لمتنا السورية لشهر شوال اهلا و سهلا فيكم

مرحبا ياجماعة كيفكم
كل عام وأنتو بألف ألف خير أنا عم حاكيكم من سوريا اجيت لهون قبل العيد بيوم وطبعا هادا سبب انشغالي وتأخيري عليكم السفر والعيد وشوفة الأهل والقرايب بالاضافة الى اني من أول يوم اجيت فيه عالشام لحد مبارح الخميس باستثناء أيام العيد كل يوم عم داوم فيه بالتربية حتى انهي أموري والحمد لله اخترت مدرسة ومشي حالي باشرت فيها مبارح والأحد بعد بكرا ان شالله الدوام عنا بالمدارس
بالنسبة لحملي فتت بالشهر السادس ب 9 الشهر والحمد لله كل شي تمام من فضل الله مافي أي مشاكل لحد الآن وعم أهتم بحالي وبأكلي وبصحتي وبهالكم يوم بعمل موعد عند الدكتورة بشوف الوضع

يالله هلق بقى دوركم تخبرونا عن أحوالكم دمشقية يالله صلحي كمبيوترك بسرعة بدنا نعرف سافرتي ولا لساتك بسوريا
كاتس شو آخر مغامراتك أنت وتالا بالعيد
يالله بدنا نعرف أخبار الجميع من بكرا بيكون خلص أسبوع العيد وماعاد الكم حجج بدنا نرجع نتواصل
نحنا اليوم جاية لعنا آخر ناس بالعيلة ما عايدونا وهيك ما بيبقى حدا ما أجا

السلام عليكم جمبعا والله يسعد اوقاتكم وكل عام وانتوا بألف خير وينعاد عالجميع بالصحة والسلامة يارب
ان شاء الله تكونوا كلكم انبسطوا بالعيد مو متلي ااااااااااااه قضيت عيد غير شكل اول الشي زوجي مرض بعدين جودي وبعدين عبودي ورا بعض وكلهم انسطحوا وانا الممرضة تبعهم على ادوية وكمادات باردة لأنهم كلهم كانت حرارتهم متل النار وجوزي صبحية العيد راح عالمستوصف والعصر اخدنا جودي والله عيد مابشتهيه لحدا ومن كتر ماكنت متدايقة ومخنوفة حكت معي اختي صرت ابكي عالتليفون وبكيت امي وابي كمان الحمدلله استفآدة الله رحمة وهلأ الحمدلله مافيهم شي
والدمشقية الحمدلله بخير بتسلم عليكم وهلأ هيه بالبحر برأس البسيط الله يسعدهم يارب ويهنيهم ويرجعهم سالمين والله اشتقتلها كتير مو مصدقة غير يرجعوا

مرحبا صبايا كيفكون وشو اخباركون
مبروك عليكون التجمع الجديد
مبروك الشغل شامية والله يتتملك حملك ع خير
دمشقية ولولية وسورية كيفكون وكيف قضيتو العيد

اخباري الحمد لله منيحة بين الشغل والبيت
ومبارح كنا بمنطقة جبلية اسما ابو قبيس كنا رحلة انا وزجي وانبسطتنا منطقة حلوة وباردة
سلامي للكل

سلامة

سلامة ولادك سورية يا حرام شو هالعيد يلي قضو
ما شاء الله دمشقية عم تعمل سياحة الله يهنيها

شامية اي هيك من زمان ارجعي ع سوريا بس بيتعرفي منيح اقدرتي ترجعي ع شغلك بهالسرعة لانو انا بعرف انو كتير صعبة العودة الى العمل هيك بسموها وبدا كتير واسطات
ليكي انا صرلي زمان عم حاول لاقي شغل بوظيفة حكومية ما عم تظبط معي
يعني كتير جاي ع بالي اتوظف بوظيفة حكومية لانو اكيد اريح حتى لو كان الراتب اقل بس في معك مكسب راحتك والعطل وكتير شغلات
يلا موفقة بشغلك والله يهنيكي

مراحب للحلوين

انا جيت قبل العيد بيوم على الدوحة يعني بالمقلوب عن الشامية
وطبعا دخلت كل ايام العيد لعيد عليكم بس ما كان الشات فتح لسه
وهالكام يوم زوجي اخد اجازة بالبيت لهيك ما عم اقدر ادخل


المهم الحمدلله الكل اموره منيحة والله يطمن بالكم دائما


شي تاني متل السورية سيم سيم انا دوخت زوجي وشغلته ممرض عندي الله يعينه مرضت مرضة غير شكل
والتهب بلعومي ونزلنا صباحية العيد على المستشفى واخدت ابرة يعني من وصلتي وانا فااااارطة
المهم الحمدلله كان عيد مأساوي شوي بس يعني احسن من ولا شي

امتحاني كان عادي واتوكلت على الله وما بعرف شو رح يصير والله لا يخيبني



كاتي ....... ينعاد عليك يارب والله يكون معك ومقدرين ظروفك


السورية ........ سلامة قلبهم والله يعينك والله صعبة كتير الحمدلله على كل حال


شامية ........ نورت الشام وحلاوة العيد مع الاهل واللمة والله ييسرلك بالشغل الجديد ويارب تكون المدرسة على ذوقك
والله يهون عليك الحمل



سمورة ........... الله يهنيكم ويسعدكم سمعانة عن شلالات ابو قبيس بس ولا مرة رحت المهم غيرتوا جو
وحبوبة انتبهي على كتابة الاسامي بالردود



الدمشقية ......... يا عيني على البسيط والمايوه الاحمر فلللللللة ههههههههههههههه



ختامها مسك بيرل القمر ما بعرف اذا رجعتي بس اشتقتلك واللــــــــــــــه

السلام عليكم
كيف الحال صباااااااااااااااايا
ياريت اتنوروني في موضوعي
http://forums.3roos.com/showthread.php?p=13157062#post13157062

سلااااااااااااام عالحلوين
هلا ياسمينة كيفك الله يسلمك يارب وان شاء الله مابتشوفي شر اما عن ابو قبيس انا رايحتلها كتير حلوة
مون تؤبشي قلبي والله اشتقتلك وسلامة قلبك ان شاء الله والله هالايام كل الناس مرضانة مدري ليش ويالله ياستي ان شاء الله بتنجحي والله لايضيعلك تعب يارب
شامية بسم الله ماشاء الله صرتي بالسادس ان شاء الله التمام على خير وتقوميلنا بالسلامة يارب ومبروك الوظيفة يالله بتتسلي لبين مايجي البيبي بالسلامة وان شاء الله بتتهني والله العيد مع الاهل ولااحلى والله نحنا ماحدى اجى لعنا بالعيد نحنا رحنا عيدنا على بنت عمه لزوجي وبنات عمته بس هي الغربة الحمدلله
كاتس صمصومة قلبي هههههههه وانتي بألف خير يارب ولايهمك مااتأخرتي لسه نص العالم معيدة والحمدلله على سلامة اخوكي اكيد بدك تشوفيه كل يوم وتتملي منه والله يعين اهلك بقى هههههههههههههههه عم امزح
والدمشقية هلأ عم تعمل سياحة راحت هيه وزوجها على ليبيا لأنه زوجها عنده شغل هنيك واخدها معه وتركت اولادها عند اهلي وطبعا حماتها عند بنتها وي تعتبر خطوة جريئة كتيييير للدمشقية وبعدين يمكن يروحوا على تركيا يعني من ليبيا على تركيا والله فرحانتلها من قلبي هيه كتير كانت مشتهية تروح هيك مشوار هيه وزوجها بس الله يسعدهم يارب
سلامي للجميع للولية وبنوتة وبيرل

:thumbs_up:

سورية وبفتخر;13163829:
سلااااااااااااام عالحلوين
هلا ياسمينة كيفك الله يسلمك يارب وان شاء الله مابتشوفي شر اما عن ابو قبيس انا رايحتلها كتير حلوة
مون تؤبشي قلبي والله اشتقتلك وسلامة قلبك ان شاء الله والله هالايام كل الناس مرضانة مدري ليش ويالله ياستي ان شاء الله بتنجحي والله لايضيعلك تعب يارب
شامية بسم الله ماشاء الله صرتي بالسادس ان شاء الله التمام على خير وتقوميلنا بالسلامة يارب ومبروك الوظيفة يالله بتتسلي لبين مايجي البيبي بالسلامة وان شاء الله بتتهني والله العيد مع الاهل ولااحلى والله نحنا ماحدى اجى لعنا بالعيد نحنا رحنا عيدنا على بنت عمه لزوجي وبنات عمته بس هي الغربة الحمدلله
كاتس صمصومة قلبي هههههههه وانتي بألف خير يارب ولايهمك مااتأخرتي لسه نص العالم معيدة والحمدلله على سلامة اخوكي اكيد بدك تشوفيه كل يوم وتتملي منه والله يعين اهلك بقى هههههههههههههههه عم امزح
والدمشقية هلأ عم تعمل سياحة راحت هيه وزوجها على ليبيا لأنه زوجها عنده شغل هنيك واخدها معه وتركت اولادها عند اهلي وطبعا حماتها عند بنتها وي تعتبر خطوة جريئة كتيييير للدمشقية وبعدين يمكن يروحوا على تركيا يعني من ليبيا على تركيا والله فرحانتلها من قلبي هيه كتير كانت مشتهية تروح هيك مشوار هيه وزوجها بس الله يسعدهم يارب
سلامي للجميع للولية وبنوتة وبيرل

السلام عليكم ورحمة الله وبركاته
كيفكم ياحباااايب قلبي والله والله اشتقتلكم كوووومايات هااااااللللللللللللللللللللللللللللللللللقــــــــــــــــــــــــــــــــــــــــــــــد واكثر
سورية تقبري قلبي والله مشتاااقة الك كتير ومشتاقة لاحضنك وبوسك وبوس هدى خانم وجوجو وعبودي وزوجك لااااء مو احضنوا وخشت ان شالله خخخخخخ يعني نسلم عليه خخخخخخخ
والله اتمنيتك معي بهالسفرة بكل شي فيها الا الشوبات اول .. بس هلا الجو حلو كتير اتحسن اخر فترة
والله ازعلت عليكي من قلبي على هالعيد بس يالله الحمد لله كل شي من ربنا حلو ... والله انا هلأ كتييير تعبانة زكمة ورشح
وسعلة وحااالة بس عم قوي حالي منشان هالرجال خطية بكرا بقللي والله لو اخدتك عالجنة بلاقي النار ادفالك خخخخخ

** كاتي القمر تركناكي لحالك بس انتي كمان ماكنتي عم تدخلي عالنت والكل لاهي بهالدنيا الله المستعان
المهم حبيبة قلبي انتي والله اشتقتلك واشتقت لكلامك ... طمنيني عنك وعن تالا وكيف كان العيد حلو ولا متله متل غيره ..
ومن غير شر لاخوكي يعني بكرا مسافر فالله يعينكم على الشوق والغربة ...
شو مانزلتي سوريا بهالفترة ؟ ترى الجو كتييير حلو وخاصة عند المغرب وطالع

**مونو الحمد لله على سلامتك ورجوعك من سوريا وسلامة قلبك الكل والله بهالعيد كان تعبان ومريض وانا منهم
الحمد لله على تمام العافية ... كيف قدمتي اختباراتك وان شالله كل شي تمام ؟ يارب يكون كل شي متل مابدك واحسن وربي يوفقك ومايضيعلك تعب ابداااا

** سمورة حبيبة قلبي ينعاد عليكي العيد انتي وزوجك بصحة وسلامة واسفة على تاخري بس والله كنت مشغولة وماقدرت ادخل وتسلمي لقلبي كلك ذوووق
وربي يهنيكي ويسعدك ودوري الدنيا انتي وزوجك وتنبسطي وتتهني ... شو خبرينيا في شي عالطريق
ولا بعد ؟ الله يكتبلك اللي فيه الخير يارب

** شامية الله يقويكي يارب ... يعني هلا انتي بسوريا برافو عليكي رضيتي كل الاطراف ربي يقويكي ويهنيكي ان شالله
ويسعدك وربي يتمم حملك على خير
ايمتى راجعة اليمن لتولدي ولا قبل ؟

** لولية وبنوتة وبيرل وحشتوني والله ويارب تكونوا بالف خير وسلااامة وقبلاتي لكن جمييييعا

&&&&&&&&&

اما عن اخباري فانا الحمد لله بالف خير اليوم كملت شهر برات السعودية ومتل ماقالتلكم سورية انا حاليا بليبيا
وعم احاكيكم من الفندق طفشت قلت انزل واجرب والحمد لله ظبط النت
زوجي عنده شغل فمبارح واليوم مشغول عني اتمشينا شوي ودرنا بطرابلس وبعدين التفت لشغله لان بكرا سفرنا على تركيا
باذن الله راح نقضي يومين هناك يادوب نتمشى فيهم ... والحمد لله ربي كرمني بهالسفرة لاني كنت متمنيتها من زمان وربي
ماخيب ظني ... قلبي عند محمود وشام هي اول مرة بتركهم وقلبي ناطف عليهم بس اللي مصبرني انهم عند اهلي انا
والامان بالله ثم فيهم ....
اي وبعد رجوعنا بخير باذن الله لسوريا راح اجلس يومين او تلاتة بالكتير ومنرجع للسعودية ان شالله وبشوف حبايب قلبي
سورية وولادها ... فدعواتكم ربي يسهلها علينا لاني اتعبت كتييير من الطيران والسفر وخاصة ان الرجعة راح تكون بالسيارة


هي اخر اخباري وحبيت تكونوا معاي بكل خطوة لانكم وربي معزتكم من معزة سورية تقبر قلبي
والله يديم محبتنا واخوتنا فالله .... سلام واشوفكم على خير ان شالله

يسعدلي ايامكم جميع والله فرفح قلبي لما شفت ردودكم اشتقتلكم كتير

أول شي سمورة حبيبتي الله يبسطك اي هيك استغلي هالجو الحلو واطلعي لأنو السنة الجاية يمكن يا تكوني حامل وماتقدري تتحركي براحتك يا أما تكوني ولدانة جديد وبالحالتين نفس الشي وهي الأيام أحلى أيام وبالنسبة للوظيفة الله يكرمك يارب بوظيفة حكومية وانا موظفة ومثبتة داخل الملاك وكنت آخدة اجازة بلا راتب يعني مكاني محجوز وبتحقلي الاجازة 4 سنين وايمتى ما طلبت اقطع الاجازة بقدر هيك قوانين الدولة والحمد لله كيف الله بعتلي ياها وكرمني فيها مابعرف لأنو الوظيفة صارت حلم للكل والحمد لله لا واسطة ولا شي بس اختصاص الفرنسي مطلوب لأنو دخلوه للكل مشان هيك نجحو بالمسابقة كل يلي قدمو واختصاصهم فرنسي


مونو الحمد لله عالسلامة وماعلى قلبك شر الهي نسمع خبر تخرجك بأقرب فرصة يارب والحمد لله حملي تمام ومدرستي منيحة من فضل الله لحد الآن حاسستها مريحة

كاتس الحمد لله على سلامة اخوك وأكيد انبسطتي والعيد صار عيدين بشوفتو الله يخليكم لبعض
اي والله بلشت بالشهر السادس من 11 يوم يععني قطعت نص المشوار الله يهون علي يارب ويطعم كل يلي بنفسو ولا يحرم حدا


سوريا متل ما قلتي استفقادة الله رحمة والحمدلله على كل حال أنا من خوفي على حالي من الرشح نازلة بهالأكلات يلي غنية بفيتامين سي رايحة جاية ومن خوفي من نقص الكلس كمان نازلة بالحليب والجبنة واللبنة واللبن لأنو مالي مراق بالبيض وعقبال عندك لما تعملي سياحة أنت التانية

دمشقية والله ونحنا اشتقنالك كتير بس مبسوطينلك أكتر بهالمشوار الحلو وأنا متلك كمان نفسي زور تركيا وان شالله الله كريم أكيد مارح تضل بنفسي رح يجي يوم واطلعلها
وبإذن الله رجعتي على سوريا بعد الولادة لأنو ماما صعب تطلع لعندي ولادتي يمكن تجي بوقت الامتحان وماما ما بتترك البيت بهالوقت واني أولد باليمن وماحدا جنبي صعب كتير بيضل جنب ماما أحسن ادعولي أنتو بس الله يهون علي

السلام عليكم

شفت شات للسوريات حبيت ادخل واسلم

لاني بحب ناس سوريا كتير

ولي صديقات كتير من سوريا

ماشاء الله علم واخلاق وادب

الله يسعد اوقاتكم يارب
كاتس تسلمي لقلبي يارب ووالله كلامك مزبوط بهالايام ماعم تاخدي من العالم غير المشاكل والقال والقلنا اما هدى خانم بتبوس خدك وصارت تكاغي وعم تحاول تقلب على بطنها مطيرا عقلنا وتالا العسولة كيفها بوسيلي ياها ربنا يحميها
دمشقية تقبر قلبي والله طار عقلي لماشفت ردك ماصدقت والله اشتقتلك كتيييييييييييييييير ربي يسعدكم وبهنيكم يارب انبسطي قد ماتقدري وان شاء الله بترجعولنا سالمين ايه والله فضيت علينا الدنيا بغيابكم
شامية الله يسعدك يارب برافوا عليكي مابتقصري كتري من هالاكلات وبالنسبة للسياحة والله مو ببالي كلها انا بس نفسي تطلعلي اقامة انا واولادي ويزبط وضعنا واقدر حط جودي بالمدرسة وياستي الله كريم
الاميرة شهرزاد اهلا وسهلا فيك نورتي الشات والقلوب عند بعضها وانتوا كمان والنعم منكم

صباح الخير على أحلى بنات سوريات و غير سوريات كمان

اشتقت لكم كتير كتير كتير , أنا رجعت من السفر على أول الشهر و الحمدلله كانت سفرتنا ميسرة بالروحة و الجاية بس بصراحة الاجازة ماكانت حلوة كتير يعني المنغصات أكتر من اللي بيفرح و كله بسبب الحر اللي شفناه هالسنة و كل ما له الخير للأمام الله يستر من اللي جاية لأن الحر القوي ما خلانا نقدر نستمتع بالاجازة ونطلع ونروح متل ما بدنا حتى المصايف كانت نار نقول لحالنا اي شو بدنا نطلع نقعد بالاوتيل كل اليوم تحت المكيفا لا بهالحالة خلينا ببيتنا و ياريت نقضيه ببيتنا الا لازم كل يوم متل الفرض علينا يا عند بيت حماي يا عند أهلي يعني صح شبعنا منهم و انبسطنا فيهم بس كمان نحن كان لازمنا تغيير جو شوي
اجازتنا كانت شهر ونص تقريبا طلعنا فيهم مرة على جبلة على منتجع وادي الملوك أكيد سمعتوا عنه لأن هلأ حديث البلد تقريبا و مرة تانية طلعنا مشوار على حلب كمان من الصبح للمسا و مرة على مشتى الحلو و مناطق الوادي و طبعا احترقنا من الشوب يومها و بعدين طلعنا شي 3 ايام عالشام و بآخر جمعة طلعنا فيها على طرطوس حجزنا بمنتجع يعني بس منامة ليلة وتاني يوم منرجع قام زوجي قال لي بس نسلم الغرفة ما رح نرجع على حماة فورا شو رأيك نطلع على جزيرة أرواد و أنا بحياتي مو رايحة عليها و طبعا وافقت لأن هي كانت آخر فرصة لنا و روح آكل وقعة على ظهري وانا نازلة من المركب غير شكل و هي شي وصلنا على الجزيرة و مسكين انشغل فيني و حملني و رجعني فورا على الشط و بعدها وينك يا حماة و على أقرب مستشفى لأن خفنا يكون في شي كسر لا سمح الله و الحمدلله صورت و ما طلع فيه شي بس تاني يوم رحت على الدكتور وقال لي هي رضة كتير قوية لأن جاية الوقعة على العصعص و بدك تنامي على ظهرك تقريبا شي اسبوع ل 10 أيام و طبعا كان السفر بعد 4 ايام و آخ على آخر اسبوع ما بدي قول لكم كيف كان تسطحت بالبداية شوي و بعدين قمت غصبا عني لأن بدي ضب اغراضي و بيتي قبل السفر بس ماما و اختي الله يخلي لي اياهم ما تركوني ابدا و ماخلوني اشتغل شي يعني انا بس اشراف و جيت مسطحة كل الطريق و بعدين نزلت عالشغل و يوم داوم و يوم لا و ما اعرف اقعد متل الخلق و الناس و هلأ صار لي واقعة شي شهر و هالوجع عم يروح بس مو بشكل نهائي حتى عم فكر روح على دكتور هون لشوف شو بيقول لي ما عدا هونيك كل اسبوع تقريبا عند دكتور شي التهاب اذن داخلية طبعا حسيت فيها بعد الدوخة العجيبة اللي كانت تجيني و شي التهاب امعاء و معه حرارة كمان و شي تحسس بعيوني و طبعا بالبداية كانت عند دكتور الأسنان يعني عن جد بآخر الاجازة مين ماكان يشوفني يقول لي اي يبعت له العمى مين صابك بالعين لحتى هالاجازة كانت معك حق عن جد يا بنات مين ما يسأل عني يلاقيني مريضة و آخر طب الكيل هالوقعة اللي أكلتها كانت الخاتمة بس الحمدلله اللي هيك ومو غير شي

المهم صار لي من مبارح وانا داخلة على الشات و عم اقرأ أخباركم انبسطت كتير لسماع أخبار حلوة و زعلت كمان وقت سمعت خبر المادة تبع مونو و هالشنططة اللي قضتها بهالصيفية رايحة و راجعة المهم يارب يارب تكون النتيجة على خير حياتي و ما تتخيلي مدى اشتياقي لك و سلامة قلبك حبيبتي من الكريب و المرض هلأ هالطقس كتير بشع و خاصة عم نجي من الحر لتحت التكييف و هذا كله مرض حتى زوجي صار له اسبوع كمان باللوز و البلعوم و الحرارة كتير كان متضايق

كاتس حياتي متل ما ودعت تلاقي فهمت انه اخوك كان عندكم و الحمدلله انه قضيتوا عيد حلو مع الأهل و بيني و بينك البعد عن الناس غنيمة بهالأيام لأن ما عم يجي من وراهم غير اللعي و وجع القلب و الكره و الحسد مالي قلوبهم ما بعرف شو صاير بهالدنيا الله يسترنا

ياسمينة مبروك زواجك و ان شاءالله بتكون أيامك كلها هناء و فرح على طول و عن قريب بتزيني بأحلى بيبي

دمشقية حياتي شفت كيف بعد تعب الأعصاب الحمدلله ربنا أراد انه يكافئك بشي يفرحك و يسر خاطرك و بعت لك هالسفرة بدون ما تفكري فيها يارب ترجعوا وانتوا مبسوطين و كل أيامكم هناء و ترجعي تنوري بيتك وانت فريش و مرتاحة

سورية حبيبتي الله يخلي لك هالأطفال و يخلي لك زوجك يارب صدقيني كل ما بدخا عالشات بتمنى اسمع خبر عن اقامتك و للأسف بلاقي نفس الاجابة يارب يارب ما تخلص هالسنة والا أوراقك كلها نظامية لحتى يرتاح فكرك و خاطرك

لولية يا بنت بطوطة انت ماشاءالله صدقيني ضعت من كتر ما قلت رحت من سوريا على بيروت و بعد يومين رجعت على حمص و بعدها طرت عالرياض قلت لحالي ماشاءالله هالمخلوقة حاسستها سوبر ومن بتلحق على كل شي و بعد كل شي مبروك خطوبة بنتك التانية و عقبال اختهم ان شاءالله بتشوفيهم كلهم ببيوتهم و تشوفي أولادهم عن قريب و رح تكوني أصغر تيتة بالشات و أولهم كمان

شامية عزيزتي مبروك العودة للوظيفة و الحمدلله انه امر حملك ماشية عبى خير ما يرام لأن هذا هو المهم يارب بتكملي أشهرك على خير و تقومي بخير و سلامة

بنوتة بدي ازعل منك لأن لسه ما شفنا مواهبك و هيك يمكن يزعل منك زوجك أول الكل لازم تبدأي بالطبخ صدقيني بالبداية بيكون كل شي صعب بس بعدين كلنا دخلنا عالمطبخ و صرنا نبدع كمان و على قولة كاتس يطلع معنا عزايم بس كله بالارادة بيصير و ما في أحلى منها تلاقي الرضى بعيون زوجك اذا أكل لقمة طيبة من تحت ايديك و شفت الضحكة بعيونه و حتى توصلي بيوم من الأيام يصير يقول لك ما عم اتهنى بالأكل غير من ايدك عن جد بتحسي حالك مالكة الدنيا لأن عن جد ساعتها بتكوني ملكت قلبه و ما عاد قدر يستغني عنك و طبعا هالكلام مو بس للطبخ و بينطبق على أي شي بالبيت من ترتيب و تنسيق يعني لازم تحطي كل ابداعاتك بالبيت و ما لازم تعتمدي على حدا تاني حتى أقرب الناس لك

آخر شي أنا صح صار لي فترة جاية بس متل ما بتعرفوا كيف الضغط عندي و رجعت لقيت المكتب فوضى عارمة متل ما بيقولوا و مع وجع ضهري ما احسن اشتغل كتير يعني ماكنت قادرة ادخل ابدا عالشات بس هلأ سجلت دورات تقوية انكليزي بالمركز البريطاني و بيبدأ الدوام غدا ان شاءالله و هون رح يصير الضغط أكتر من الأول بين البيت و الشغل و الدورة ادعوا لي يابنات كون قد الحمل لأن عتلانة هم من الآن .

بتمنى ماكون نسيت حدا فيكم اشتقت لكم كتير و يارب اقدر ادخل على طول و اطمن عنكم و عن أخباركم