لو سمحتون ممكن اشوي

خيووو انتي فطمتينها عن الحليب
لازم اذا بتقطعين عنها الحفاظ وخصوصوا في الليلة لازم تكون مفطومة عن الحليب
وماتشرب حليب قبل لاتنام
وبعدين اذا نامت في الليل اتقعدنيها وتودينها الحمام
وهي يبي الليها وقت على ماتتعود انها تقول الليش
اني بعد عبادي اول ماعلمتة على الحمام كل اشوي اودية حتى لو مايقول اللين بروحة تعود يجي يقول لي
وبعدين اذا دخلت الحمام وستها حاولي اتشجعينها
يعني مثلا تقولين جدام ابوها اليوم سوتها في الحمام شاطرة وتمدحين فيها جدي الجاهل يتشجع
كنت واجد اسويها لعبود وفعلا احسة يستانس

هلا خيوه مشكوره على الرد


ايه فطمتها من ززمااااان من سنه ونص

والحين دوور الحماااام

وين باقي الامهاااااااااات ماشفت تفاعل منكم

لو مو محتاجه الى ردودكم ماكتبت اليكم

انا بنتي من عمر بنتك و من أسبوعين بديت معها ع الحمام و ماشاء الله عليها منخامس يوم تقريباخلاص فهمت الموضوع لكن ماتقولي انا لازم أذكرها بس بعد كم يوم خلاص لوحدها صارت تقولي بس انا بعد مثلك لما تنام او نطلع مشوار أخليلها الحفاظ المشكلة انها تخاف من خلسة الحمامات الي بره لأنها متعودة تسويها على القاعدة الصغيرة الي تنحط ع كرسي الحمام الله يكرمك بس بالنسبة لليل حسب ما قرأت من مواقع كثييييييييرة و حتى الأمهات انه الطفل ليس لديه قدرة التحكم بنفسه ليلا قبل ال3 سنوات او قريب منها فأجل هالكلام انا بستنى شوي عليها

الاخوات ما قصروا

و اهم شي الفطام و تصحينها من النوم تودينها الحمام و قبل النوم لازم تدخل الحمام

اختي انا بنتي تقريبا نفس عمر بننتج بس اكبر عمرها سنتين وسبع شهور علمتها من شهر 4او 5 وكان عمرها سنتين و3اشهر تقريبا وكانت اوكي ماشية معاي تمام بس مرضت وصادها اسهال وماتقدر تلحق وتلعوز المكان وايد قمت ولبستها وكنت حتى برع مالبسها بس لبستها الحفاظة وانتكست علي مرة ثانية وخليتها فترة من شهر 5 الى شهر 7 بعدين علمتها والحمد الله يوم في الحمام ويوم برع وكانت ماتقول ان تبي اتروح بس شوي شوي تعلمت واحين اوكي بس مع اللعبة لازم انا اقول لها لان تنسى واسويها على ثيابها وعن الليل انا كنت مخففة عليها كمية الماي وكانت مفطومة من الحليب من زمان وادخلها قبل ماتنام والبسها الهاف من طربال وتحتها طربال كانت اسويها اذا انا نسيت مااوديها الحمام قبل النوم ويوم ويوم والحمد الله تعلمت واوا ماتقعد من النوم الصبح او اقعدت في الليل دايركت الحمام بس صج يبيلها صبر واصرار انا يعني تقريبا وانا اعلمها صار لها خمس شهور بس متفرقة الشهور والحمد الله احين خلاص افتكيت بس لازم اتخلينها بدون حفاظ عشان اتعرف بس اذا لبستيها بتحس ان اذا سوت فيها عادي حسسيها بالبلل بتعرف وعطيها الثقة بالنفس والهدايا لها دور بعد انا صج تعبت تعب بسس في النهاية الحمد النتيجة مرضية صبري عليها اختي ولا تهاوشينها ان سوت على ثيابها اخذيها بالهداوة احسن انا اصدقين كانت بنتي اسويلي عناد اوديها الحمام اسوي نقطة واتقول خلصت وبعدين اسويلي مرتين او اكثر من مرة في ثيابها بس ابدل واغسل وترد بس صج في رمضان كنت تعبانة معاها بس المسالة يبيلها صبر وكانوا اهلي يقولون لي لبسيها الحفاظة في العيد بس انا قلتلهم لا بنتي صارت كبيرة واهيه كانت تسمع والحمد عطيتها الثقة في نفسها ومالبستها والحمد الله ما في حوادث احمد ربي واشكره ومنها صارت تمام التمام

هلا بيكم وماقصرتون

اني الحين اذا بطلع البسها الحفاضه بس على طول اسالها عن الحمام واذا قالت فيها

اوقف في اي مكان وابولها ودائما احمل ويايي ماي احتايط

الحين النهار اوكي بس قاعده احاتي اليل وشكلي اليوم مابلبسها

بجط اليها طربااال وبشوف

هلا بنات حبيت اخبركم

ترى مالبست بتي حفاضه يوم نامت

بس بولتها قبل لا تنااام والحين وديتها الحمام بعد ورجعتها ونامت