حكة البطن في الحمل..

انا اقولج شو اتسوين في كريم في الصيدليه بزبده الكاكاو واعتقد اسمه بالمرز هذا حق الخطوط الي اتصير بالجسم وعليه صوره امراه حامل انتي جربيه وايد زين للحكه ونصيحتي لاتحكين هالمنطقه لانه بعد ماتولدين انشالله كل حكه حكتيها في هالمنطقه راح اتبين وراح تبين الخطوط كلها على بطنك فنصيحتي تجنبي الحك واشتري هالكريم راح ينفعك واااااااايد انا مجربتنه0000وبالتوفيق000:shy::smile:

هلا عزيزتي والحكة هذي بسبب ان البطن صار مشدود اكثر


حاولي دايما تخلين المنطقة مزيتة وانا نصحتني دكتورة


استخدم زيت بدل الكريمات لأن الكريمات بسرعة تنشف بعكس الزيت


مع عمل مساج خفيف ....


وبالتوفيق :smile:

ومنكم نستفيد :o

شكررررررررررا اخواتي لكم بس ايت زييت استخدم بيبي اويل؟؟؟؟

انا انصحج تبدين بالتزييت من الحين...وتستمرين لين بعد الولاده....

جربي الكريمات اللي فيها زبده الكاكاو...مثل بالمز

مسيك بالخير .. شوفي حبيبتي حتى انا هذا اول حمل لي وامي الله يجزاها خير ما خلت كريم ما جابتلي اياه .. انا ادهن بطني وصدري وزنودي والأرداف حوالي خمس مرات باليوم وذا كسلت ثلاث مرات وكل مره شي ..اهم شي المنطقه دايم تصير رطبه وعليك بالكريمات والزيوت اللوشن ما ينفع ابد ابد ابد ..
1. قبل ما اطلع من الحمام وجسمي بعده مبلول ادهن بأي زيت متوفر (بيبي اويل - زيت لوز مر او حلو - زيت جلسرين - زيت زيتون .. اللي متوفر) وبعدين البس روب الحمام ..
2. قبل ما البس ملابس ادهن بكريم زبدة الكاكاو PALMER'S والبس ملابسي ..
3. عقب الظهر ادهن بكريم من سسلي Botanical Fluid Body Caream (from sisley)
4. الشي الرابع هو جل بس ما تلاقينه على كل حال وفيه من انبولات تكسرينها وتحطينها المهم اللي موجود من شركة(LIERAC) اسمه PHYTOLASTIL GEL.. اذا لقيته خير وبركه ما لقيتيه مو مشكله ..
5. الخامس وهو زيت بخاخ من كاريتا ريحته حلوه فيه فيتمينات ينفع للوجه وللشعر وللجسم اسمه (FLUIDE DE BEAUTE 14)
6. وآخر شي قبل ما انام ادهن جسمي كله بخلطه ( كريم جيلسوليد الأحمر+ نص فنجال قهوه زيت زيتون + ليمونه +ملعقة صغيره فكس)

يمكن انا موسوسه شوي بس من بطون حريم كثير شفتها معدومه بسبة الإهمال والكسل.. والحمد الله انا في بداية الشهر الثامن مافيني ولا شق واحد .. وما احس بحكه الا نادراً واذا حست فيها مسحت على المنطقه اللي تحك بقطعة ثلج .. ترا ممكن تكفتين بشي واحد من اللي انا قلت انتي حره او حسب اللي تلاقينه بس زي ما قلتلك على قد ما تقدرين خلي هذي المناطق رطبه واذا طلعتي اي مشوار خلي اي كريم معك في الشنطه .. الله يهون علينا وعلى جميع المسلمات

ايوة حبيبتي في نقطة لازم اقوللك هيا ترى الفكس مو كويس للحمل انا هادا اللي سمعتو لانو ريحتو قوية مررررررررة فلا تستخدمي احسن....

اهم شي ما تحكين بأظافرك
قصيهم خلال هالمرحلة ويكفي انك تربتي بشويش على المنطقة بواسطة لحمة الصبع من تحت
ما اظن كثرة استخدام الكريمات والزيوت تفيد وهذي وسوسة .. لاتنسون الريال له حق هلى زوجته مب معقولة يجيها وكل يوم صاحي ونايم يشم فيها ريحة فيكس وزيت زيتون وخروع وكريمات ...

انا استخدم بالمرز بس ريحته ماعجبتني .. عند مذر كير فيه كريم بنفسجي ريحته احلى وفيه فيتامينات .. حاليا استخدمه. ومرة بالاسبوع اعمل مساع بزيت السمسم على بشرة نظيفة وواتركه ارع ساعات ثم ارجع اسبح بدون ما اغسله بالصابون ... ويعمل بالضبط نفس مفعول بيبي اويل بس طبعا فائدته اكبر.

الأخت سلامه ..
من قالك ان كثرة الأستخدام الكريمات ما تفيد .. بالعكس عندي وحده من قرايبي جابة خمسه ومشاء الله مافيها شق واحد في بطنها .. لا تقولين هذي طبيعه بشرتها لأنه من ورا الركبه وفي منطقة الأرداف عندها تشققات بسبة السمنه والنحافه ومع البلوغ .. بس الترطيب مهم مهم مهم .. خصوصاً للي عايشين في مناطق جافه او طبيعة بشرتها جافه .. وفعلا الرجال له حق انا منيب اقول الوحده تصير كنها هنديه ومروحه تتبخر وتتعطر وتحط دهن عود واذا على الفكس وزيت الزيتون بلاش منهم في الف زيت وكريم من غير ريحه .. لأنه اول انسان بتلوع كبده من منظر البطن وهي مترهله ومتششققه هي الرجال .. والوحد بتحافظ على شكلها اولاً وأخيرا علشانه .. والنا الحمد الله زوجي يدهني ويذكرني .. علشان ما تبتلش بعدين .. وترا التشقاقت اذا الواحد ما حاول ياحافظ على نفسه منها .. عمره عمره عمره لو دفع اللي وراه وقدامه ما راح تروح .. لا ليزر ولا تقشير ولا غيره ..وترا الشغله كلها تسع شهور موب تسع سنين