بسم الله الرحمن الرحيم
السلام عليكم
اول شي احب اشكر وجودج بينه اهني بالمنتدى والله يعطيج العافية ويجزاج كل خير F:
ببتدي بالمشكلة على طول
المشكلة مو فيني شخصياً لكن انها مشكلة وحدة من صديقاتي اللي احترت معاها بأي شكل انصحها وقلت الجأ لج وان شاء الله ما بتقصرين وياي
هاذي صديقتي (مو متزوجة) وعندها صديقة ثانية (متزوجة) انا مالي علاقة فيها كلش يعني تكون صديقة صديقتي
المهم في الموضوع انهم ما يقدرون يستغنون عن بعض كلش يحبون بعض لدرجة الجنون والشوق واللهفة يمكن انج تستغربين هالعلاقة تكون بين بنتين بس هم نفسهم محتارين
وايد يحبون بعض كل وحدة يدق قلبها للثانية ويحسون باحساس مو طبيعي لما يحضنون بعض وعلى اللي شرحته لي انها تحس باحساس الشهوة بس عمرهم ما سوو شي غلط وهم عارفين حدود الدين ولا يمكن يسوون شي غلط وودهم يتخلصون من هالموضوع
وهذا الشي مأثر على نفسيتهم ومو قادرين يبتعدون عن بعض علشان يتجنبون هالسالفة
حاولو يبعدون عن بعض ما قدرو
وعلى كلام صديقتي تقول لما المس بس ايدها احس باحساس مو طبيعي مثل الكهربا يمكن يكون غريب ان بين بنتين وتحس انها مشتاقة لها حتى لو قاعدين ويا بعض
تقول لو بس اسمع صوتها او اتذكرها احس باحساس يسري بكل جسمي
لما كلمتني بالموضوع وكانت تصيح وتبي تتخلص من هالسالفة اقترحت عليها انهم يبتعدون بس اهي تقول انهم حاولو يبتعدون وما قدرو
اقترحت عليها تروح لطبيبة نفسية بس مو قادرة اقنعها تروح
لما تتكلم عن الموضوع اقول لها هذا شي غريب يعني لو كان هذا الاحساس تجاه ريال بيكون شي طبيعي نفس اي علاقة بين اي رجل وامرأة بس اهي حالتها غريبة بين بنت وبنت
بس اهي اكدت لي انها ما سوو شي غلط وعمرهم ما راح يسوون ان شاء الله بس هم يبون يتخلصون من هالشعور نهائياً
وتخيلي دكتورة ان صديقتها تغار مني واااايد لما تسمع اني كلمت صديقتي او رحت لها تعصب على صديقتي وتتنرفز بالبداية كنت اقول دلع بس لما صديقتي شرحت لي السالفة كلها قمت اصدق
فأتمنى انج تردين علي وتشوفين لهم حل ويعطيج الله الف عافية:)