ساعديني ربي يوفقج اختي شريفة

السلام عليكم ورحمة الله وبركاتة
مرحبا استاذة : شريفة

حبيت اقول مشكلتي وابي اعرف اللي سويتة صح ولا غلط

انا بنت كان عمري 16سنة وانخطبت في ثاني ثانوي من ولد عمتي وكنت صغيرة وابوي كان مب راضي اني اخذة لان سال عنة وطلع ان عندة سوالف بنات وانا ماصدقت ان خطيبي عندة هالسوالف؟

فـ عاندت ابوي وقلت ابية
وبس وبعدين ابوي رضا وامي رضت وقال ابوي اخذية كيفج بعدين لا تصيحين
قلت له انزين

وبس خذيتة عشان انة افتك من بيتنا
وبيتنا من النوع اللي مايخلونا نطلع الا ريلهم على ريلنا الا اذا بيت ربعنا بالغصب؟؟؟

وانزين ومن دخلت بيتهم وقلبي كلة منقبض وحسيت ان مومرتاحة منة ولا من بيتهم لان بيئتهم غير عن بيئتنا

وشوي شوي ومرت الأيام وتطلع سوالفة
وكان الله يستر علية ان شاء الله يشوف افلام اباحية ويقولي اللحين باحطلج وابيج تشوفين وتسوين مثلهم .
اوكي اهو طالع قبل مايخطبني كيفة بس الحين احنا منخطبين وبعد يطالع بنات وبس قالي مرتين هالشي كأن انا مب عاجبة جسمي وقلت له ليش انته جذي وتميت اصييييييح


وبعد المرة الثانية كنت في الحجرة امشط شعري الا يقولي كيفج تبين تفصخين الشيلة جدام بيتنة كيفج ؟؟ انا انصدمت ورحت كلمت اختة الا تقولي كيفج اخوي يبي راحتج وكلمتة عن الأفلام تقول الأصبيان كلهم يطالعون جذي؟
اوكي
وثالث شي ان اهو ماعندة شخصية امة تمشيه على كيفها وماعندة غيرة وانا
مو امدح نفسي بس حلوة يعني ليش مايغار علي
ومايحافظ علي لدرجة ان عندة عادي اطلع مع خواتة لي الساعة 1
انا بالعكس بنت عمتة المفروض يخاف علي اكثر ويحافظ علي


المهم سكت عنة وكنت في ذاك الوقت مومتحملتة يعني قاعدة اكره خطيبي
مرة الأيام وهاذي الأحداث صارت في 5 شهور وطبعا رقديت معاة وانفتحت بشي بسيط(الله يعزج) وكنت ماخذة الشي لعبة موجد
وانا من النوع الحارة انا اللي كنت ابي اكثر منة بس ضيعت نفسي وانا اصلا ماارتحت
احس اتعذب اكثر واكثر الحين
وبعدين كنت قاعدة في الحجرة واتصلت حق رفيجتي وطقيت الرقم غلط عبالي حافظة الرقم
ولا طلع الرقم لصبي كلمتا وكان حدة جاف معاي يعني كان مادري شاقولج بس لدرجة ماعندة اسلوب معاي وصكيت التلفون ومارقدت باليل


وكنت قاعدة اقول معقولة ان في واحد جذي بهالسلوب
وبس انعجبت فية الصراحة
وانا الي اتصلت له اليوم الثاني وكان يوم الجمعة اذكر
وبس كلمني باسلوب ارقى شوي وحس ان وايد كان جاف معاي
وبس بعدين تعرفت علية وسالني وين بيتكم وكم عمرج وقالي انتي متزوجة قتلة مخطوبة
وبس حس من كلامي اني مضايقة
وقلتلة مع الأيام اني مومرتاحة وبس تميت اكلمة اسبوع
وبعدين قلت مابي اخون زوجي
يا اكمل مع زوجي او اكمل معا اللي كلمتة بس صدقيني انا ماكنت ابي اخون زوجي واكلم بس قصبن علي لاني مو مرتاحة وكنت ابي احد يسمعني صج
وقلت لة انتة تبيني قالي اي ابيج وباطلعج من المصيبة اللي انتي قطيتي روحج فيها وتم معاي
وقلت حق خطيبي طلقني انا مابيك ومااحبك
وقال لا مااطلقج الا لين اترجعين مهري كامل بعدين


ورفعت علية قضية في المحكمة وقالولي اهو دخل عليج قتلهم اي
الا اهو يقول لا انا مادخلت علية خلها تروح وتشوف من اللي دخل عليها
انا حدي انقهرت انا ماعندي هالسوالف
وبس معنا انا كنت برجع لة بس ان يطعني في شرفي ماراح ارجعلة لو شنو يصير

وبس تميت اروح وارجع المحاكم سنة كاملة بعدين طلقوني المحكمة وصرت مطلقة

وحبيبي لذي اليوم معاي وصار لي معاه الحين سنتين وخمس شهور
وكل يوم احبة اكثر واكثر
واتصدقين ان انا للحين ماشفتة صارلي سنتين ولا عمري طلعت معاة
بس اذا اتصلة اقولة اني باروح ذي المكان اهو يطالعني بس انا ما اشوفة
وبس اهو عمرة
الحين30 سنة واهو كبر خطيبي السابق بس اتعرفين التفكير يختلف بوايد ويعتمد على نفسة
والحين عمري 19 سنة بس بصراحة عقلي انضج من خطيبي...
وموعرفة شاسوي كل مرة بيتقدم لي تصير عندة حالة وفاة
ومن اقول حق ربعي يقولون لي ان حبيبج جذاب وتركية وخليه يولي باجر بتحصلين اللي احسن منة ؟؟؟
انا احبة ومااتوقع انة بيجذب علي معقولة يعني
ولو اهو يبي شي مني جان قالي امشي بنطلع صح ولا لا
وطبعا نسيت اقول اني ترى دخلت في معسكر جو للتدريب الشرطة الحمد لله
وبقالي شهرين واتخرج ان شاء الله


وانا امس كلمتة وقتلة خلاص خل امك تتصل حق بيتنا على الأقل لين مايسألون عنة بيتنا
انا صج تعبت لي متى جذي وتميت اصيح
وقالي باكلم امي ويقول انشاء الله تقتنع لان توها خالتي متوفية صارلها 3اسابيع

موعارفة قوليلي اللي سويتة غط او استعيلت شوي؟؟؟

ردي علي انا تحسين من كلامي اني حساسة بسرعة اصيح ودليعة ولا لا:)
وســـامحيني على الأطالة سويت لج فلم


وربي يساعدج ويوفقج
أمــــــــــــــــــــــــــين