تكفوووون ساعدوني وش اسوي

السلام عليكم يسعدني اني أول وحده ترد عليج اختي اول شي تعوذي من ابليس وقولي لاإله إلا الله دايما ردديها على لسانج ترى والله لها تأثير عجيب على الانسان ونفسيته وثاني شي حاولي تتواصلي مع الجيران اللي حواليكم اذا الوالد سمح لج وبعدين شي حلو دام انج تروحين لدورة تحفيظ القرآن لا تتضايقين اختي من عدم اهتمام الوالد فيج انتي عارفة زوجة الأب وعمايلها هي اللي خليته ما يفكر الا فيها وبعيالها لا تحطين في بالج عدم اهتمام الوالد فيج اعذريه دايما لأن لو فكرتي ان ابوي ما يحبني ومحد يدري عني صدقيني راح تعيشين بعزلة ووحده وراح تحسين ان الكون كله ناسيكي لا افرضي نفسج في البيت وانتي ماشاء الله عليكي واعيه وفاهمه فكري في طرق اسعاد نفسج وحاولي تكون نفسيتج دايما في القمه ولا تتأثرين باللي حولج افرضي نفسج على المجتمع مو بس على البيت وعن وقت الفراغ مثل ما قلت لج حاولي كثر ما تقدرين انج تكونين صداقات وروحي لجيرانكم او تعرفي على احد الاخوات من اللي يكونون معاج بدورة تحفيظ القرآن وخليها تكون صديقه لج وادعي رب العالمين انه يرزقج بالزوج الصالح اللي يعوضج عن كل هذا وحطي هدف في بالج .. وسامحيني عالاطاله واتمنى اني اكون افدتج

اختي الفراغ اهو الي يسبب هالمشااكل

سوي لج جدول يومي تابعي برامج مفيده والا طبخي لج طبخه

يعني صراحه لاتلومين ابوج ومرته اهم مشغولين بالعياال

صدقيني اذا اشغلتي نفسج بترتاحيين

الاخت ( واجتمعنا على خير ) ردك قمه في الروعة والله اعجبني ردك كثييييييييييير واحس اني استفدت منه وقرأته اكثر من مره فجزاك الله الف خير
الاخت ( قطريهـ ماتهابـ ) مشكوره غاليتي على النصيحه وجزاك الله الف خير
الاخت ( فوشيا ) ردك والله اعجبني كثييييير وقرأته اكثر من مره فجزاك الله الف خير
الاخوات الغاليات (واجتمعنا على خير -- قطريهـ ماتهابـ -- فوشيا )الله ييسر لكم اموركم ويحقق لكم كل ما تتمنون والحمد لله ان في ناس طيبين زيكم لان والله ردودكم من القلب الى القلب وهذا ان دل على شيء فيدل على قمة اخلاقكم ودينكم فجزاكم الله الف خير

الاخوات الغاليات ماقصرو بارك الله فيهم وانتي اختي حاولي انك ماتركزين على تصرفات ابوك واايد خاصه انه يكلم او يتكلم عن الاطفال ترى اهي شغله طبيعيه عفويه مايقصد انه ياذيك او انه يقلل من موضوعك الي تتكلمين عنه حتى وان قاطعك وتكلم عنهم شاركيه رايه اندمجي معاهم بالحياه ولاتتحسسين من شي انتي سوي لك جدول حطي هدف خطه لتعلم شغلات ماتعرفينه يمكن تعلم لغه اوربيه مثلا ابتدي بالبحث عن الاعمال اليدويه وطبقيها او ممكن مثل ماقالو الاخوات من نصايح وربي يسر امورك ويرزقك الزوج الصالح

ياهلا فيك اختي..
بصراحه من اسمك ماحبيت ارد عليك اعذريني ..لكن مبين انك حيل متشائمه
والتشائم يخلي الحياة بعيونك رماديه لالون ولاطعم ولاراحة بال
ثانيا .. خليه يتكلم عن عياله ..شايل همهم..وكلن على همه سرى
لاتنسين ان البيت بيت ابوك اولا واخيرا..
وانه مهما تكلم عنهم هذا الشيء ماراح ينقص في قدرك وقيمتك
حتى لو مهما وصل فيك الحال.. هذا ابووووووكـ
وصدقيني لو كنتي بيوم مريضه لاسمح الله ..اول من يسأل عن عياله راح يسال عنك انتي
لكن بما انك كبيره وشايله عمرك يعني مثل مانقول تعتمدي على نفسك ..وهذا سبب حرصه الزايد على الصغار.. ولايضيق صدرك ولاتهتمين .. لو تشوفين مصيبة غيرك تهون عليك مصيبتك ..الله يبعد عنا وعنك المصايب يارب ..
وانتي بنفسك تقدرين تهونين الموضوع وتقدرين تكبرينه .. انا اسفه اذا اسلوبي قاسي معك
بس بعض المواضيع يبي لها رد قوي ..عشان نصحصح ونعرف ان همومنا..ولاشي عند هموم غيرنا.. والله يسخر لك قلوب الطيبين يالغلا:)

الله يرزقج بالزوج الصالح يارب

السلام عليكم

انا عندي راي واتمنى تتقبليه بصدر رحب ..

وهو انك تتركين الوحدة وتتقربين من ابوك وزوجته وعيالهم وتكلمينهم وتلعبين معاهم ولا تتركي حاجز بينك وبينهم وتذكري بكرا راح يكونو ا اصدقاء وعون وسند لك في الدنيا عامليهم بشكل طبيعي وانسى الماضي اجلسي معاهم افطري وتغدي وتعشي وساعديها صدقيني راح تزول الحواجز وتعوذي من الشيطان قبل كل شي ..

رفع للاهمييه

طيب حبيبتي حاولي تقربي من أخواتك الصغار لاعبيهم وتسلي معاهم صدقيني حينشغل وقتك فيهم وخصوصي لو حبيتيهم وحبوك حتتغير حياتك للأحسن ان شاء الله
وكمان تقربي من زوجة أبوك خليها في صفك
يعين بدل ما تروحي غرفتك اجلسي معهم وتكلمي معهم

ربي يرزقك الزوج الصالح ويفرح قلبك

غيري اسمك يا قمر حتى تتغير نفسيتك

هلا حبيبتي

شوفي بخصوص ابوك و زوجته شي طبيعي راح يتكلمون طول الوقت عن عيالهم

بما انهم لسه صغار يعني مثلا في بيتنا طول الوقت نتكلم عن بنت اختي

و بم ان عندك و قت فرااااغ كبير حرام تضيعين عمرك و انتي لسه شباب

كملي دراستك احسن شي عند الشخص في هالزمن شهادته

و اخذي دراسات عليا صدقيني راح تنشغلين بالدراسه

و انشالله الله يرزقك بالزوج الصالح عاجلا ليس اجل

بس نصيحتي لك حاليا :- كملي دراستك او دوري لك على وظيفه

حبيبتــي كبيرها تكبر صغريهــا تصغر
من أسمج مبين انج مقفلتهــا من كل النواحي ,,
الفراغ اللي تحسين فيـه انتي بأيدج تقدرين تنهينــه , حاولي تدورين على شي تحبينــه وتمارسينـه يشغل لج وقت فراغج
لا تلومين أبوج وزوجتــه ,, صح الابن والابنـه لو مهمــا كبروا بعد يحتاجون لحب واهتمام الوالدين
بس مو معناتــه انه تبين يكون اهتمامه فيج وانتي الكبيره مثل اهتمامه بالصغار
لو عادي بالنبة لج وبالنسبة للوالد حاولي تشوفين لج وظيفة تلهيج شوي ..
اطلعي من المود اللي عايشـة فيه , زوري صديقاتج خواتج عماتج , لو في الاسبوع تسوين زيارتين
استغفري ربج هذا من وقت الفراغ ومن وسوسة ابليس

والله يرزقج بالزوج الصالــح وتتغير حياتج للأفضل ان شاء الله

في البدايه .. الله يعينج

بس الحمدلله باين ان مافي احد مأذيج مثل زوجة ابوج ... والحمـدلله

حاولي تشغلين نفسج ,, بما ان في اطفال فالبيت قعدي معاهم

يعني سوي اي شيء بعيد عن انج تكونين كل الوقت بروحج

واكيد الوقت بيضيع ومابتحسين بالملل او غيره

والله يسهــل

:f:

8o| ليش مسميه نفسك البشعه ؟؟؟
الله المستعاااااان

حبيبتي ليش ما تشتركين بنادي او دورة يعني تقضين في وقت فراغج وتقبلي مروري

ماشاءالله .. البنات ما قصروا قالوا لك كل شي زين

طيب ليش ما تزورين اخوانك واخواتك المتزوجين ؟! منها تغيرين جو .. ومنها تتواصلين معاهم .. !!!

واخوانك الصغار مالهم ذنب باللي يصير في البيت ولا تصيرين حساسة بزيادة .. شي طبيعي انهم يحرصون على الصغار أكثر لأن مسؤوليتهم كبيرة جداً .. ما راح تحسي بحجمها الا اذا كنتي أم ..!!!

الله يرزقك الزوج الصالح اللي يسعدك

:)

:thumbs_up:

&FataFeaT&;13196786:
طيب حبيبتي حاولي تقربي من أخواتك الصغار لاعبيهم وتسلي معاهم صدقيني حينشغل وقتك فيهم وخصوصي لو حبيتيهم وحبوك حتتغير حياتك للأحسن ان شاء الله
وكمان تقربي من زوجة أبوك خليها في صفك
يعين بدل ما تروحي غرفتك اجلسي معهم وتكلمي معهم

ربي يرزقك الزوج الصالح ويفرح قلبك

غيري اسمك يا قمر حتى تتغير نفسيتك

ياقلبي الدنيا ماتستاهل تزعلين عشانها
وبعدين ليه مسميه نفسك البشعه
؟؟؟؟؟؟؟؟؟؟
ربي احد خلق فهالدنيا ناس بشعين كلنا نقول الحمد لله على كل شي
عندك الصحه والفراغ نعمتان محسود عليهما ابن ادام
وانتي زعلانه
مايصير كذا
لازم تتغيرررررين انتي يتغير نظره من حولك لكي
والله تعالى يكتب لك كل خير ان شاء الله :L::L::L::L::L::L::L::L: