عارفين السبب؟؟؟تعالوا أقولكم

اهليـــــــن

انا دايما اسمع البنات في المنتدى بيشتكو من الحبوب اللي تظهر بعد الحلاوة او الماكينة او الحف ويحاولو يتخلصو منها

قبل كل شي لازم نعرف اسباب ظهورها عشان نقدر نتفاداها

انا زمان قرأت معلومة والى الان انا ماشية عليها..وانا دايما اشيل بالالة وماعمري شفت الحبوب اللي تقولو عليها

اقولكم السبب

لاااااازم قبل ماتشيلي اي مكان في جسمك او ووجهك سواء بالحلاوة او الالة او الخيط ( بالنسبة للوجه) لازم تتأكدي ان المكان اللي حتشيلي منه نظيف..يعني ماتكوني داهنة كريم او بودرة او زيت الخ

استحمي او اغسلي المنطقة وبعدين تشيلي على طووول.

ثاني حاجة لازم تكون الحلاوة او الالة او الخيط نظيف..يعني الحلاوة تتأكدي انك مسويتها بنفسك او احد واثقة فيه والالة تنظفيها دايما بالكحول.. والخيط يكون جديد مايكون مرمي في اي مكان.

اذا كانت بشرتك مو جدا حساسة وسويتي حلاوة وطلعت حبوب تأكدي ان الحلاوة مو نظيفة. والكلام ينطبق على الالة والخيط كمان.

ثالث واخر حاجة حاولي بعد ماتشيلي تحطي على المكان ليمون + ملح+زيت زيتون وتدهني جسمك وبعد ساعة استحمي ( هوه راح يحرق شوية اول مرة بس بعدين ماراح تحسي بألم )

واذا كان لوجهك تحطي نشا+ماء+ليمون

الفائدة منه: الشعر ماراح يطلع بسرعة..والليمون والملح راح يعقم المنطقة.

دا الكلام كله مجرب مني يعني لا قريته ولا سمعته والحمدلله مابتطلعلي حبوب مابعد الحف.

وانشالله تجربوه وتستفيدوا.

دانة