عرايس تعالوا اسدحوا لنا يومياتكم مع عيالكم

افا بس افاااااااااااااااااا هاذي وانى جديدة

انا اول وحدة برد عليج انا يوميات عيالي مااقدر انظم الروتين مالهم لان ساكنين بالبيت عايلة وصعب اعلمهم على روتين معين بس انا عندي بنتين البكر اسمها هيا عمرها 4 سنوات واربع شهور في الروضة مستوى ثاني والثانية اسمها هيام عمرها سنتين و7 شهور انا اقعد من الصبح عشان بنتي البكر ابرزها لروحة الروضة للحين اهيه مادشت يوم الاحد بتروح والين راحت الروضة اتكون اختها نايمة وانا اذا عندي اي اشغال اسويها قبل ما تقعد من النوع وارد انام معاها واذا ماعندي شي دايركت انام معاها وبنتي تقعد ساعة 10 او ساعات ساعة 9 اذا قعدت ادخلها الحمام واريغها واخليها تلعب واطاله التي في والعب معاها واحين هاذي الايام كله تبي تلعب كمبيوتر اهيه ماتعرف لازم انا معاها وبعدين تلعب مع ابوها وجدتها وانا اقعد على النت الين ساعة 12 ونص وبعدين اروح اسوي الغدا واهيه قاعدة مع ابوها او جدتها او الخادمة واكيد بتروح على وبترد وعلى الساعة 2 نتيمع على الطاولة لتناول الغدا بتكون اكيد معانا وبس بتكون بعد الغدا بعد تلعب مع اختها واعيال خالتها وبنفس الوقت اعيال عمها لان احنا خوات متزوجين اخوان ومع بعض في بيت الماما وبس الين العصر على الساعة 4 او 5 بتجوع اسوي لهم سلطة فواكة او خضار مقطعة وساعات اتروح البرادة مع ابوها واخوانها وبعدين يتمون يلعبون الين موعد العشا ساعة 8 ويتسبحون والى الفراش واكييد اهيه ماتنام بس عشان اختها تنام للروضة وبظل العب معاها واطالع معاها قناتها المفضلة طيور الجنة وكراميش الى تنام وهاي روتين بنتي وينعاد كل يوم واكيد اليوم مايخلى من الصياح والعناد والمزاج المعفوس

مشكورة قلبو على ردج والطامة الكبرى اني مااشتغل على الاقل غيرت جووووو لان احس روحي عصبية عليهااااااا كل تصارخ ومليت من النت احس روحي وبنتي على طول طيور الجنةةة وغير هاذا بيت اهلي بعيد عني ولا نزورر احد ولا شي ولا احد يزورنا

هلا فيش أختي معكرونه...اسمحي لي أشارك وياكم

أني عن نفسي أحس يومي حافل وإذا أحط راسي عشان أنام أحس نفسي متكسره
عندي بنت في صف الأول و ولد عمره سنه وعشره اشهر..أقعد من الصبح الساعه خمس..أسبح وبعدين أجهز أكل بنتي حق المدرسه و بعدين أقعدها ألبسها وأمشط شعرها ..وبعدين البطل يقعد أغير حفاظه و أغير ثيابه..بعدين آخذهم أودي بنتي المدرسه و ولدي بيت أمي..أرجع الساعه ثلاث ونص..آخذهم من بيت أمي و أروح بيتنا أول ما أدخل أشغل الغساله وأشيل ثياب أمس من على الحبال..وبعدين أفتح شنطه بيتي واقعد معاها تحل الواجبات..أخلص وأبدأ أسوي العشى ..بعدين أعشيهم وأسبحهم وعلى الساعه ثمان أنيمهم
و أقعد أجفس الثياب وأكوي ثياب حق يوم ثاني وأكنس وأنشر الثياب ...واسبح و اقعد نص ساعه على النت وانتظر زوجي يجي اتعشى وياه و نفس القصه من أحط رآسي بنام أشوف ولدي البطل مشرفنا الحجره..وطول اليوم بوزي ما ينصك إقعد..اسكن بلا هواش....إلخ لو اللسان في عظم انكسر

يقين الروح وانتين الصادقة لو اللسان فية عظم انكسر

الله يعين الجميع