نفسيتي تعبانة ياليت تساعدوني بمشكلتي مع الالتهابات والولادات المبكرة

والله عورتين قلبي
ماعندي فكره عن الالتهابات كلش
ماليش الا لدعاء والله يشافيش ان شاء الله
وتحملين وتشوفين ولادش حوالينش
يااا ارحم الراحمين

مشكورة خيتو الفرقد الله يسمع منش

الله يرزقج بالذريه الصالحه..

حاولي تعرفين اسباب الالتهابات وتجنبيها..

:) والله يشافيج يارب من الالتهابات وتروح ولاترجع..

مشكورين خواتي احبكـ وريحانة القدس مثل ماقلتو لازم اعرف سببها بس ماعرفت شنو السبب لما اخر دكتورة رحت لها قالت لي ان السبب كثرة المضادات الحيوية هي قتلت البكتيريا النافعه عشان جذي الالتهاب يرد يرجع وعطتني بعض الادوية وبصراحة خذتها اسبوع وتركت لانة حسيت مافي فايدة ماتغير شي وحتى ماراجعت عندها للحين

مازلت انتظر ردودكم بنات اتمنى القى وحده مرت بمثل حالتي تفيدنيي

الله يشفيج أختي الغالية..
لكن إنج تركتي العلاج هذا يسمى يأس وهذا أخطر من الشعور بألم الحنين إلى طفل
أختي لا تيأسي وراجعي الدكتور بشكل متكرر لحد ما تلاقي حل لمشكلتك..
ونصيحة لج من أخت جربي تزوري مراكز الطب البديل سمعت إنه عندهم حلول لبعض المشاكل إللي عجز عنها الطب الحديث.
وأخيرا أكثري من الإستغفار والدعاء لله عزوجل والإلحاح له في طلبك بالشفاء العاجل وربك ما يرد أحد من عباده طلبه واستجار به..
أرجو أن أكون أفدتك غاليتي..

الله يرزقش حبيبتي

الله يرزقش الذرية الصالحة يارب ..

يا روحي انتي نزلت دموعي والله ياعمري قبل ما تفكري بالحمل مرة ثانية روحي للطبيبة و استشيريها قوليلها شو العمل انا فعلا اسمعت انوا الالتهابات بتتعب وقت الولادة و يصير فيها مشاكل بس الله كريم راح ايكون معاك و احنا كمان معك و بندعولك الله يرزقك بالذرية الصالحة التقيه النقية المعافاة السليمة عاجل غير اجل امين يا رب و يرزقنا معك ...

شموخ قلب مشكورة حبيبتي فعلا كلامج صحيح وانا اليوم اتصلت وخذت موعد عند الدكتورة واتمنى اني اوصل لنتيجة طيبة معاها
حبيباتي ام اتنا و ايريس 11 مشكوريت على الدعوات حبيبتي نرجس الشرق ماتقصرين من طيبة قلبج والله اهم شي الدعاء افرح لما اشوف هالدعوات الصادقة الطيبة

اختي vip lady مشكورة خيتو والله يسمع منش بالنسبة للدكاترة رحت حق دكتورة خلود الدرازي ومنى الشرقي وجوثي في ابن النفيس هذا غير المركز الصحي قبلهم واخر شي رحت ليه دكتورة كيران في ابن النفيس وعطتني كبسولات فيها بكتيريا نافعة مثل اللي تقولين عنهم بس ماعرفت استخدمهم عدل لانها قالت لي استخدمها من تحت وانتظر الموعد عشان اسئلها انتين تراجعين عندهااا؟؟؟؟

ما عندي فكرة عن الالتهاب
الله يشفيك ويرزقك بالذرية الصالحة التامه المعافاة

شجن الشجون مشكورة على الدعوة الطيبة

اختي ام الجادل حبيبتي مشكورة على ردج الحلو ويارب يتم حملج للتاسع والحمدالله ماباقي لج شي على التاسع واتعديتي مرحلة الخطر ان شااءلله شوفي حبيبتي اني باول حمل انفتح الرحم فثاني حمل قالو لي نسوي ربط عشان ممكن عنق الرحم مايتحمل بلاضافة للالتهابات وباخر حمل لي اللي هو الحمل الثاني كنت مسوية ربط بس من كملت السادس اخر يوم منة انفجر كيس الماي تبع الجنين فجأة الحمدالله رب العالمين الله مو رايد من جذي خايفة وقلقانة وافكر لاني جربت الربط ومانفع ومو عارفة شسوي ..

طيب ممكن اسالج كم سؤال الالتهابات اللي تقصدينها مهبلية وبكتيرية ؟؟ او تكرمين في البول لاني اللي عندي التهابات مهبلية يعني في النفس

وسؤالي الثاني ماوصفو لج اليوتوبار عشان الطلق؟؟ لاني قاعدة افكر في الحمل الجاي اذا الله اراد راح اخبر الطبيبة تصرف لي حبوب اليوتوبار بالرغم من انها مسحوبة من البحرين بس موجودة بالسعودية قلت اخذها وعلى مسئوليتي

الله يكون في عونج حبيبتـــي
شي صعب فعلاً ,, انزين حاولي تشربين أدويـه شعبيه ,, في محلات واجد عندنا في البحرين مال هالسوالف
وفي مره كنت رايحه المنتجات الشاميه اللي في جدحفص وكان رجال رايح وفهمت من كلامه ويه صاحب المحل انه عنده تأخير في الإنجاب وحتى كان وياه التحاليل ماله وقام صاحب المحل يقلب في الأوراق ويقرأ وش مكتوب والرجال يقول له صح صح
يعني حتى نتايج التحاليل عندهم مهمه عشان يشوفون النسب وغيره وينصحونج بالدواء المناسب

وان شــاء الله ما عليج شــر ,, والله يعوضج خير عن اللي فقدتيهم
ويرزقج بالحمل التـــام السليم والولاده الميسره بإذنــه

الله يرزقش بالذريه الصالح يارب
ويعوضش خير

مشكورة اختي جمال الزهرة على الافادة راح افكر اروح للمحل اذا مالقيت نتيجة ويا الدكتورة

انا وهو مشكورة على الدعوة الله يسمع منش

شكلة حالتي مافي منها اثنين ماشوف احد مثل حالتي رد على العموم مشكووورين كفاية دعائكم لي والله كريم ان راد لي بالذرية كن فيكون

حبيبتي قبل كل شي اتمنى انه كلامي ينوخذ على محور نقاشي وما نطلع بالموضوع الى امور دينية واي وحده راح تدخل وتحاول تغير الموضوع ماراح اناقشها لأن اللي بقوله شي موعيب ولا حرام ولا ما يجوز بالعكس بيكون اهو الوسيلة الاولى اللي كل انسان يلجا لها ... (سوري خواتي على مقدمة الرد فديتكم بس للتوضيح وبس)...
المهم شوفي حبيبتي في شغلة عندنا بالكويت ومو بس بالكويت بالخليج كله أعتقد ... شي يسمونه تابعه .... (تابعه) وسألي فيها الحريم الكبار (أم الأم = اليده) ... أكيد بتوضحها لج وبتقولج شنو يعني ...
وهذي لازم تروحين حق مطوع يقرا عليج أيات من القران او مو شرط مطوع انتي خلي دايما كل يوم سبت ويمعه حطي راديو اف ام ايات من الذكر الحكيم ... وسورة البقره
ويوم الخميس ... بخري البيت وغرفة نومج وهدومج انتي وزوجج اللي بالكبت وبيتج كله كله قبل أذان المغرب وانتي تبخرين اقري أيات هذي (الاخلاص + المعوذتين + الكرسي) = كل وحده 3 مرات ...
وأخر ثلاث أيات من سورة البقرة = 7 مرات ... وتالي تقرين هالدعاء ...
ثم دعاء (( اللهم رب الناس اذهب الباس واشف انت الشافي لا شفاء الا شفاؤك شفاء لا يغادر سقما )) =3 مرات ...
وتقرين هالأيات >>> (( هناك دعا ربه عبده زكريا قال رب هب لي من لدنك ذرية طيبه انك سميع الدعاء . وكانت امرأتي عاقرا فهب لي من لدنك وليا . يرثني ويرث من ال يعقوب واجعله رب رضيا . يا زكريا انا نبشركبغلام اسمه يحيا لم نجعله من قبل سميا . قال رب انى يكون لي غلام وكانت امرأتي عاقرا وقد بلغت من الكبر عتيا . قال كذلك قال ربي هو علي هين وقد خلقتك من قبل ولم تك شيئا . والذين يقولون ربنا هب لنا من أزواجنا وذرياتنا قرة أعين واجعلنا للمتقين إماما . رب لا تذرني فردا وانت خير الوارثين . فأستجبنا له ووهبنا له يحيي وأصلحنا له زوجه . ووهبنا له اسحاق ويعقوب نافلة وكلا جعلنا صالحين . لله ملك السموات والأرض يخلق ما يشاء يهب لمن يشاء اناثا ويهب لمن يشاء الذكور . أو يزوجهم ذكرانا واناثا . ويجعل من يشاء عقيما انه حكيم قدير ... صدق الله العظيم ...
وسورة الحديد كاملة = 1 مره
والأحسن وانتي تقرين الأيات يكون يمج ماي زمزم + عسل + وزيت سدر اذا تعرفينه ... (للعلم هالشي مو من مخي هالشي كل المشايخ والمطاوعه تسويه) ... يعني شي ديني مو خرافات
المهم بعد ماتخلصين تاكلين من العسل لأن بتكونين قاريه عليه وتشربين من الماي وتدهنين بطنج بزيت السدر ... وانشالله بتشوفين نتيجه طيبه بس الاهم خلي ايمانج بالله قوي ... وعفيه عفيه عفيه لا تقولين انج خايفه تحملين ... انتي تدرين انه يهالج يروحون منج ويكونون طيور بالجنه انشالله وبكل ياهل تعادل مسح سيئاتج ولو كانت بقدر زبد البحر ... انا لو مكانج اكيد بتضايق بس ما اخاف واحاول مره ومرتين وعشر ومليون واكيد ربي كاتبلي بكل شي الصالح حتى لو كان ضد رغبتي وارادتي
عفيه اخذي كلامي وفكري فيه بتلاقين نفسج لج قابليه ومستعده تحاولين لو مليون مره لما الله يكتبلج الرزقه انشالله ... عفيه (توعدييييييييييييننننييييي)؟؟؟؟
وشوفي حبيبتي الشغلات القتلج تقرينهم وتسوينهم لو تروحين حق شيخ أحسنلج بس انا قلت اذا ماتبين تروحين تقدرين انتي تسويلج
ونصيحه لو تغييرين مكان سكنج عشان عالأقل تتغير نفسيتج وتكونين متشجعه لليديد ...
وماراح انساج يا قلبي بنطر ردج واخر اخبارج وطمنينه اول باول
وها صج نسيت ... ترى هذا ما يغني عن روحة الطبيب لأ لازم تروحين عشان العلاج ...
ونصيحة روحي دكتور خاص وطلبي منه سونار داخلي ... لان ترى الحوامل يمكن 50% يحوشهم التهابات ترى شي عادي وله علاج بس هم روحي عشان يشوف حالتج ويطمنج ... وربي يرزقج انشالله ... واتمنى اكون أفدتج والسموحه لخواتي تدرون انكم غاليين عندي واتمنى ما اكون خرجت عن المعقول ...
(اللهم سهل ولادتي وارزقني اياه متعافي بار مطيع صالح وارزق كل طالبة الذرية بالذريه الصالحه وفرحها وبرد قلبها بلي يسعدها ويكون خيرلها اللهم اميييييييييييييين)

ربنا يشفيكى يارب امين ويرزقك اميييييييييين