بنتي بتكمل 3 اشهر ..

3 شهور يمكن بعدها صغنونــه
يعنياني بديت أشيله من غير فراش إذا كان قاعد مو نايم ,, واذا مشوار صغير , عشان ما يتعب من القعده والحمال
خبرش بعدها صغار وما يشدون روحهم ,, بس الفراش نفســه لازم أشيله بمعداتــه يعني االلفه والخيط لازم أشيلهم في ايدي
مايصير طول الطلعه والجاهل معلق في ايدي , لازم ببطحـه شوي وبنام ,
واني واصلت ويه ولدي اللفه وبالخيط ليما كمل السادس , لانه ما يعرف ينام إلا ملفوف

وانتي وتقدريج لبنوتتج اذا تشد تشيلينـه بدون فراش طلعتج لو لأ
بس 3 شهور احسها بعدها صغنطوطــه
الله يخليها لج وتبلغين فيها عروس

ولدي شلته من الفراش بعمر3 شهور وصرت اشيل معاه اللفة لعم 8 شهور لتن كان حزتها شتا اما عن الكشخة فمن اول ما كمل الشهرين و
والبنت شلتها من الفراش بعمر 6 شهور ونفس الشي صرت اشيل معاي اللفه وين ما اروح واما عن الكشخة فمن اول ماطلعت من بطني خبرج
البنوتات غير

رأيي ان الكتكوتة للحين صغيرة خليها بالفراش افضل
و وحتى لو شلتينها عقب شهر او شهرين بعد حمليه فراشها على طول

رضا الناس غاية لا تدرك

أنا أشيل اولادي من الفراش في عمر ثلاث أشهر ونص او أربعة وطبعا أحمله وياي عشان وقت النومة احطهم عليه واللفة بعد ما يكملون ست شهور خلاص انيمهم عادي من غير ما ألفهم والكشخة أبدأ فيها من عمر الشهرين ولو أني من تجربتي اكتشفت أن أنسب عمر للكشخة أربع شهور منها الطفل مو على طول ملفوف فتبان كشخته ومنها أرتوى جسمه وتصير الملابس اضبط في القياس لأن حجم الطفل يكون كبر شوي ;)

اختي على حجم بنتك اذا بعافيه وصالبه روحهاا عادي شيليها اما اذا كانت صغنونه وجسمهاا بعدهو ماصطلب فا صبري شوي

انا عيالي صغاااار فاتقريبا 4 شهوور واللفاف الفهم لعمر 9 شهو وقت النووم
لانهم احبون القماط ......

الي اشوفه انه يشيلونهم في الرابع من اللفه
بس اني مااحب لا الف ولا احب احمل فراش فمن تطعيم الشهر الثاني اشيلهم مع انهم نتف ويترقصون مو صالبين روحهم وانتي ورايج
وبالنسبه الى الكشخه خب من البدايه اكشخهم وكل سن اليه لبسه يعني مالبس فستان بعمر ايام لا بس بجايم كشخه او بدلات قطن

على حسب حجم الطفل

انا شلته لما كمل الشهر الثالث

بس لي الحين و أنا احمل فراشه معاه

إذا كنت بطول برع .. أو كانت الطلعة بوقت نومه

توها صغنونه بدري حبيبتي

انا عن نفسي شلت بنتي بدري
ماكملت شهرين الا وانا اطلع فيها بدون فراش عادي

انا من خلصت الاربعين كشختها ولبستها فساتين بس الفها من دون تربيط ولازم الفها بشي واشيل معي لفه احتياط كمان واتوقع حلفها الين 5شهور لانو بنتي صغيرونه شوي

مشكورين حبيباتي ع الردود .. ومروركم الحلوووو ..

اني بولدي شلته من الفراش ولد شهرين وكان صغنون وحتى اول يوم لتطعيمه الدكتوره الي طعمته تقول لي المفروض احطه في الفراش اصلب لظهره .. وطبعا كنت احمل معاه الفارش واللفه لان احتاجه وقت اللي انومه فيه

اما ببنوتي الحين اشيلها من الفراش اذا هي قاعده اما اذا هي نايمه احملها بفراشها وطبعا مع اللفه ..

وطبعا الكشخه ابتدي من عمر شهر ونص واحاول البسهم اشياء ما تضايقهم ..

تسلمون لي ع مروركم الحلووووووو