قصه خيانه زوجي الجزء 2

هلا خواتي انا قبل كنت منزلة موضوع في رمضان وهذا نصه الي بلاحمر والحين حابة اكمل لكم السالفة

F:F:انا من قبل كتبت مشكلتي بعيدها الكم وبقولكم التطورات وابي حل الله يخليكم
انا صار لي متزوجة تقريبا 3 سنوات يعني كم شهر وبكمل 3 سنوات وعندي ولد عمره سنه و 7شهور
احب زوجي وزوجي يحبني وما مقصر علي بشي ولا انا مدللته ومدلعني والي ابيه اييبه لي
اوكي
ومن كم شهر اشترا له موبايل البلاك البيري الله يلعن الساعة الي طلع فيها هلموبايل
قبل رمضان بفتره قمت من الصبح وزوجي كان فسابع نومة قلت خل انبش البلاك بيري وشفت انه ضايف بنت اللهع ياخذها من الدنيا يغازلها وتغازله وبينهم علاقة حب ومن الدردشة الي امبينهم اتضح لي انهم يكلمون بعض في الموبايل عااد شو ريلي عنده 3 موبايلات بس واحد دايما وياه في السيارة ومركب فيه سماعة اكتشفت انه يرمسها منه بس للاسف حاط لهلموبايل رمز قفل
ما تتخيلون حالتي النفسية كييف انصدمت فيه صدمة الصراحة والضيقة ما تفارقني ماعرفت كيف اتصرف اذا عرف اني نبشت موبايله بيقوم الدنيا وبيقعدها
فمره كذبت عليه قلت له اني دايما احلم حلم ويتكرر كل ليله علي وانا اخبره الحلم تميت ابكي وهو بكا وياي قلت له انه ملك او شيطان اييني وانا نايمه ويقولي انتبهي لريلج
حسيته ارتبك قلت اكيد بيتوب والمصيبة بعد فترة رجعت اشوف البلاك بيري ولا تغير شي احسه يحبها وهي تحبه
بس ريلي يحبني ويموت فيني ليش يسوي جي لييييييييييييش:'(
ابي حل عطوني طريقة الله يخليكم لاني ابا بعد العيد اتصرف بس مب عارفة كيف افتح الموضوع

سااااااااااااعدووووووووني شو الحل F:F:

تعرفون شو آخر التطورات تميت الحين اخوفه اقول له الا افسر هلحلم ابا اعرف شو تفسيره وحسيته ارتبك قالي كيف بتفسرينه قلت له فيه مواقع ومطاوعة وجي
فقلت له بطرش ايميل لشيخ يفسر الحلم وبعد كم يوم قلت له الشيخ رد علي بس ما فسر الحلم قالي بس اقول هدعاء (طبعا هذا كله تأليف عشان يحس بذنب)
والدعاء يقول اللهم اني استودعتك قلب زوجي وسمعه وبصره ولسانه وفرجه في ودائعك فاحفظها لي اللهم حببه فيني وحببني فيه اللهم اطمس علي قلب زوجي وسمعه وبصره ان لا يرى من نساء الدنيا غيري....ال آخره الدعاء طويل وحلو
المهم تم دايما يقولي كرري هدعاء ودوم يكرر ويزيد ويقولي دايما ادعي هدعاء وهو بعد يقوله احسه ندمان حتى الحين انبش الباك بيري احسه ما يسويلها سالفة تكلمه ويطنشها ع فكره اكتشفت انها عنده 3 عيال بس ماعرف مطلقة او مزوجة وهي تعرف انه ريلي عنده ياهل
المهم احسه هلفترة يحبني زياده واييب لي هدايا وجي هو من يوم يومه يموت فيني دايما يقولي انتي كل شي فيج يعجبني بس الطبخ لان شوي ما عرف اطبخ وااايد خخخخخ
بس انا مستغربة ليش يخوني وهو يحبني احس انه بس يتسلى او لعب الشيطان براسه شو رايكم السبب والا كلهم الشباب جي
والله محتارة صح اني متغصصة وايد بس من اشوفه واشوف تدليعه لي انسا السالفة