مشكلتي مع اهل زوجي وتدخلهم الفظيع بحياتي

مسا الخير ويعطيكي العافية
اسفة للازعاج بس حبيت اعرض مشكلتي

F:




انا متزوجة من سنتين تقريبا ومتغربة :'( زوجي عندو5 اخوان غيرو و 2 بنات
ولا واحد متزوج في 2 بدورو على عروس والباقي صغااار والبنات بسن المراهقة
زوجي متعلق بامو وبشوفها القدوة الاعلى في كل الدنيا وانا مو ضد هالشغلة وامو صغيرة بالسن تزوجت وجابت ولادها صغيرة ومعاملتها منيحة معي لولا التدخل
يعني عشان الحق معاملتها احسن من الحموات الباقي بس عندها سوسة التدخل




القصة بدت في فترة الخطبة
اخترت فستان نااااااااااااعم
عجبني كتير ليوم كتب الكتاب وصارت حماتي ام زوجي بدها تشوفو وبس شافتو قالتلي لاااا ما بدنا اياه تعالي نشوفلك فستان احلى
انا انصدمت وسكتت وما عرفت شو اجاوبها وخصوصا انو اسلوبها كان معي تدليل وتاخدني بالاحضان ولسا كنت خاطبة جديد فخجلت ارد عليها
كل عيلتنا وصاحباتي انصدمو من الفستان :'( وحكولي هاد مو ذوقك وكتير بلدي ومعجوء بس لانك انتي حلوة وجسمك حلو طلع المنظر حلو



المشكلة امو بتضل تقولو انا كتير بحب فلانة مرتك كتييييير
يعني لو حاولت اشكيلو عنها رح يقلبها عليّ انا

طبعا فترة الخطبة كانت ابشع فترة بتمر علي :thumbs_down: خطيبي مسافر واهلو بتدخلوو بكل شي
انا بدي اشوف اهلي منيح قبل ماتزوج واتغرب

واهل زوجي بس شاطرين يحكو معي تلفونات وبعزموني عندهم ومش بس ساعة وساعتين لازم اضل طول النهار لابسة وقاعدة ومترسمة
ولو اعتذرت بدهم يعرفو شو السبب بالزبط
طيب في امور خاصة عيب تحكيها الوحدة ممكن اعتذر عشان الدورة ووجعها وممكن مزاجي مو سامحلي وممكن عندي ظرف
المهم كانت تتصل ام زوجي بدها تعرف سبب الاعتذار ويااااويلي لو كنت بدي اطلع مع خواتي او صاحباتي مشوار المفروض بدل المشوار اضل قاعدة معهم لانهم على قولتهم بعشقوني وبس بدهم يضلو يشوفوني

حتى صلة رحمي وقرايبي فالاولى من زيارتهم زيارة اهل زوجي على حد قولهم يعني الطلعة من البيت بس لعندهم




ومرة عزموني باول يوم الدورة واعتذرت واتصل حماي ابو زوجي بدو يعرف السبب :confused: قال ليش ما بدك تيجي بلاش ازعل منك وسكر الخط ورجعت ام زوجي حكت قلتلها تعباااااااانة من الدورة وقالتلي مو مهم يلا شوي ومنبعت حد يجيبك
شو هالاستعباد :'( والله دكاترة الجامعة بس كانو يشوفو البنت تعبانة يعطوها مغادرة وكانو يحسو فينا وهمي غرباء
هاد مش حب هاد استعباااااااااااااد
واتصلو بخطيبي وعملولي مشاكل انه اتصلنا بخطيبتك لانو منحبها ومنحب نشوفها وهي ما بتحبنا ولا بدها تشوفنا :'( وخطيبي اخد الفكرة من اولها عملولو غسيل دماغ


******
ام زوجي تدخلت بكل شي الجهاااز كامل والغيارات الداخلية حتى
طلعت معي هي وبناتها مع انهم مراهقات

وحتى فستان العرس عملتلي مشكلة هي اللي بدها تختارو
والصالون راحت هي تشوفه وقالولي صرتي النا احنا منلبسك على ذوقنا :mad:قلتلهم هاد الحكي بتحكوه لبنت ماخدينها ما بتفهم باشي بس الحمدلله انا متعلمة و مثقفة وبنت عيلة معروووفة
بس انا ما رديت عليها ومشيت اللي بدي اياه :mad: وجبت اللي بدي اياه
وعملت مشكلة عشان اجيب اللي بدي اياه الحمدلله

ويوم العرس الكللللللل انبسط عالمكياج والفستان والكل صار يحكي شووو هاد من وين فستانها ووين عاملة مكياجها والله العظيم بدون مبالغة كل عيلتي وعيلتو صارو يسالوني حتى وانا عاللوج عن الفستان والطرحة والمكياج وفي بنات كانو ييجو عاللوج يحكولي فرق مستوى بين فستانك الخطبة والعرس :thumbs_down: والفرق كاااااااان واضح بين لبس خواتي وامي ولبس امه وخواته :badly:

ووصلني حكي انها بتحكي للناس هي اللي اختارتلي كل شي :'(:(

و مشكلة ام زوجي بنظري عندها نقص قدام عيلة زوجها لانهم ارقى منها وفي فرق بينها وبين خوات زوجها بالتعليم والمستوى
وبتحب تتدخل بكل شي عشان تفرجيهم انها هي مذوقة
ولاحظت هالشي بكتير مواقف انو اي شغلة حلوة بتسير تحكي انا اخترتها ^o)


********
كل هاد كووووم
واجازاتي كوووم تاني
بعملولي مشاكل على زياراتي لاهلي
بكون مشتااااقة لاهلي وصاحباتي ولمحلات ومطاعم معينة وهمي بس بدهم اضل معهم ومع عيلتهم 24 ساعة
وبحرضو زوجي علي
اللي جربت الغرببة بتعرف نااااااااااااااارها
فوق نار الغربة بنحرم من اهلي بالاجازات وانا بنفس البلد
اخدنا قسم في بيت اهلو واوقات كنت اتمدد الظهر
وييجو يفتحو علي الباب ويحكولي تعالي اقعدي معنا
ما في خصوصية ابداااا غير اللي فايتة طالعة تطول اغراضها وكتبها وما بعرف شو

ازا كان في ناس عندهم ودخلت على الحمام وتاخرت ييجو يطبلو على باب الحمام يلا ويلا و ليه تاركة الناس
طيب الوحدة عند اهلها بتاخد راحتها وما حد بطبلها عالحمام!!!
ازا طلعنا انا وزوجي نشم الهوا وقلتلو بدي اروح عالمطعم الفلاني مشتهية القعدة فيه بقولي طيب يلا
بعد شوي واحنا بالطريق بتتصل امه بتقولنا تعالو عاملة عشاااا وما بدنا ناكل الا لما تيجو وهاي الاكل عالطاولة منستناكم :'(
ونفس الاشي ازا رحت عند اهلي ساعة بتصلو بحجة الغدا او العشا او في ناس بدهم يسلمو علي

موقف زوجي
لانه شايف اهلووو بحبووووني وانا بدي اتهرب منهم وانزرعت هالفكرة براسو
ولما ازعل واقولو كنا متفقين نروح عالمكان الفلاني
بقولي انتي بتتهربي من اهلي وبدك تزعليهم وما بدك الاجازة تمر على خير


*****
فكرت ابطل اروح اجازات واسير اجيب اهلي
بس اكيد رح يعملولي مشاكل انهم همي اولى ييجو عند ابنهم
ااااه ياربي تعبت والله

***
بتدخلو بكل شي

بتصلو برمضان عشان يعرفو وين منروح وين منيجي
بدهم يعرفو شو منشتري للبيت
ازا شرينا قطعة اثاث جديدة بدهم نصورها من كل الجهات ونبعتها
اشترينا سيارة وبعتنا صورتها وزعلو!!! بدهم صورتها من كل الجهات والابعاد ومن جوا وبرا والمتور

بس احكي لزوجي شو هاد اللي عم بسير مش طبيعي


بحكيلي : احنا عيلة مترابطة جدا جدااا وتعودنا على الترابط بكل شي وعشان ما يحسو اهلي انهم بعاد عني بحبو اصورلهم كل شي :'(

****
يوم الصباحية حماتي بدها تعرف شو صار :confused::thumbs_down:
اجلنا الحمل لفترة لاسباب وصارت تقولي شو جوزك ما بقرب عليكي :( ما بتعرفي تلبسيلو وتزبطي حالك
^o)
******
مر علينا مناسبة وانا خاطبة ولبست لبسة ناااااعمة الكل انهبللل عليها والكل حكالي مبهجة وواضح انك مخطوبة
ام زوجي بتقولي المناسبة الجاي انا بختارلك اللبس لانو لبستك كانت كتير بشعة :confused:



حتى صار عنا وفاة بالعيلة طفل صغير
اجت عالعزا لابسة الوان غريبة عجيبة ومش مناسبة لعزا والكل فضحنا انها ماعندها ذوق والكل لهلا بحكي عنها



****

طول فترة الخطوبة والاجازات قبل منطلع اي مشوار او مناسبة لازم حماتي وبناتها يشوفو شو لابسة قبل ماطلع
بسيرو يسالوني شو لابسة وشو بدك تلبسي وهاتي نشوفو
شريت فستان لمناسبة عندهم وما قبلت افرجيهم اياه قلتلهم حلو بوقته بتشوفوه
عملولي مشكلة
وحكو لزوجي مرتك بتعاملنا متل الغرباء بدها ايانا نكون متل المعازيم اخر ناس منشوف فستانها وصارو يبكو ^o)
وامه تقولو انا مبسوطة عليها انها بنتي وهي بتعاملني هيك متل المعازيم :(

اكبر دليل انهم منافقين لو كانو حبوني عنجد كان بحسو باهلي اللي غربوني وبخلوني اروح اشوفهم واخد راحتي معهم بس هاد دليل انهم بدون احساس وانه الهدف من هالحكي كلو التدخل بحياتي

***
فكرت احكي لزوجي بدنا بيت لحالنا بالاجازات
والشرع معي والقانون بالبلد معي لو بطلب بيت شرعي حتى بالاجازات
زعل مني وقالي بدك تسلخيني عن اهلي وابوي لو ما نزلت عنده رح يغضب علي ليوم الدين
حطي ببالك كل الاجازات رح ننزل عندهم :'(
شو دخل غضب ابوه بأمر الشرع اللي ربنا راضي فيه
فعلا جهل الاهل بخرب البيوت بعملو حالهم متدينين من ناحية الغضب عالاولاد وهمي ما بعرفو انو حرام اقعد عندهم بدون رضاي وحرام يجبرني على زيارة اهلو اساسا :thumbs_down:


شو اعمل معهم كيف اخلص من تدخلاتهم وتوهيمهم لابنهم انهم بتدخلو لاني بنتهم!!حتى ابو زوجي بتدخل والله حراااام

شو اعمل بنار غربتي واشتياقي لاهلي
لسا لو صار عندي ولاد الله يستر بجوز يحبسوني انا وولادي ويحرمونا من اهلي بالاجازات
:'(

بالاجازة الاخيرة تعبت ورحت شكيت لاهلي عنهم وصارت مشاكل
وصارت حماتي تحكي لزوجي هاي مرتك لسانها طويل وما عندها سر بتوصل كل شي لاهلها
طيب انا ما وصلت اسرار زوجي!! انا وصلت تدخلاتهم همي بحياتي وحبسي عندهم!! وحكيت لاهلي


المشكلة انو في الهم قرايب من طرف الام في البلد اللي انا متغربة فيه
ومرة كنت كتير متضايقة من تلفوناتهم وصرت ابكي وفضفضت للصبايا اللي من جيلي على اللي بسير
وندمااااااااااااااانة لانهم بضلو عيلة وحدة وازا وصل الحكي لزوجي رح يقلب الدنيا لانو اهلو ملائكة بنظرو ورح يعتبرني بفضح فيهم بين عيلتهم هاي الشغلة كتير ندمانة عليها بس لانو ما في حد احكيلو وزوجي ما بقبل اي شكوى وبعتبرها مذلة

شو الحل مع اني كتبت بضع مواقف فقط!!!

F: