اهل ابويا شلون الفكة منهم

اهل شر اهل ابويا اقصد خواته لانو ماعندي عمام كنا ساكنين زمان بفيلا لنا نحنا بس غرفتين وهم لهم باقي الفيلا وكنا قعدتنا مع بعض وكانت جدتي حية وانتقلنا الى عمارة والشقة قبال الشقة وبحكم العادة اننا متعودين نقعد معاهم انا كنت على نياتي اروح عندهم طول اليوم بس ارجع بيتنا وقت النوم الين ماصرت في الثانوية اجيهم كل يوم بس مااطول وبعد\ين قطعت رجلي من بيتهم مااجي الااذا كانوا اخواني عندهم ازهمهم او ابغى شئ طماطم او اذا عندهم ناس وعزمونا لانهم كانوا يبهدلوني يطردوني من الشقة ولمن مااخش بيتهم يجووا يدوروا عليا عشان ادخل عندهم وكمان كل مايبغوا يخرجوا مكان ايام ماكانت جدتي عايشة يخلوني اجلس عندهم مايقولوا لبنت عمتي اجلسي عندها يجلسوني انا بنت عمتي هادي امها مطلقة واحيانا كانوا يسبوني ويسب امي واسكتلهم وكمان يتلقفوا انتوا فين رايحين ولو ماجاوبناهم يويلنا لكن لو سالناهم نحنا انتوا فين رايحين قامت الدنيا ولم تقعد هذه النقطة الين دحين موجودة اللقافة المهم عندي عمة تانية اتطلقت وجابت ولد والحين تزوجت وجابت ولد تاني ورمت ولدها عند اخواتها ماتشوفوا في الشهر مرة او 2 والمشكلة انو الولد هادا قد اختي عمره 6 سنين فيلعبوا مع بعض في بيتنا اكثر مااختي تدخل بيتهم ويجلس عندنا لمن 12 او 1 بالليل ولو قلنا انزل الوقت متاخر عندنا مدرسة ماينزل ولو نزلنا بالقوة يروح عند خالتو ويفتري علينا ويبكي اننا نحنا ضربناه وتجي خالتو وتسويلنا مشاكل مالها اول من تالي المهم كان اليوم عندنا وبنت عمتي على قدي عمرها من عمري جات الساعة 1 تاخدو امي قالتلها ترى عندنا مدارس ردت عليها بنت عمتي نزلوا احد قلكم ماتنزلوا وفاعدة تبربر بنت عمتي هادي لسانها اطول منها وولد عمتي متعلم منها ومن عماتي احيا يزعقون على اختي وهيا في بيتهم واقولها لاتسكتيلو بس هيا ماتسمع المهم المشكلة مو في دا كلو انهم قاطعين رزقنا في النقل لبيت جديد تخيلي اخويا 11 واختي 6 سنين يناموا عند امي والحمدلله عندنا خير يمدينا نشتري عمارة او فيلا لكن كل مانشوف عمارة او فيلا في الجريدة ابويا يتصل علي ويسال على المواصفات ويطلع فيها عيب عشان ما يشتري واحيانا يقول اختي فلانة ماتبغانا ننقل تقوله امي لو انت نقلت حيجوا معاك لانو ابويا اخوهم الوحيد وجدي وجدتي متوفين الله يرحمهم وهما منهم اربع 2 عماتي وواحد ولد عمتي ووحدة بنت عمتي الخلاصة كيف اقنع ابويا انو ينقلنا ومايسمع كلامهم ؟؟؟؟
وايش كمان ابغى اسالكم لمن البنت تنخطب لازم العمات يحضروا الشوفة ؟؟؟ انا عمتي الكبيرة حضرة شوفة اختي تخيلوا انا اختي انخطبت لولد خالتي ؟؟؟؟؟
تخيلوا انو عمتي تدري انها انخطبت قبل مااختي تدرى ويتاخد رايها ؟؟؟؟؟؟ظ
بالله عليكم موشئ يقهر يعني لو ماحصل نصيب اختي تتفشل المفروض مايدروا صح والالا
المهم ردوا على الموضوع بكل اسئلتو وتنسوا حكاية النقل لانو من يوم ماانخطبت اختي وهوا يقول حننقل والحين اختي حتكمل سنتين ولا نقل ولا اشترى حتى قهرررررررررر لدرجة انا ملينا وماسرنا نجيب سيرة النقل