شصاير فيني؟؟؟

ما ادري شقولك


الله يرزقك بالوظيفة عاجلا غير اجل وييسر امور دراستك

انتي مكبره الموضوع !!

: | .....

ماعليكي الا الدعاء وان شاء الله ربي يفرجها
ولاتهملي دراستك بالعكس اهتمي فيها كثير
اعتقد راح تحسن من نفسيتك مهما كان الوقت اللي حتتخرجي ليه بس بالنهاية
شي مفيد لك
وماعليك من كلام الناس والله لو معاك دكتوراة ماكانت عجبتهم
الله يوفقك وتحصلي اللي تتمنيه

شكرا حبيبات قلبي .. والله احس بيأس عمري ما حسيت جذي ..

حبيبتي انتي تقولي انج كنتي دوم متفائله......
اوكي وين راح هالتفاؤل
اوكي شو هي هوايتج؟
شو هي طموحاتج؟
معقوله ما عندج طموحات او هوايات

من لزم الاستغفار جعل الله له من كل ضيق مخرجا و رزقه من حيث لا يحتسب

هلا خيوو .. شخبارش ؟

الله يوفقش إن شاء الله وييسر أمورش ويثبت في قلبش العزيمة والأرادة ..

إنتين ماعليش من كلام الناس والقيل والقال .. كملي دراستش وجدي على روحش هانت باقي لش سنتين من خمس سنوات .. وااجد زيين ..

ولا تفكريين انش تتركين الدراسة بدافع إنه مافيه فايدة وجذي .. لا لكل مجتهد نصيب والله مغير الاحوال ..

تركي عنش الأفكار السلبية لا تخلينها تتغلب عليش ,, تمسكي بالأرادة حتى توصليين لمبتغاش


شوفي هالعبارة حفظيها وكررييها لانه الكلام الأيجابي له دور كبير كبير في النجاح


" عندما يحمل الموج حلمكِ إلى البعيد .. تمسك بالارادة لتصل إلى ما تريد .. ""

يالله عاد تفائلي انزين درسي شو يعني لا عيال ولا شئ شدي حيلج ودرسي والله الا بتموتين قههههر في البيت من الملل والله انا والله كنت احن متى بتخرج ويوم تخرجت تحسفت ع الصداقه اللي راحت والقعده في البيت ع الاقل كانت الدراسه ما خذه وقتي لا تحبطين عمرج وروحي وداومي وربج بيسرلج امورج ان كان لج رزق في الشغل تراج بتاخذينه

غريبه جامعتكم
وانتي ليش ما استفسرتي من قبل

ما ادري شقول لج الحال من بعضه

بس الفرق اللي بيني وبينج اني كملت الجامعه بعد عناء طووويل

يمكن لاني تخرجت 2002 من المدرسة يعني قبلج وتوني الحين مكمله الجامعه

وفرص التوظيف حدث بلا حرج >>> لايوجد

تصدقين حتى اقدم في وظايف اللي مؤهلاتها بس ثانويه عامه وبعد ما يقبلوني

حبيتي السوا بسرعه تمر واهم شي الشهاده عشان تستندي عليه


نظام هارفرد انا درسته وتخرجة حمدلله هو ما صعب انتي بس تفرغي وفهمي صح وكل امورك تمشي فوق التمام

شدي حيلك هذي السنتين الي باقي وان شاء الله تعدي وتتيسر امورك وتتخرج بمرتبة الشرف

استغفري واستخيييري

عندك صحة وشباب وزواج وحياة مستقرة وتعليم جامعي راقي وبعد تدورين الناقص


اتقي الله واحمدي الله على النعم غيرك مو محصل اشكثر البنات اللي قاعدين بدون ولا دراسة ولا زواج ولا شغل,,,,,,,

او بدراسة بدون زواج

او بشغل بدون زواج


او بزواج بدون لا دراسة ولا فرصة للعمل

اختي المستقبل امامك بكره تكملين دراستك وتشتغلين فاحمدي الله على النعم وكله بيجيك بوقته

لاتكوني عجولة


دمتي

اكيد تدرسين في الجامعة المفتوحة نظامهم يلوع الجبد الله يعينج بس شدي حيلج وعلى الاقل انتي تدرسين واحسن من غيرج وحطي في بالج ان عندج اشياء وايد غيرج محرومين منها وفي ناس صج عاشو حياة صعبة بس مابعد الضيق الا الفرج ياختى والله ييسر لج كل امورج

حبيبتي ماعليج من صديقاتج ودرسي وان شاء الله راح اتكملين والصراحة انه بنت خالتي تشتغل ولايعة جبدها فانتي لا اتسبقين مراحل حياتج وكملي هل السنتين وان شاء الله بتشتغلين عقب وبتلوع جبدج وبتقولين جان زين انه في الجامعة ...