التجمع الخامس لحوامل شهر (1) يناير 2011

فتافـت;13220776:
صباحكم سكر حبيباتي:o


اليوم الحمدلله انا بواجد احسن والنزيف شبه واقف بس باقي شوي بني ينزل:)


أما بالنسبة لوضعي ووضع البيبي الحمدلله بخييير وصحة وتقول الدكتورة ان الوضع صار احسن ولكن اهيه تفضل اني اجلس بالمستشفى لا تصير مضاعفات ربي لا يقول وانا بعيدة ، وتريد على الاقل ادخل اعدي نص السابع عشان لو ولدت يكون ولدي زين :)


عن سبب الالام والنزيف قالت فيه منطقة صغيرة متليفة في جدار الرحم وقد يكون احتكاك المشيمة فيها سبب انفصال مؤقت في المشيمة عشان كذا صار النزيف



الحمدلله على كل حااال ،


احبكم وايد وايد وربي والله اني لما اشوف ردودكم وكيف تسألوا عني تجيني صيييييحة:'( الله لا يحرمني منكم :032:





ههه عاد تو نجي للجزء الفني في الموضوع


حطوني فقسم الولااادة وما شاء الله كل شوي جايبين وحدة والدة وياااااااااربي انا قلبي يدق زين زين :lol:


ولكني مامقصرة ، جايبة لابتوبي معي وسماعاتي ومريييييحة عالاخر :lol:




وهاااي صورة اخذتها الفجر :adore:

*بيبي فيس*;13220942:

صباح الخير فتفوتة

والله ماتستاهلين لكن هذي أمر الله

ويارب نسمع عنج أخبار أحسن إن شاء الله

كله بأجره يافتفوت خلي صبرج وإيمانج قوي

باجر لين ولدتي وجفتي البيبي بحضنج بتنسين هذي كله :thumbs_up:

أفهم من كلامج إن الدكتورة بتخليج لنص السابع مرقدة في المستشفى؟!

يعني بتحضرين أفلام الرعب وكل يوم بتقولين لنا قصة ههههههههههههههههههه

maryoom;13221054:
هلا فتفوووووووتة صباح الياسمين
منووووووووورة
والحمد لله على سلامتج وسلامة البيبي
خخخخخخخخخخخخخ بس حلووة الصورة ;)

maryoom;13221044:
باااااااااااااااااااااااااك


هلا والله بيبي فيس صباااااااح التفاح والعنبر ودهن العود
منوووووووووووووورة وينج كل هالفترة؟؟

فتافـت;13221069:
الحمدلله حبيبتي كلها ابتلاءات :)


ههههههههههههههه شفتي كيف بس انا اساسا جايبة لابتوبي وسماعاتي مخصوووووص عشان ما احضر هالافلام والله حدددددي خااايفة


بس حضرت امس فيلمين يضحكوا هع هع


الاول اللي جنبي من اليمين هندية ، يختي نااااااااااااااامت وبنتها ماتت صياح وهي ولا حاسة بشي وكانت الممرضة تسويلي تخطيط ، وربي يمكن نص ساعه البنت تصيييييح وهي ولا حاسة وراحت لها الممرضة صحتها ههههه :lol: بداااية طيبة هع


اما الثانية اللي جنبي من اليسار كلللل ولدها يصييح وهي تصيح وياه لانها مو عارفة ترضعه ولا عارفة تسكته :'( رحمتتتتها



اييي احتمال لنص السابع تخليني هنا :worn_out:

*بيبي فيس*;13221099:

ولكم باك مابغيتي!!

بس بس ذبحتيني عطور ماقدر عليها :D

أنا كل يوم أدخل أقرى وأطلع مثل بعض الناس :mad:

maryoom;13221181:
هههههههههههههههههههههههه على طاري العطور
أمس رحت الحواج شميت عطر ون مليون النسائي ريحته حلوووووة قررت أشتريه ;)

دنيا القوي2;13221131:
بنات بنشغل عنكم شوي او برد مديري عاطني شغله مهمه او تستغرق يمكن ساعه

*بيبي فيس*;13221150:

يالله يمكن دايخة وتعبانة من الولادة وماحست فيها

بس المستشفى ليش مايخلون البيبي عندهم عشان الأم ترتاح شوي ^o)

والثانية ماعندها سالفة تصيح محد معاها يعلمها؟!

حتى النيرسات المفروض يعلمونها

بووووووه وايد بتقدرين تتحملين؟!

أنا في ولدي اللي فقدته آخر مرة ترقدت إسبوعين كأنهم شهرين

لالالالالالالاعت جبدي تعبت ونفسيتي تعبت

بس يوم رخصوني ورجعت البيت أدركت نعمة العز والدلال في المستشفى

ورجعت حق الصراخ والهواش والتعب مع اليهال :lol:

*بيبي فيس*;13221224:

كنت رايحة فلم ثري دي في الستي يوم الجمعة في الليل

حاطين وحدة ترش من هالعطور ومن بينهم عطر ون مليون النسائي

بس أنا في الحمال غالباً أكره العطور لذا ماشميته عشان ماكرهه

وأكثر عطور أستخدمها الحين بربريز الوردية ونارسيسو السودة وليالي البنفسج

محرقية من قلب;13221312:
صباح الخير :D

محرقية من قلب;13221312:
صباح الخير :D

*بيبي فيس*;13221379:

مريوم هذي سبب من الأسباب اللي تخليني أقتنع بالخاص

ماتسوى بهدلة الحكومة وعدم إهتمامهم لأن ببلاش

بنت خالي ولدت من جم يوم تعالي جوفي الرعاية والإهتمام

أول ماتولد المفروض يسحبون البيبي وعلى طول في يد طبيب الأطفال

صادف غن الدكتور تأخر بس الدكتورة شرشحتهم تشرشح صارخت صراخ

ومن يجوفون عندج زحمة وزوار ياخذون البيبي مايرضون يخافون يتأذى

ومايعطونج إياه إلا نظيف وريحته ترد الروح عشان جذي ماتحتاجين تودين معاج من أغراض البيبي إلا ثيابه ومفرشه

وكل شي من الحفاظات والمراضع وأدوات النظافة حق البيبي هم يتكفلون به ويفكونج

وحتى الأم يهتمون فيها ويسألونها شتبي تاكل وتشرب والأكل يوصلها فرش ومضبوط

واللي تطول في الطلق يدخلونها جاكوزي عشان يريحها ويساعدها في الطلق والولادة

لين بيرخصونج يوصلونج بالويل جير وشايلين البيبي لين باب السيارة

ويعطونج موعد حق فحص ثاني للبيبي عقب 3 أيام عشان يتأكدون إن كل شي تمام

تدرين بوصفار مثلاً مايبين إلا ثالث أو رابع يوم وتبتلشين وتتعذبين وإنتي موديته ويايبته

والزيارة تكون مفتوحة يعني ريلج يقدر يقعد معاج براحته أي وقت عقب مايطلعون الزوار

ووايد أشياء يتميز بها الخاص مستحيل الحكومي يعطيها حقها لمجرد إنهم ولدوج ببلاش

عسكريمة;13221397:
صباااااااااااااااح الخييير

وينكم دورتكم زين لقيتكم خخخخخخخخخخخخخ هذاك الموضوع تبند وتميت ادوركم من مكان لمكان

وكل مادخلت تجمع ماالقى اسم وحده من الي موجودين هني واعرف انه النمره غلط ههههههههههه


شخبارك وحشتووووووووني

مريوووووووووم وبيبي فيس ومنو بعد وومحرقيييه وكلكم شخباركم؟؟