شلونكم حبايب
انا عندي مشكلة مؤرقتني وشاغلة تفكيري ليل نهار ادش بصلب الموضوع على طول
عندي اخو يعتبر الاخ الاصغر في اخواني كنت اتمنى اخطب له عروس تناسبه وتليق فيه كون اخوي شاب وسيم ووظيفته مرموقه صحيح الجمال مو كل شي بس مهما كان احنا البنات نتمنى نختار لاخوانا عروس على قدر من الجمال المهم انا بصفتي مااطلع من البيت واجد ولااحتك بااحد لقيت صعوبه وانا ادور لااخوي البنت اللي تناسبه خلقا واخلاقا فقمت ابحث بمناسبات الاعراس واشوف بنات جميلات بس كانت تصادفنا عراقيل يا البنت مخطوبه او صغيرة وايد ولا مواصفاتها ماتعجب اهلي المهم انا كنت ابي اتمهل لاكن الوالد الله يطول عمره كان يلح عل امي شوفو للولد عروس وانا كنت اصبر ابوي اقوله يبه هذا زواج مو لعبه وبعدين هذا اخر اخو ماباخد له وحده حياالله المهم امي عرضت عليه كم بنت وانا صايره المتحكمه بالموضوع قلت مايناسبون اخوي مع العلم من ضمن البنات اللي عرضتهم امي كانت احد البنات بصراحه جميله ولا تنعااب بس مادري يمكن لانها سمراء هذا اللي خلاني ارفضها المهم اختي عندها حماة (( أخت زوج أختي )) جمالها عادي كانت بالبدايه عاجبتني وكنت الح ابيها لااخوي وامي مابغتها لانه مو عاجبتها لكن ماشفت نفسي الا اصر على هالبنت ابيها لااخوي الولد حطها بباله المهم قلت لاامي كلمي اهل البنت اللي هم عيال اختي واخطبيها لااخوي وامي كانت متردده حتى يوم تكلمهم كانت مرتبكه بقوووه
وبعد خطوبه اخوي يعني من خمسه شهور ليومكم هذا وانا قاعده اعض يدي ندم شلوون كانو بنات جميلات قدامي واخترت هذي لااخوي من اصحى لين انام وانا التفكير شاغل بالي ومزهقه امي المسكينه بهدرتي وحنتي شلون اخترت هذي لااخوي مع انه حتى اختي المسكينه اشارت علي ببنت ماكانت عاجبتني هالبنت واللحين يوم خطب اخوي هالبنت اللي ماكانت عاجبتني صارت تعجبني بقوه واحسها مناسبه لااخوي ارجوووكم والله ضايق خللقي وانا بين نارين خايفه انه البنت بكره لين دشت بيتنا اتهاوش معاها وتنضر بعد اختي لانها حماتها
افيدووني جزاااكم الله خيير والله وايد متضاايقه
