كرهت الكلام بسبب الارتباك والمشكله ماني خجوله

هلا اختي انا تماماً مثلك

اقل شي ارتبك وخاصة في الكلام ووايد كنت انحرج ويخترب يومي بسب هذي الكلمة اللي ما قلتها عدل والناس ضحكو علي او اجلس افكر الحين شنو قالو عني ....

تدرين شنو المشكلة المشكله ان لين احد كلمك على طول تفكرين انك الحين بتلخبطين في الكلام وفعلاً تلخبطين ...حتى لو كانت الكلمه سهله....

الحل:

حاولي انج تركزين في الكلام اللي بتقولينه وما تستعجلين كأنك بتقولين شي انتي حافظته وتبين تتخلصين منه قبل لا يفلت منك لا تكلمي بهدوء وتركيز وخذي وقتتتك لا تستعجلين وهذي الطريقة بتخفف كثير من الارتباك وبتحسي انك خلاص خلصتي من المشكله


واما بخصوص خطيبك انا كنت نفسك عمري ما كلمت ولد غير أخواني بس شي طبيعي في البدايه انك تخجلي منه وكلامك معاه بيكون قليل وشوي شوي تتعودين عليه واذا صار وخطأتي في أي كلمه عادي مرريها ولا تجلسي تفكري فيها...وخذيها من ناحيه الضحك والوناسه ههههههه

يعني انا مراااات اقلب الكلمه كامله سبحان الله ما ادري شلون تصير
والله لو افكر فيها اقلبها ما اقدر بس في سياق الحديث سبحان الله تصير كثير ...في البدايه كنت اتنرفز والوم نفسي اني ما اعرف اتكلم واتأتأ بس بعدين صار عادي لم سهلت الموضوع وخذته على محمل المزح والضحك