مشكلتي فضول بيت عمي !

بسم الله الرحمن الرحيم

ببدأ بالموضوع بدون مقدمات وان شاء الله احصل على حل مثيل

بصراحة تعودت من لما كنت مخطوبة وتزوجت ان ما اخبي شيء على اهل زوجي واعتبرتهم مثل اهلي لان يكسبوني بطيبة قلبهم وحنانهم خاصة العم والعم (أم واب زوجي) فتعودت على اني اخبرهم بكل ما يدور لي من احداث ومناسبات سواء لي او الى اهلي ..وصار لي سنتين متزوجة وبدات أعرف شوي شوي انهم من النوع الي يؤمن بالحســد و أن أهم أمور كثيرة ما يتكلمون عنها قدامي :-o مثلا السفر ابو خمسة ايام في الاجازة يكونون مخططين ولا أسمع الة انهم بسافرون بس قبل كم يوم ..أو ان أحد منهم حصل على وظيفة أو ترقية أو تثبيت في العمل ما اعرف الة عقب فترة ..وحتى في حملهم أعرف الخبر من زوجي ولكن هم ما يقولون لي ولا حتى يتكلمون عن شيء يخص هالسالفة قدامي ..المهم ما علينا (براحتهم قالو ما قالو) ولكـــن المشكلة انهم على الرغم ان ما يقولون قدامي اي شيء له علاقة فيهم ويقتلون نفسهم عشان بس يعرفون شيء عن أهلي أو عن حياتهم الخاصة وعن خصوصياتي ..في البداية أخوات زوجي عرفت همزتهم انهم يبون يعرفون عني وعن اهلي كل صغيرة وكبيرة وهم ما يقوولن لي بشيء عنهم انصدم واتفاجأ فأخذت عهد على نفسي ان اذا سألوني اقول لهم ما ادري أو اني اضطر اكذب :o سامحني ياربي أدري غلط بس ما ادري وش اتصرف مع فضولهم :'(..ان لما وصلت المواصيل حتى أم زوجي أسلوبها وطريقتها في الكلام في التبحث والتسأل مثل بناتها يعني لا مر ..وحاطة ابالي انها عمتي مثل امي ما احب احرجها او افشلها على شيء تافه ولكن انا بالاخير اضغط على نفسي وانقهر لان عمتي ما تخبرني بشيء عن بناتها وتبي تعرف كل شيء عني ! وأضطر انسحب من الجلسة :(
لين ما جا اليوم الي خبرت زوجي وقلت له أنا ما ابيك تقول الى اهلك اي شيء عني لان اهم حتى سوالف بسيطة انتظر يسولفون عنها لي واجلس معاهم بالساعات ولا حياة لمن تنادي ولكن احسه اتضايق من كلامي لان مهما كان فهم اهله ولكن حمدلله طلعت الي في قلبي لان ما اقدر على الكتمة :-#

طيب وش الزيدة من كل هالهذرة ((ابي من كل وحدة علاقتها مع بيت اهل زوجها اوكي تقول لي طريقة اكون فيها سياسية ودبلوماسية ..يعني اكون معاهم اجتماعية بحدود معينة ولا اعطيهم فرصة يتدخلون في شيء ما لهم دخل فيه :mad: مع العلم اني من النوع الهاديء جدا وما احب المشاكل وجبانة خخ))

تحياتي