انا حدي مضايقه ....

عليكم السلام

بالعكس مافيها شي لو عرفت انتي في اي شهر

تبقى بمقام الوالده

ولو ماتحبج ماسالتج

خلي نفسيتك حلوه وخبريها

بتفرح لك اكيد وماراح تضرك

وعليكم السلام

حبيبتي مافيها شي تطمن عليك وعلى حفيده
الحريم الكبار يحبوا يسألوا ماله داعي تزعلي
المفروض تراعي سنها وتجاوبينها بريق حلووو

والحمل مصيرة يبان ماله داعي تخبي انتي بااي شهر والحافظ الله


مووووووفقه ياررب

نجــــد;13217654:
وعليكم السلام

حبيبتي مافيها شي تطمن عليك وعلى حفيده
الحريم الكبار يحبوا يسألوا ماله داعي تزعلي
المفروض تراعي سنها وتجاوبينها بريق حلووو

والحمل مصيرة يبان ماله داعي تخبي انتي بااي شهر والحافظ الله


مووووووفقه ياررب

أي والله صدقتي

أنا معاج في الراي

F:

نهال7;13217504:
سلاااام عليكم اخواتي العزيزات

انااا مضاااايقه حدي ليش العمات ( ام الزوج ) تبي تعرف كل شي

اليوم لااا وتسالني عيني عينك انتي في شهر والقهر عدل عدل تقول انا ما احب اسال بس

سالت ...... لوو ما تعرف تموت والله مستحيل تنام

انا ما اعرف هم ليش جذي

انا القهر قلت لها وليش ما ادري

انا ما حب هم يعرفوا انا في اي شهر ...

عادي اختي لو عرفو انتي في اي شهر حلو انه العمه تسأل احس مافيها شي اكيد تبغي تفرح بحفيدها . هي مو وحده غريبه .
خلي الامور طبيعيه والله الحافظ

السلام عليكم ،،

أختي برد عليج بس أتمنى أنج ماتزعلين او تاخذين الموضوع بحساسية ،،،

شفيها يعني لو أن أم زوجج سألت عنج أنتي بأي شهر؟؟؟؟
بالعكس المفروض تفرحين أنها تهتم فيج وجزاها الله ألف خير أنها تسأل
أهي بحسبة ومقام أمج ، وحتى لو اهي ماسألتج أنتي المفروض تكلمينها وتخبرينها عن تطورات حملج وتاخذين من خبرتها...
والحمل مو عيب ولا منكر عشان ماتحبين أحد يعرف أنتي بأي شهر

لو ماسألت عنج بعد بتزعلين وبتقولين اهي ولا هامها حملي ولاشي وبعد بتسوين مشكلة

بس للأسف بنات هالوقت يحبون شي أسمه مشكله


وأسمحي لي على ذي الرد ،، بس ذي الصج :confused:

بصراحة يختي ماني شايفة اي مشكلة احس انش حاطة براسش افكار ماليها داعي .. لاتنسين ان اللي في بطنش يكون ولد ولدها والام تفرح لما تشوف ولد ولدها في النهاية زوجش يكون ولدها اللي جابتة وربتة لما كبر وفرحت فيه لما زوجتة وشافتة معرس وتبي تفرح بشوفة ضناه شي طبيعي يختي انتي احين حامل واذا كان ولد لاتنسين انة بيطلع للدنيا وبتربينة وبيكبر وبتتمنين تشوفينة معرس وتشوفين عيالة بعد خلي نفسش بهالموقف مابتفرحين لما تدرين ان ولدش بيصير اب ويمكن بتسالين في اي شهر زوجتة احين سواء قلتين او ماقلتين ليش ماخذة الشي بسوء ظن يختي ليش ماتاخذين الشي بحسن نية انها ماسالت الا من فرحتها واهتمامها ان بعض الظن اثم واتمنى ماتزعلين والله يقومش بالسلامة

تخيليها أمك إلي اسألتك هذا السؤال هل كان بتتضايقي منها ما أعتقد يا أختي لكن أعذريني ماني شايفه شي بالموضوع ابدا بيوم بتمرين بنفس التجربه وبتحسين فيها أن شاء الله فحسي فيها وجاوبيها برحابه صدر

بصرااااااااااااااااااااااااااااااااااحه وبدون زعل
مالك حق تزعلين وتتظايقين
ترا مافيها شي لو سالت
لو امك سالتك انتي باي شهر ؟؟
بذمتك راح تتظايقين ؟؟
عاملي عمتك زي امك ترا والله العمه مافيه منها

راي من راي البنات

وبالعكس اهمامها المفروض يفرحج مايزعلج ويمكن هرمونات الحمل مخلتج اكثر حساسية ..

مرحباا


بالعكس عزيزتي
المفروض تفرحين انها تسالك
معناها انها مهتمه بموضوع حملك

والله يسهل لك
وتشوفين ولدك او بنتك بخير ...

الله يهيدج حبيبتي
انا اوافق جميع اخواتي اللي سبقوني ف الرد

اني بعد رايي من راي البنات االمفروض تفرحين بسؤالهااا

ما احس ان في داعي تضايقين وتسالين
يعني سؤال كلش عادي

نهال7;13217504:
سلاااام عليكم اخواتي العزيزات

انااا مضاااايقه حدي ليش العمات ( ام الزوج ) تبي تعرف كل شي

اليوم لااا وتسالني عيني عينك انتي في شهر والقهر عدل عدل تقول انا ما احب اسال بس

سالت ...... لوو ما تعرف تموت والله مستحيل تنام

انا ما اعرف هم ليش جذي

انا القهر قلت لها وليش ما ادري

انا ما حب هم يعرفوا انا في اي شهر ...

هلا اختي نهال.. امممم مسامحه ع ردي بس اختي احس انه كلش عادي انها تسال انتي بي شهر ومن حقج تزعلين مثلا لو اهيا تمت تسالج شجنس البيبي الي بطنج ونتي ماتبين تقولين لاحد هني من حقج تزعلين وتضايقين بس باي شهر احس عادي ومثل ماقالو الخوات انها بحسببت امج وبالعكس حلو انها تسالج بي شهر لاتزعلين مني اختي..

الغاليه مافي داعي للزعل ...
وبالعكس المفروض نفس ما انتي تحبي زوجج يعامل امج بمعامله حلوه انتي نفس الشي تعاملي امه واللي ف بطنج جزء منها فشي طبيعي انها تسأل....

ترى عادي هم جي الكبار يحبون يسألون

بعد ببتسألج ماقالو لج بنت ولا ولد

ترى عادي يحبون يتطمنون

عيل شبتسوين لو قالو لج بيسمون البيبي على كيفهم

الصراحه السالفه كلش ماتزعل
وش فيها اذا سالت مو حفيدها يعني
والله غريبه انتون يالبنات
كل شي تسويه العمة غلط
عجل لو تسالش شنو اكلتين
بتطلعين من البيت
الله يهدي الجميع