ازيكم يا احلى عرايس بالدنيا انا اليوم جيبالكم زى برنامج تكشوا عليه علشان نبقى قمرات و ده عن تجارب شخصيه و قبل ما تكون تجابتى هيا من خبراء تجميل يعنى مضمونه مليون بالميه نبدأ اول حاجه :
اولا الشعر
هنعمل الكورس ده كل اسبوع فى نفس اليوم اختارى انتى اليوم اللى يناسبك
هتجيبى زيوت للشعر و تخلطيها او ممكن زيت واحد اللى يريحك و من ضمن الزيوت زيت خروع + زيت زيتون + زيت لوز + زيت جوز هند
ممكن تخلطيهم كلهم او واحد او اى اتنين او اى تلاته و هكذا نوعى كل اسبوع
هنحط الزيت ده على فروه الرأس فقط و نلبس بونيه او كيس و نلفه بأيشارب و نتركه ساعتين بعد مرور ساعه و نص نفتح و نحط على الشعر بس مش الفروه حمام كريم و نلفه تانى بقيه النص ساعه
و بعدين نغسله بس الاول قبل وضع الكوس لازم يكون الشعر مغسول و طريقه الغسل الصحيحه هيا انك تحطى الشامبو على الفروه و تغسليها كويس و الشعر يتغسل بالبلسم
يعنى الشامبو و الزيوت على فروه الرأس بس علشان دول لو اتحطوا على الشعر بيحوقوا
و حمام الكريم و البلسم و الكريم بتاع الشعر يتحطوا على الشعر مش الفروه علشان لو اتحطوا على الفروه بيوقعوا الشعر
ده اول جزء بالجسم اتكلمنا عليه النهارده تابعونى هكلمكم كل يوم عن جزء و اذاى نعتنى بيه و نخليه اجمل حاجه و هكذا لو الموضوع عجبكوا هكمل لاكن لو ملقتش حد يشجعنى مش هكمل انا عارفه انكم متعاونين و حلوين ياريت اللى تجرب تقولى ايه اللى حصل فى شعرها
