مشكلة ولدي ويه الروضة

اختي مواليد2007 مستوى اول

اشوي شوي ان شاء بيتعود كلهم جذي مساكين خصوصا لنتف اللي قد ولدش

مشكورة أختي شرووق بس ماادري كل احاتي حتى زوجي يقول لي اذا خايفة وكل بتحاتين بس مابنوديه ولاني عارفة وش اسوي

شي طبيعي في بداية الايام بيخاف بس شوووي شوووي بيتعود واذا شفتين ما تعووود مو لازم تودينه حرام بعده صغير والله يهديه ان شاء الله

اي صدق مو لازم تودينه بعده صغير الا اذا انتين تشتغلين بعدين الاطفال يتمللون خلهم يرتاحون وينامون نومة الصبح بهنا لاحق على قومة الصبح ولصياح خخ بس انتين دايما علميه الوان مثلا جيبي ليه كور ملونين وخليه يجيب لج لون معين ومرة بالعربي ومرة بالا نجليزي ومرة العد مرة تلوين وهكذا

بنت اخوي مثله 2007 بس شهر واحد دخلناها مستوى ثاني

قبل ماتروح هي اللي تحن تبي تروح الروضة ولما دخلناها صارت شيطونة اكثر من اول ؟؟ مادري تشوف شطانتهم اهناك وتجي تطبق علينا .. بنتي اللي ماكلتنها توها 11 شهر حتى سنة ماكملت وكله تضربها :(

باختصار خيتي اذا ما كان من خاطره يبغي يروح جان ما سجلتينه

بس بعد انتي روحي وياه راويه الالعاب وراويه الباص هم يستانسون على جذي

وان شاء الله يرضى..

فمان الله.

اختي انا معلمه في رياض الاطفال
لازم في البدايه يصير صعب عليهم وخصوصا الا متعلق بالماما
يبغى اليهم الاطفال اسبوع اسبوع وشوي ويتعودوا على المكان والوضع
جربيه اسبوع بس حاولي انك ماتجلسي معاه خلك بعيد حتى لو صارخ المعلمه هي تعرف تتصرف
وتهدئه
واذا ماتعود خلال اسبوع طلعيه لاتضغطي عليه

مشكورين كل من رد عليي وانا قلت يمكن اخليه جم يوم اذا مارضى يتقبل الروضة مابوديه

سنتين في الروضة زين
الله يهديه

اي افضل لج خيه ..

خيوووو موالد ولدش قد ولدي ويكون مستوى اول
وسالفة الصياح كلش طبيعي وعاادي
ولا تنزلين لرغبتة وتخلينة مايروح
بعدين حتى لو السنة الجياة وديتنه بعد مثل الشي بيقعد يصيح وتالي بيفكرش بتردين اطلعينة
فسالفة الصياح لا تخافني منها كلش طبيعية
بس يبة لة وقت يتعود
بكرة بيشوف اللعب ويا الجهال
والانشطة الي هناك يعططونة من اللوان وطين وهالسوالف بيستانس
بس صبري علية اشوي

عسل الشهد;13164493:
بنت اخوي مثله 2007 بس شهر واحد دخلناها مستوى ثاني

قبل ماتروح هي اللي تحن تبي تروح الروضة ولما دخلناها صارت شيطونة اكثر من اول ؟؟ مادري تشوف شطانتهم اهناك وتجي تطبق علينا .. بنتي اللي ماكلتنها توها 11 شهر حتى سنة ماكملت وكله تضربها :(

باختصار خيتي اذا ما كان من خاطره يبغي يروح جان ما سجلتينه

بس بعد انتي روحي وياه راويه الالعاب وراويه الباص هم يستانسون على جذي

وان شاء الله يرضى..

فمان الله.

انا بنتي نفس مواليد ولدك من اقعدها الصبح صياح ماابي اروح الروضة اوديها بالغصب .

هلااااا أمهات،،،،،

أني بعد بتي مواليد 2007 شهر 9 وهي متعلقة فيي واجد وخوافة حدها
إذا أقول ليها بسجلش في الروضة ما ترضى تقول ما بروح
اني ما أبغي أوديها مستوى أول أبغي أوديها من مستوى ثاني بس زوجي مو راضي مصر أن أوديها ألحين

فقلت بسجلها الكورس الثاني وبنحاول وياها

الله يكون في العون

لاحقين توه صغير اني من تجربتي مع بنتي وديتها مستوى اول وكانت مستانسة وفرحانة وعاجبها الوضع جدا وتعلقت بمدرستها والمدرسة كمان

بس لانها صغيرة كانت مناعتها ضعيفة وبسرعة تمرض وكانت شاطرة كتير ..بس بعدين هي كرهت الروضة في مستوى 2 ومارضت تروح نهائيا واني رضخت

وخليتها بس قمت اعلمها ومستوى 3 الحمد لله رجعت الروضة وكانت تتضايق تروح بس لما ترجع تكون مستانسة

اذا انتي ما تشتغلين لا تودينه لان راح يتملل ثلاث سنوات واجد صراحة على الاطفال
ثلاث سنوات هو العمر الامثل لانفصال الطفل عن امه والتحاقه بالرياض
خله بعد يستانس بطفولته بالقرب منك وراح يشبع وانشاالله بتشوفينه يكبر شوي ويتقبل روحة الروضة

ولدش من مواليد ولدي ونفس الشهر بعد..

وكان كلللللش متحمس للروضة وزاد حماسة يوم شاف الشنطة واغراضه

وامس كان اول يوم دوام كان حده مستانس وعنده حماس قوي..

وركب الباص اوكي.. من دخل الروضة وشاف انه اخته في صف وهو في صف لانه اخته مستوى ثاني

قام يصييييييييح وبالغصب سكت..

واليوم حتى مارضى اقعده ولا اغسلة ولا البسه الا يوم روحي طلعت..

وركب الباص وهو يتعفرت..

اتصلت في معلمته.. قالت ليي هذا شي طبيعي ف البداية..

اطفال واجد تحصل ليهم بس بعدين يتأقلمون.. ولاتحاتينه ووووو

واليوم احسه رجع مستانس اكثر من امس..

بس ادري انه كل يوم الصبح قبل لايروح لازم بيصييييييح...

والله يهديه ويهدي ولدش والعيال كلهم..