وجبات اطفالنا بالصور.. متجدد

من الاخت احلى شوق (رز بالخضار)
حبيت انزل الصور والطريقة عشان تستفيد منها الأمهات ولو كان مر عليها وقت

الطبق عبارة عن رز بالخضار ويصلح من عمر 8 شهور وفوق

المقادير:

ملعقة زبدة

نصف جزرة مبشورة

عودين بصل أخضر

بقدونس مفروم

ملعقتين أكل من حبات الذرة

بيضة مقلية

رز مطبوخ مسبقاً








الطريقة:

بعد تسخين الزبدة يضاف البصل ويحرك قليلا حتى يذبل




نضيف الجزر على البصل ونتركه لبضعة دقائق حتى يبدأ بالذبول



نضيف الذرة على البصل والجزر ونتركه قليلا على نار هادئة



ثم نضيف البقدونس



نغطي القدر أو المقلاة قليلاً وفي هذه الأثناء نقلي البيضة بقليل من الزبدة



وبعد استواء البيض جيدا نضيفه على كل المقادير



وبعدها نضيف الرز ونخلط المقادير جيداً



ويصبح لدينا الطبق بهذه الصورة



وهذه صورة مقربة تبين مقادير الطبق وصورته من قرب



وبعد تجهيزه بهذه الصورة يترك على نار هادئة جداً لمدة ربع ساعة تقريباً ويصبح بهذا الشكل وقدر اكتسب الرز لون وطعم الخضار وبالأخص الجزر




ملاحظة : بالإمكان إضافة القليل من الملح ورشت بهار خفيفة فقط لتحسين الطعم كما ويمكن استبدال الزبدة بزيت الزيتون او اي زيت آخر على حسب رغبة الأم

F:F:F:F:F:F:F:F:F:F:F:

من الاخت ربيعيه (رز مع روب+ومهلبيه)
كنت مستعجله فسويت له رز ابيض ونخليه يصير ليييييين مره مع روب قليل الدسم








وفي الليل عملت له مهلبيه كاسترد


ملعقه كاسترد





مع حليب الطفل ملعقه






مع كوب كبير ماي وللتحليه بدل السكر اضفت سكر نبات وهاي صورته وطبعا اذا كان طفلك اقل من 8 اشهر الافضل سكر نبات او تحليه بالتمر منزوع النواه لكن اذا قبل جربتي مع ولدك اسكر وما اثر عليه عاذي





وبعدين نخليه على النار ونحركه باستمرار لين يصير ثخين غليظ







وهاي شكله النهائي






F:F:F:F:F:F:F:F:F:F:F:F:F:F:


من الاخت اكبر قلب
شجعتني ربيعية قمت اخترعت الى بنتي اكلة طبخت اول شي الشوفان واليقطين والبطاطا الحلوة وبعدها خلطتهم في الخلاط مع ملعقة حليب اطفال واضفت لهم قطعة بسكويت فارليز وصارت لذيذة بغيت اكلها عن بنتي وهذا شكلها النهائي..........


F:F:F:F:F:F:F:F:F:F:

من الاخت ربيعيه
مكونه من بطاطا مسلوقه وجبنه وحليب الطفل





وهني البطاطا مسلوقه








وبعد ماصار الطبق جاهز




F:F:F:F:F:F:F:F:F:

من الاخت دريم ويب

انا بعد عندي لكم وصفات للاطفال اللي 5 و6 شهور

1-
بروكلي + كوسا + قرع

2-
بطاطس حلو + زهرة + جزر

3-
بطاطس عادي + قرع + بروكلي

4-
رز مصري + كوسا + جزر + بروكلي

5-

تفاح + زادي بالفراولة

6-
كمثرى + رز

7-
موز + شوفان + حليب

وبالنسبة للخضار :
أحط عليهم رشة ملح + رشة كمون

وبالنسبة للفواكه:
أحط عليهم رشة دارسين

F:F:F:F:F:F:F:F:F:

من الاخت نوتيلا*

بالنسبة لوصفة الخضار والرز :

كل أنواع الخضار : ( جزر + بطاطا + كوسا + قرع + البوبر الا هو اليقطين + طماط + بقدونس + بطاطا حلوة )

وقليل من الرز

الطريقة : اقطع الخضار صغار واضيفه للرز واضيف ماي وايد نسبيا

واخلي على النار لين يغلي وانزل على النار لين ينشف الماي تقريبا

بس الطمام والبقدونس اضيفهم بالاخير واخليه يطبخ معاهم شوي

وفي البداية اذا كان البيبي اقل من السنة ما اضيف لا ملح ولا بهارات للين يكمل السنة اخلي شوية ملح وبهارات

وهذي صورة مصورتها قبل لهالوصفة :



F:F:F:F:F:F:F:F:F:F:F:

من الاخت zahary

طبعا في البداية أول ما تبدين تأكلين الطفل تكتفين بنوع واحد من الخضار أو الفواكه حتى اذا بين عنده حساسية توقفين عنه هالصنف

(1)

بوبر (قرع أصفر ) + جزر (هالوصفة ولدي كان وايد يحبها)

تسلقينهم في ماي أو على البخار بعدين في الخلاط وتلينينه بماي

(2)

رز أبيض + دجاج مسلوق (قطع صغيرة )

تسلقين الرز لين يصير لين والدجاج بعد مسلوق

تخلطينهم في الخلاط

(3)

شوربة خضار (مفيده جدا لكثرة انواع الخضار فيها)

جزر + بوبر + قرع + بقدونس + كوسا + بطاطس

وأي نوع من الخضار تقدرين اضيفينه

تقطعينهم صغار و تحطينهم في ماي يغمي عليهم يعني مو تحطين وايد ماي

تتركينهم يطبخون مع بعض لين يلينون بعدين في الخلاط

ملاحظة: تقدرين اضيفين شوفان أو مكرونه

(4)

هالوصفة للأطفال اللي عندهم القدرة على بلع القطع الغير مهروسه

جزر + كوسا + بطاطس

تقطعينهم على شكل أعواد

طبخيهم على البخار أو سلقيهم

رشي عليهم ملح وخلي الطفل ياكلها بروحه اذا عنده امكانية ان يمسك

او انتي عطيه بنفسج

(5)

فندال (بطاطا حلوة)

سويها بالبخار أو اشويها وقطعيها صغار وعطيها طفلك راح يحبه لأنه فيه حلاوة

(6)

باستا (مكرونه ) مسلوقه + دجاج مسلوق ومفروم + خضر مشكلة مسلوقه

اختاري الانواع الصغيرة

خلطي المكونات مع بعض رشيهم بملح وقدميها لطفلك

(7)

بين الوجبات ييبي انواع من الفواكه اللينة مثل

موز + كمثرى + خوخ + فراولة

قطعيهم صغار وقدميها لطفلك

ملاحظة : في أطفال ما يناسبهم الفراولة حاسبي لطفلج

(8)

باستا (مكرونه ) مسلوقة + طماطم مقشر ومقطع صغار + جزر مقطع مكعبات صغار مسلوق + بطاطس مكعبات مسلوق

ذوبي الطماطم على النار ورشي عليه ملح وبهار خفيف

ضيفي عليه باقي الكونات

(9)

مع الوجبات تقدرين تسوين عصير برتقال فريش طازج لولدج

خففيه بماي اذا حامض

(10)

نقعي تمر منزوع النوى في ماي حلو وبعد فترة صفيه (زليه) وقدميه لطفلك في كوب او المرضعة


F:F:F:F:F:F:F:F:F:
من الاخت ربيعيه
وهاي التفاح المهروس بعد السلق بالبخار نخلطه بالخلاط وممكن تعطيه طفلك بالعصريه تحليه لذيذ


F:F:F:F:F:F:F:F:F:

من الاخت ربيعيه
هاي شوفان


ماي مع شوفان وطماطم وجزره وكوسا وبطاطا وقطعة دجاج


وبعد السلق خلطتهم بالخلاط







F:F:F:F:F:F:F:F:

من الاخت دريم ويب
انا امس سويت غداء لميساء

بركولي + جزر + كوسا + بازلاء + مكرونة صغار + بقدونس
سلقتهم وخلطتهم بالخلاط

والعشاء

كسكسي + بطاطس وجزر
هرستهم بالشوكة وعجبها

F:F:F:F:F:F:F:F:
من الاخت ربيعيه

وهاي طبق لذيذ وريحته مثل بان الكيك وان شاء الله يعجب اطفالكم









مكون من ملعقتين سيريلاك بالعسل ومهروس التفاح مع عصير برتقال وقليل ماي

بعد سلق التفاح نضع جميع المقادير في الخلاط ويكون بهاي الشكل


F:F:F:F:F:F:F:F:F:F:F:F:F:
من الاخت ربيعيه
طبق صحي ومغدي للاطفال

والي تعاني من نحافة طفلها ان شاء الله يفيدها




اليكم المقادير


كوب حليب الطفل و4 تمرات منزوعة النزاه وملعقتين شوفان


ممكن تعملو نصف الكميه تجربه







نخلط المقادير بالخلاط الكهربائي ثم نضعهم على النار ونحركم الى ان يصبح المخلوط كثيف خخخخخخخخخ خلنا من الفصحى يعني يصير مثل العصيد تعرفوها




المهم بعد مايصير قوام الخليط غليظ ويطلع مثل الفقاعات ننزل على النار لمدة دقيقتين بس ونقدمه الى حبايبنا بعد مايبرد

F:F:F:F:F:F:F:F:F:F:

من الاخت احلى عراق85





F:F:F:F:F:F:F:F:F:F:F:

من الاخت ربيعيه

اليوم كان عشاء ولدي مكرونه ولي اول مره اعطيه وياها

مكون من مكرونه وخضروات حسب رغبة الطفل اني اضفت بطاطا وجزر وكوسا نسلقهم مع بعض


وبعد الانتهاء من السلق ورفعته من النار اضفت شريحة جبن وخلطتهم معاهم





وبعدين وضعتهم بالخلاط







وكان شكلهم النهائي هكذا







F:F:F:F:F:F:F:F:F:F:F:

من الاخت دريم ويب
[SIZE=4]تسلقين الزهرة بروحها مع شوي كمون
وتحضرين مقلى وتحطين فيه طماطم مهروس + قطعه سلايس جبن لين ينهرسون ويستووون تحطينهم مع الزهرة وبالخلاط مره حلو طعمها



والوصفه الثانية
تفاحة مقطعه مربعات + قرع مقطع مربعات ويغلي ع النار شوي وبعدها ينخلط بالخلاط .. كمان لذيذة طعمها


والوصفة الثالثة

تحضرين مشمش مجفف وتسلقينه لين يستوي وتحطين فوقه 2 م ك سميد وتخلينه 15د وبعدها ينخلط بالخلاط هذي لذيذة حتى انا حبيت طعمها

F:F:F:F:F:F:F:F:F:F:F:
من الاخت ربيعيه

2.عدس وخضار وأرز:هذه الوصفة
مثالية للأطفال الرضع في المجموعة العمرية من ثمانية إلى عشر شهور. العدس
مصدر عظيم للبروتينِ؛ والأرز للنشويات، والمعادن الضرورية بينما الجزر
والفاصوليا مصادر غنيةَ للفيتامينات الضروريةِ

المكونات:

- 100 غرام رزّ
- 50 غرام عدس
- 1جزر
- 8-10 فاصوليا

التحضيرات:
أولا قومي بغسل الخضار جيدا، وفركها أو تقشيرها إذا كانت تحتوي على شوائب.
قومي بغسل الأرز والعدس كذلك،اسلقي الخضار والأزر والعدس في وعاء نظيف
حتى تنضج.ضعي المكونات المطبوخة في الخلاط الكهربائي
لعمل مهروس الخضار. يمكنك إضافة القليل من الملح للطعم
F:F:F:F:F:F:F:F:F:F:F:F:

من الاخت ربيعيه

هاي المقادير واضحه بالصور


لكن هنا اني غلطت اضفت ساق الدجاج لكن انتو اضيفو قطعه من الصدر لان نسبة الدهون فيه اقل ويحتوي على الياف اكثر

بعدما نضج اضفت قطعة زبده صغيره

وهنا بعد ما خلطته بالخلاط اليدوي




F:F:F:F:F:F:F:F:F:F:

[/SIZE]

من الاخت ربيعيه

المقادير


شوفان مطحون

ملعقة نشا

قطعة دجاج

كزبره


الطريقه


بعد طحن الشوفان يضاف له الماء ويترك على النار مع قطعة دجاج سبق ان سلقتيها

وقطعتيها على شكل خيوط


واذا قربت على الاستواء نضيف النشا والكزبره وتترك على النار لمدة دقيقتين


وبعدها بالهناء والعافيه




F:F:F:F:F:F:F:F:F:F:

من الاخت ربيعيه

طبق افطار مفيد


خبز مقطع مع مح البيض مسلوقه

مع كوب حليب الطفل يكون ساخن اشوي




وبعدين وضعته في الخلاط

وهذا شكله النهائي




F:F:F:F:F:F:F:F:F:F:F:

من الاخت ربيعيه
هاي اكواب الكاسترد


المقادير

كاس ماء


ملعقتين كاسترد


ملعقتين حليب الطفل

موز او فواكه مضروبه في الخلاط حسب الرغبه


ملعقة سكر

قليل جدا زبده

ويوضع النار ثم يحرك الى ان يصبح المخلوط غليظ ويصب في الاكواب





F:F:F:F:F:F:F:F:F:F:F:

من الاخت دريم ويب
موز مهروس + خوخ

ببايا مهروسة بالشوكة + ملعقة كبيرة زبادي

تفاح مهروس + قرع مهروس

طبق الدجاج:
نفلب الجزر والكراث بالزيت في مقلى 5د ونضيف الدجاج بعدين نضيف البطاطس ونحط مويه ونخليه يطبخ ربع ساعه وانا احط رشة ملح وكمون وكزبرة

F:F:F:F:F:F:F:F:F:F:F:F:F:
من الاخت ربيعيه
اخواتي هاي المقادير ممكن تعملي فيها اكثر من صنف





اول طبق شوفان مع تفاحه وماء تخلطيهم بالخلاط الكهربائي ثم تطبخيهم وتقدميهم بالهناء


الطبق الثاني تفاحه مع ملعقتين شوفان وملعقة نشاء وماء

بعد خلطهم بالخلاط نطبخهم


الطبق الثالث نفس الطبق الثاني لكن نضيف تمر منزوع النواه 3 تمرات وهني وعافيه على الحلوين




F:F:F:F:F:F:F:F:F:F:F:F:F:F:

من الاخت ربيعيه

هاي طبق الخضار

بعد سلق الخضار


نقوم بخلطها بالخلاط

مع اضافة قليل جدا من الملح والزبده

F:F:F:F:F:F:F:F:F:F:F:F:F:

من الاخت ايكو2007

حبيت اشارك بطبق الغداء:)
او شي الرز والعدس



وبعدين خليت بطاطا وجزر وقطعه من صدر الدجاج



وطبختهم على البخار لمده تقريبا 30 او 35 دقيقه وهذا جهاز البخار عندي من ايام علاوي طبعا من ابدي اوكلهم اطبخلهم بالبخار لحد ما يصيرو ياكلون من اكل البيت




وهذا بعد ما استوى




وهنا بعد ما انهرس


وهنا جاهز للاكل:D


F:F:F:F:F:F:F:F:F:F:F:F:F:
من الاخت ايكو2007
اول طبق خضار وشوفان
الخضار خليت بطاطا وكوسا وبروكلي وزهره


وطبختهم على البخار لمده ربع ساعه بس


وبعدين حطيت ملعقتين كبار شوفان مع الماء




وهنا جاهز للاكل:D



والطبق الثاني
عباره عن تفاحه ورز وشوفان طبعا ابني كثير يحب هالاكله
اول شي قطعت تفاحه وطبختها على البخار لمده 10 دقائق



وبعدين خليت الرز




وبعد ما استوى الرز اخلي الشوفان وابقي كم دقيقه



وهنا بعد ما استوى كل شئ



وهنا جاهز للاكل:D



F:F:F:F:F:F:F:F:F:F:F:F:F:

من الاخت صاحيه الظل الخفي
هذي طبق يويو عبارة عن كوسه وبطاطس وبوبر وقرنبيط وارز



وهذي بعد ماهرسته



F:F:F:F:F:F:F:F:F:F:F:F:

من الاخت ربيعيه
شراب الحليب والتمر للأطفال

هذا الشراب جيد ومغذي للأطفال ولا غنى عنه خاصة للأطفال الذين لم يرضعوا من أمهاتهم ويمكن أن يعطى لطفل إبتداءً من عمر 8 أشهر.

المقادير

[COLOR=red]ليتر حليب

ظرف فانيليا
سكر حسب الرغبة 12 حبة تمر


الطريقة

نجرد التمر من البذرة ثم نضع جميع المقادير في الخلاط ونخلطها ويشرب بارد أو ساخن

F:F:F:F:F:F:F:F:F:F:F:
من الاخت صوت الحنان
خضار ... آلو و جزر و شوي معكرونة
ضفت لهم شويونة ملح و ملعقة صغيرة طماط صلصل و شوينة شوفان



بعد ما أستوى حطيتهم في الخلاط



و النتيجة .. ثلاث غراش خخخ ...


F:F:F:F:F:F:F:F:F:F:




[/COLOR]

من الاخت احلى عراق85


المقادير :

حبة بندورة مقشرة
حبة بطاطا مقشرة ومقطعه
حبة كوسا مقشرة ومقطعه
قليل من البصل للنكهة
ملعقتين رز مصري


هذا الخضار




نحمس البصل مع قليل من الزيت
ونقطع الطماطم ونضيفها عليه ..





بعدين نضيف الكوسا و البطاطس والرز
مع كوب ماء او اكثر حسب الحاجة
ونغطي القدر الى ان يغلي بعدين على نار هااادئة




اذا كان طفلك عمره فوق الـ 8 اشهر
اهرسيه بالشوكه وقدميه
واذا كان اقل من 8 اهرسيه بالخلاط


ويقدم بالهنا والشفا :)



F:F:F:F:F:F:F:F:F:F:F:

من الاخت بعيده عن اهلها

هذا تطبيقي للشوفان والحليب والتمر خلطته بجهاز شيكو وبعدين حطيته على النار والحمدلله اعجب بنتي يعطيكم الف عافيه



F:F:F:F:F:F:F:F:F:F:F:F:F:

من الاخت اناناسوووة
أنا أمس سويت حق بنتي سبانخ بالروب

... أغسل السبانخ

أقطعه مثل الخس

عقب اخليه في المقلة ع نار هادية جدا مع ربع فنجان ماي

اخليه ربع ساعة

عقب في الخلاط

وبعدها اضيف عليه الروب


مفيد لان السبانخ فيه حديد













وممكن تكوري السبانخ وتثلجيه وتضيفي كورة وحده مع وجبة الخضار

مرتين في الاسبوع كفاية

F:F:F:F:F:F:F:F:F:F:F:

من الاخت ربيعيه

وجبه عملتها الى ولدي


بطاطا مبشوره

دجاج مفروم وممكن بدل الدجاج لحم


وطماطم مقطعه صغار

كزبره مفرومه

وماء


اتركهم الى ان تنضج المقادير وينشف الماء

نضيف قطعة جبن ونخلطها مع المقدار

معاضافة قليل ملح وبهار اذا العمر فوق 9 اشهر

F:F:F:F:F:F:F:F:F:F:F:

روعة ما شاء الله

تسلم ايدك اختي سندريلا

و جزاك الله كل خير

[BACKGROUND="70 #000000"]





مشكووووووووره اختي

سندريلا


يعطيك الف الف الف عافيه





[/BACKGROUND]

مشكوره اختي ماقصرتي ان شاء الله اجربها لولدي وبنتي

يسلموووووووووووووو

يعطيج الف الف عافيه

افكاااااار قمه من الافاده ويسلمووووووو سندريلا الكون والامووومه

اخييييييييرا كذا احسن كلها برد واحد

وياريت يتثبت الموضوع جزاكي الله خييييييييييير

يعطيك الف عافيه
على هالمجهود الرائع

و هو فعلا موضوع مفيد لكل الامهات

طبخات ولا أروع للطفل صحية ولذيذة

تسلم كل الأيادي