ساعدوني في مشكلتي مع بنتي الي تغيرت كليا ً بطريقة غريبة

أ

أم ميمي وعلاوي

عروس نشيطة

22-09-2010 | 07:38 AM

السلام عليكم ورحمة الله وبركاتة ..

كيف حالكن خواتي أمهات عروس ......؟؟

انا اليوم بكتب لكم مشكلتي مع بنتي ذات 6 سنوات انا عمري 26 سنة وصار لي 8 سنوات متزوجة وعندي ولد بعمر سنة و11 شهر .

بعد المقدمة الطويلة عني وعن قصة حياتي :pاشعر اني لم استطع ان اربي إبنتي كما يجب إبنتي من النوع المسيطر والمغرور تفهم وذكية جداً بشهادة معلماتها والآخرين ذهبت لرياض الأطفال بسن 3 سنوات تقريبا وكانت مثال الطفلة النشيطة والذكية والواعية وكان الكل وانا نشهد برجاحة عقلها كلنا نشعر بإنها اكبر من سنها حقا ً .
ذهبت إلى المدرسة هذا العام ولكني اشعر بإنها تغيرت ..!! تركيزها اصبح اقل !!! قدرتها على الحفظ اقل بكثير عن ذي قبل ..!! دائما تريد اللعب وتتحدث عن اللعب في الفسحة وتريد الذهاب للمدرسة فقط للعب تغيرت تغير جذري لا تهتم بشيء اسمه التعلم ..!
هل هذة فوبيا مدرسة مثلا ً ..؟
انا من النوع العصبي جدا ً ما ان تأتي من المدرسة حتى تنهمر عليها الأسئلة عن ماذا عطوكم اليوم ؟؟ شنو قالت المعلمة ؟؟ وشنو سويتوا ..؟ تقول لي علموني شيء بس نسيته ..!! قالوا لنا شيء بس نسيته .؟ انا اعرفه بس نسيته ؟؟ ! انا اعصابي انهارت بس لما تقول شنو سوت وفعلت في اللعب ما تنسى شيء ..!! وتعليقاتها على افعال الآخرين ما تنساها إلا فلانة سوت اليوم هلون .. إلا علانه اليوم ما تفهم إلا فلانة غبية ..!!
انا انصدمت في تصرفات بنتي طبعا ما تمالكت نفسي ابد .. وتعرفون اش صار :mad:ابي طريقة من خلالها اخليها ترجع كما كانت .. انا صرت اعايرها بذكائها ودوم اقول لها كنتي وين وصرتي وين ..؟ وهي تصيح وتبجي ..؟ تقول لي ما احب الدراسة واجد احب اللعب واجد والدراسة شوي ..؟ ! هل هذا تأثير الي راحت معاهم المدرسة ولا شلون .؟ مو عارفة يا امهات شوو صار لبنتي تغيرت كلش .؟ يا ريت لو وحدة تحاول تفهمني .؟
على فكرة انا صرت جافة معاها في التعامل وقاسية ساعدوني اخاف اضيع بنتي من خلال تصرفاتي ..
انا احس اني ضغطت عليها كثير .. بس ما ادري شنو الحل ..؟ ابي النصيحة والدعم منكم امهات حدي بضيع بنتي بإيدي ..

ا

ام جاسم ويوسف

عروس مبدعة

22-09-2010 | 07:54 AM

ام ميمي وعلاوي & نفس الحالة عندى مع ولدى حتى احيانا احس انه غبى بس اهو يفهم وحتى مدرساته يقولون عنه ذكي بس اهو ما يحط باله فى اشياء ثانية يعرف كل شى بس تقولين ليه درس يقول تعبان واحاول اعطيه وقت للراحة بس يقعد يلعب ولا هامنه شي , تعبت وياه همه اللعب بما انه اكبر من بنتج , الله يهديهم متعبينا وياهم ما يدرون هذا علشانهم .

أ

أم ميمي وعلاوي

عروس نشيطة

22-09-2010 | 08:13 AM

ام جاسم ويوسف

مشكورة ما تقصرين والله ..

حبيبتي انا تعبانه وخصوصا اني كمان ادرس بعد بالجامعة يعني كلش مخي احسه بينفجر .. ساعات اقول يمكن لأني الح عليها كثير .. ! يمكن لأني اضغط عليها .. ! فأقوي قلبي واتغاضى بس ما كو فايدة .. ما تتعظ والي يقهرني زود انها تنقهر إذا شافت وحدة اشطر منها تكرها كره العمى وتقول عن البنت غبيه وما تفهم .. بس ما تحاول انها تصير احسن منها .. تقهرني .. !
جربت انواع عديدة من الرشاوي .. يعني طريقة الوسائل جربتها معاها وإذا جمعت نقاط اكثر بتلقى الهدرية الي عدد النقاط .. بس احسها كلش بايعتها مو مهتمه ابد ..!
وهالشيء متعبني .. وخصوصا انها من 3 سنة روضة تغيرت لهلون يعني مو من الحين ..وصارت عنيفة مع اخوها الي اصغر منها ..!
انا بالصيف علمتها الاساسيات للتهيئة لها للمدرسة وكانت متقبله التعليم بس الحين ما ادري شنو فيها ..؟
ارجوكم والي يرحم والديكم .. ساعدوني بموت من القهر والاعصاب .

ز

زوجي حبيب قلبي

عروس ماسية

22-09-2010 | 08:18 AM

احس هذي المشكلة تعاني منها معظم الامهات
ما حبيت ادخل ولا ارد بس ادعي الله ان يهديها ويشرح صدرها للدراسة

أ

أم حسين2005

عروس جديدة

22-09-2010 | 08:19 AM

هلااا أم ميمي كأنش تتكلمين عني لاني عصبية للأسف:D بس نصيحه حبيبتي اذا هي أول سنة مدرسة فهذا شيء طبيعي ولاتخافين بس انتي تابعيها باستمرار وتواصلي مع معلمتها سواء كان بالتلفون او بالحضور وقت الفراغ اني ولدي حسون اللعام الفايت كان جدي ماخذ المدرسة كله لعب وكله يقول مادري ونسيت بس اني تمالكت نفسي مع اني من داخلي بركااان ههههه :mad:بس عشان لايكره الدراسة ظليت أسأله بحنية وخليته يفتح لي كل كتاب ويقول اذا سوو شيء او علموهم شيء ويتذكر شوي شوي وكان حركي حتى في الصف مجنن المدرس بحركته الزايده وماخذ الصف كل لعب وسوالف وصرت اقعد وياه وانتين بنتش لازم تتبعين وياها اسلوب الاقناع والحوار لانه ماشاء الله بنتش مثل ماتقولين ذكية وأكبر من سنها فما ينفع وياها الضرب او الصراخ بل الحوار وثم العقاب بحرمانها من اشياء تحبها اذا ماصارت اوكي...
خصوصا اذا كانت نشيطة وحركية ففي بداية الايام لازم تنبهر بالمكان الجديد وتعتبره مثل كأنه مكان ترفيه وجمعة بنات بس انتين عليش الدور انه تخلينها سييييده وتفهمينها انه هالمكان للتعليم والفسحه بس للترفيه والاكل وقولي لها انه بعدين يعطونش شهاده وتقدير واوعديها بهديه تحبها في نهاية السنة لتشجيعها كبداية وان شاء الله الله يصبرش ههه لاني عارفة شعورش كمجربة :confused:... بس ابتعدي عن التهزيء والذم والصراخ لانها بتكرهه ترى اولادنا ياختي مو نفسنا نجي بالصراخ والضرب الاول ههه الحين ماشاء الله عليهم مخهم يوزن بلد فعليش بالحكمه ولاتحرجييينها قدااام احد اهم شيء عشان لاتخسرينها خلي هذا الشيء بينش وبينها ... وراجعي وياها اول بأول عشان تعرف ان الشيء جدي ...اني ولدي كان اذا اكتب وياه الواجب يصيح يقول تعبت واستمليت وايدي تعورني وخنافري تعورني هههههه تدرين جته فتره اللعام يصيح مايبي يروح المدرسة وكانت أكره ايام حياتي شععوري باليأس كان يقتلني :sick:لان كنت خايفه انه صاير له شيء في المدرسة بس الحمد لله رجع اوكي بس قلت له كلنا كنا جدي تبغي تصير ماتعرف تقرأ كأنك أهبل لو تحب تتعلم وتصير مهندس او دكتور يقول لي لا انا ابي ااصير نجااار وانبط من داخلي هههه وفهمته ان كل شيء له وقته اللهب له وقت والدراسة لها وقت يعني يصير تاكل عشا الظهر لااا كل شيء له وقته ولازم نستفيد وشوي شوي صار أحسن والله يعينا هالسنة بعد ههههه:thumbs_up:

أ

أم ميمي وعلاوي

عروس نشيطة

22-09-2010 | 08:21 AM

مشكورة زوجة حبيب قلبي .. أدري الكل يعاني منها بس توني داخله المعاناة وخصوصا اني احس اني انا السبب .
خيتو مشكورة على الدعاء ما تقصرين ..

جزاك ِ الله خيرا

أ

أم ميمي وعلاوي

عروس نشيطة

22-09-2010 | 08:34 AM

ام حسين 2005 كأنج معي حسيت بمعانتج .. والله مأساة .. ايوه هلون ابي نصيحة انا يمكن اعرف اني لازم ما اسويها هلون اعصب واصرخ واضرب بس الشيطان شاطر .. تدرين انا إذا اسألها تبين شنو تصيرين تقول ابي اصير طباخة ..! تعالي شوفي اعصابي انتي عقب ولا ساعات تقول ابي اصير ام ..!!
انا ادري انها مستخفه على المدرسة .. وقلت لها اني انا كنت بعد مستخفة على المدرسة قلتها بحقيقة شعوري .. قلت لها انا يوم رحت المدرسة من عطوني الكتب خرفت من الفرحة ورجعت البيت اطالع الكتب وانتظر بشوق يوم ثاني عشان اروح اتعلم واشوف البنات والعب وكنت احب انافس المتفوقات عشان اصير احسن منهم . .. بس كانت تستمع مني وتقول ليي اي ماما لأني انتين تحبين الدراسة ..( معناته تبي تقول إنها تكره الدراسة ..) قصدها نغزه ليي ..
بحاول اني قد ما اقدر اني ما اهزئها ولا اصرخ عليها بس شلون .؟. صرت من اعصب اقول استغفر الله واطلع من المكان الي هي فيه واروح مكان ثاني واحاول انسى الي صار وبعد فترة ارجع لها اكلمها بهدوء عن الي صار وانه غلط وانه الصح جدي وجدي وانا اكلمها ترد تقول شيء لو تسوي شيء غلط ورد اعصب وساعات اتغاضى ولكن معظم الأحيان الشيطان شاطر .. على فكرة انا بنتي قبل ما تروح المدرسة حسيت انها محسودة لأن دوم يقولون بنتج ذكية وشاطرة مو مثل اولادنا بنتج عليها عقل ما شاء الله وبنتك فنانة وتعرف كل شيء .. وياريت اولادنا مثلها وانا يا غافلين ليكم الله وما ادري انهم حسدوها حسبي الله عليهم ..
على العموم ام حسين 2005 .. الله يقويش ويساعدج في مهمتج وهي تربية اولادنا الي ما ادري اشلون اتافهم معاهم .. انا مع اولاد الآخرين اتفاهم بصورة طبيعية وسهلة ويحبوني ويحترموني ويتقبلون نصيحتي بس بنتي لا ما ادري ليش ما اقدر عليها ..!!

مشكورة خيتو الله يعطيش العافية ما تقصرين

أ

أم مرااام

عروس ماسية

22-09-2010 | 08:39 AM

الله يسااعدج أختي

بس انتين غيري تصرفااتج و معااملتج اليهاا و خلج حنوونة معاهاا

و ابعدي كثر ماا تقدرين عن العصبية

و اقرأي عليهاا المعوذاات و آية الكرسي كل يووم مرة الصبح و مرة المغرب

و شجعيهاا ع طوول و طوولي باالج عليهاا و ان شااء الله بتتغير

و بالتوووفيق ان شااء الله

أ

أم حسين2005

عروس جديدة

22-09-2010 | 08:53 AM

خيوووو حاولي ماتقولين كل شي لغيرش لاتقولين انها شاطرة وذكية ومادري شنو على قولت المصريين (( داري على شمعتك تقيد)) ههههه يعني وش اقول لش صعبين البنات ههه اني بنتي في الروضة توها ومجننتني متفلسفة وتتحكم واتوقع نفس شخصية ميمي ومخوفتني على قولت ابوهاا يقول هذي اللي بتجننش وبتشيبش ههههه

أ

أم ميمي وعلاوي

عروس نشيطة

22-09-2010 | 11:51 AM

حتى لو انا ما قلت هم يشوفون وخصوصا هم اقارب يعني شلون ؟

اختي ام مرام
عزيزتي قلت لك انا حاولت اغير من طبعي وتصرفاتي معاها بس عمدا ترجعني لحالتي الجنونية وإن شاء الله انا اقرء المعوذات عليها اثناء النوم بس بقرء عليها بالصبح وما تقصرين خيو مشكورة على نصيحتك وبجرب اصير حنونه وما اتأثر بالي تسويه .. وحنشوف

وينكم امهات عروس تعالوا هنا ساعدوني ارجوكم

أ

أم ميمي وعلاوي

عروس نشيطة

22-09-2010 | 12:45 PM

up

امهات عروس وينكم .؟

ي

يقين الروح

عروس نشيطة

22-09-2010 | 01:27 PM

أم ميمي..هدي أعصابش و طولي بالش عليها قد ما تقدرين ..الله يهديها ويهدي أولادنا اجمعين..
انتين في عمري و أولادش بعد في اعمار اولادي بالضبط..
لو بعد بتلاحظين فرق السن اللي بين بنتش و ولدش بتشوفين انه يلعب دور ، هي تعودت ان الاهتمام يكون كله منصب عليها بروحها لمدة خمس سنوات تقريبا و بعدين مرة وحده يجي من يقاسمها الاهتمام تغار حتى لو ما عبرت عن هذا الشيء..فتتأثر نفسيتها وبالتالي سلوكياتها..أني لاحظت على بنتي جدي كانت قبل واااجد احسن بس من جبت اخوها تغيرت بس أني دايما لما تعاندني البدايه كنت اعصب واحس اني ابغي اطيح فيها ضرب لكن بعدين فكرت قلت ما بأستفيد من ضربها شي..قمت من تعاندي اقول لها ماما هذا الشيطان يقص عليش يخليش ما تطاوعيني لانه ما يبغيني أرضى عليش و اذا ما رضيت عليش ما بيرضى الله عنش و ما بتروحين الجنه ..قولي أستغفر الله وعانديه..وعن جد جابت شوي نتيجه...احنا وقت العصبية ما نقدر نفكر صح بس لما تهدين شوي فكري عدل شوفي مثلا شنو الأشياء اللي تحبها و إهديها وياها..وأبسط الأشياء الزينه اذا سوتها إشكريها وأطري عليها بشده ...وحاولي تخصصين لو وقت بسيط إلعبي معاها فيه....وااااجد تكلمت مو؟؟:)

أ

أم ميمي وعلاوي

عروس نشيطة

22-09-2010 | 02:03 PM

حبيبتي يقين الروح ..
إن شاء الله اقدر اهدء اعصابي (( الظاهر انا الي يبي لي وسيلة للنقاط كلما اعصب ما يطلعوني من البيت بالإجازة هع هع )) ,,
ايوة نعم ادري ان من جبت اخوها وهي تغيرت واعرف السبب بس انا خيو مو مقصرة معها في شيء ابد تشجيع ودلع ودلال ونفس ما تقولين انا اقول ليها ابليس يوسوس ليش نفس الكلام بالضبط .. وتقول هي استغفر الله وتصيح وتقول ما احب الشيطان .. ما ابي اطاوعه .. واشكرها .. انا تدرين اكلمها مثل صديقتي حتى اسراري عندها .. يعني اسولف معاها على اساس انها كبيرة لأنها هي تبي جدي من يوم هي صغيرة .. يعني انا اصلا قريبة منها كثير .. بس ما ادري ليش هي جدي حتى هي تقول ماما انا اعرف بس انسى وخصوصا من فتحت المدرسة ..
من شوي رجعت من المدرسة وكلمتها بهدوء وحنيه وخبرتني اشياء واجد وانا مستانسه اني شفتها متونسه وشجعتها مع انها قالت عطونا بلأنجلينزي اشياء نسيتها .. قلت لها ماعليه ركزي وبتعرفين .. قالت لي والله ماما انا كنت ارددها في الحصه ما ادري ليش نسيتها الحين قلت لها ما عليه عفيه عليش وكافئتها والحين الجو مستتب .. شوفي انا تعاملت معها بحكمه مو بعصبيه وخصوصا انكم هدءتوا اعصابي قبل .. مشكورين ما قصرتوا الله يعطيكم العافية .

مشكورة حبيبتي يقين الروح ..

امهات ساعدوني بأي شيء اي برنامج يومي اقدر استخدمه لبنتي لاستقبال يوم دراسي .. انا ما اعرف شلون اتعامل معها واطول بالي وخصوصا إذا بدت تتحجج مشكلتي عصبية وما استحمل شيء .. شلون اتعامل معاها ابد ما اعرف .. نصحوني ارجوكم .

ي

يقين الروح

عروس نشيطة

22-09-2010 | 02:31 PM

أم ميمي وعلاوي;13187514:

من شوي رجعت من المدرسة وكلمتها بهدوء وحنيه وخبرتني اشياء واجد وانا مستانسه اني شفتها متونسه وشجعتها مع انها قالت عطونا بلأنجلينزي اشياء نسيتها .. قلت لها ماعليه ركزي وبتعرفين .. قالت لي والله ماما انا كنت ارددها في الحصه ما ادري ليش نسيتها الحين قلت لها ما عليه عفيه عليش وكافئتها والحين الجو مستتب .. شوفي انا تعاملت معها بحكمه مو بعصبيه وخصوصا انكم هدءتوا اعصابي قبل .. مشكورين ما قصرتوا الله يعطيكم العافية .

وااااجد زين...الله يهديها ويخليها لش انشاء الله وتفرحين فيها...وانشاء الله ما انسمع منش إلا الأخبار الحلوه

أ

أم ياسين العسل

مشرفة سابقة

22-09-2010 | 06:53 PM

غلط غلط غلط اسلوبك غلط

بنتك عايزه تلعب لانك مش تديها اى وقت للعب

انتى المفروض تعوديه وتقولي لها

احنا هنلعب 10 دقائق مثلا ونزاكر سااعه

نخلص كل واجبنا ونرجع نلعب تانى

ولازم تشاركيها اللعب والدراسه

واوعى تعايريها ابدا وتقوليلها كنتى وكنتى لانك كدا بتعقديها نفسيا

هى طفله ممكن متكونش فاهماكى

ببساطه عايزه تعرفى ايه حصل فى المدرسه او ايه هى الواجبات

اطلبى من مدرساتها انها تكتبلك فى الكراسه بتاعتها كل شيئ

وماتتعبى اعصاب البنت حرام عليكى بتعقديها

كمان خلى فى جائوه مستمره

يعنى تقوليلها الصبح قبل المدرسه

لو ذهبتى للمدرسه ورجعتى عارفه كل شيئ المدرسه قالته لك هعطيكى جايزه كبيييييره او هجيبلك اللعبه اللى طلبتيها او اى شيئ حسب ما تحب

فا هتركز اوى عشان الجايزه

ممكن من اول مره لا تجيب نتيجه بس مع التكرار هتلاقيها بتجيب نتايحج هاااايله

وقوليلها لو نسيت خلاص بشيل الجايزه لبكره

لو افتكرتى بكره هديهالك

وتخلى الجايزه فى متناول نظرها

يعنى عندك فى غرفتك او فى الصاله بس تشوفها علطول عشان يبقى عندها حااااااافز

وبعدين لازم تهتمى باكلها ...شوفى المأكولات التى تزيد التركيز والذكاء واعطيهالها

وكمان حاولى تخليها تحب المدرسه والدراسه

واى استفسار انا حاضره

أ

أم ميمي وعلاوي

عروس نشيطة

22-09-2010 | 10:57 PM

أم ياسين العسل والقمر .. مشكورة خيو ..

انا العب معها ومع اخوها واحيانا اخصص وقت لها لحالها والعب معاها او ادرسها لحالها يعني انيم الولد الصغير عشان اتفرغ كليا لها .. اعمل نشاطات كثير معاها من قراءة قصص إلى مشاهدة تلفزيون إلى حمام خارجي ( يعني بالبيت بس مو بالحمام وانتوا بكرامه بل في بركة صغيرة ) الى اللعب بألعاب الفيديو او البحث في النت
الذهاب في نزهات للبحر او للحديقة او التسوق او زيارة اصدقائها والاهل .
يعني الله يسلمك انا اعطيها الي تحتاجه وانا معاها بكل خطوة .. انا اقول لك تغيرت وصارت تنسى من راحت المدرسة .. وهالشيء مخلني اجن .. ! حتى هي تقول في نفسها ماما صرت انسى من دخلت المدرسة ما ادري ليش ..؟ انا ادري اني اعصب عليها إذا غلطت بس انا اقول لك احس انها محسودة ...!!!!
انا ادري ان العصبية والمعايرة غلط بس ما اعرف اتصرف معاها بشكل صحيح .. الهدية اعدها وافي بوعدي دائما ً .. للعلم إذا وعدتها بهدية ولم تحقق ما طلبته منها تقول مش مهم ..!!؟؟ يعني ما تهتم بالهدية ابد !!
هي دوم تبي تحتك بأطفال آخرين وتتحكم فيهم وتسيطر عليهم .. وان تعبانه من تصرفها هذا .. مشكلتها إذا جلست مع الآخرين تأخذ دائما منهم الجانب السلبي وليس الإجابي هذا يقهرني بزوده ..!
اما عن الأكل من صغرها ما تحب تاكل الا بس الي تبيه وتشتهيه ومستحيل اجبرها على أكل شيء هي مو مقتنعه فيه ابد ابد .
ولكن الحمد لله على كل حال .

انا ابي شلون احببها في الدراسة .. هذا هو المهم ..ومشكورة حبيبتي اوي اوي لنصايح وباين عليك ام مربية ومثالية :)

ب

بسمة أطفالي

عروس ماسية

22-09-2010 | 11:12 PM

الله يهديها ووفقها يارب

وبغيت اطمنش هذي حالة تصيد كثير من الاطفال وصادتها اللعام اول كورس ليها مدرسة تعبت نفسي داااااون حتى في الشغل ماليي خلق احد
مزاجي دايما متعكر ومستغربة منها ذكية وشاطرة ليش مرة وحدة انتكست !!!!

صارت ماتركز وماتحب تتعلم اصلا وكل تذم في مدرستهم وتقول نقلوني !!!

والاخس واادهى تضرب البناااااااااااااااااااااااااااااااااات

شديت وياها اشوي على سالفة ضربها للبنات في نفس الوقت هدات وياها على سالفة التدريس
اشوي اشوي الحمد لله الفصل الثاني ماشاء الله وااااااااااجد اتحسنت وجابت مممتاز

والله يستر منها السنة

أ

أم ميمي وعلاوي

عروس نشيطة

22-09-2010 | 11:23 PM

اهلين بسمة اطفالي

حبيبتي الحمد لله انا بنتي تركز مع مدرستها ومدرستها تمدحها كثير ومريحة مدرستها بحيث تعلم الطالبات الباقيات بنتي تسيطر وتتحكم بس ما تضرب الغير ابدا ً .
انا اقول لك لما تجي البيت تقول لي نسيت ما اذكر ..؟ معلمتها تقول لي بالعكس هي اشطر وحدة بالصف .. تقول بنتج مريحتني للآخر .. انا اقول لج لما تجي البيت واسألها مثلا وخصوصا في الأنجلينزي .. تقول لي اعرفه ماما بس نسيت ..! يمكن انا مو عارفه شلون اتعامل معها على فكرة معلمة الأنجلينزي ما اعرفها وهي غير عن معلمتها لباقي المواد .. انا ما اقدر اضبط اعصابي معها وخصوصا إذا سوت شيء غلط .. وانا ادري انها تعرف الصح فاهمتني .؟
ابي طريقة في شلون اتعامل مع بنتي لما تجي من المدرسة وعندها واجبات .. شلون اتعامل معها .. نصحوني ارجوكم جزاكم الله كل خير

أ

أم حواري

عروس رائعة

23-09-2010 | 02:28 AM

الله يهديهااا يااارب وتفرحين فيهاااا

أ

أم ميمي وعلاوي

عروس نشيطة

23-09-2010 | 11:03 AM

مشكورة حبيبتي أم حواري على الدعاء

شاكرة لج مشاركتك ِ