليها تطبخ 1 دقيقة

*على الصلصة نحط باقي المكونات الروبيان +البطاط المقلي والبصل ونقلب لمدة 5 دقايق

*نجي نسوي طبقات الارز في القدر (طبقة ارز +صلصة البرياني وبالنهاية طبقة ارز وفوقها نحط شوية زعفران منقوع مسبقا + شوية بصل مقلي للزينة

*بعد نص ساعة او اقل راح يكون البرياني جاهز للتقديم تفضلوا حياكم

لاتنسون تدعون لي ولبنتي ولصديقتي
ولاتنسون التقيم :rolleyes: