ايش برايكم الحل،،شوفي الموقف الصعب اللي صديقتي فيه غييييير،،

شوفوا الموقف اللي انحطت فيه صديقتي،،و شوروا عليها ايش تسوي. صدقوني هي بحالة صعبة ،،

صديقتي اعرفها من اكثر من 12 سنة ، و هي بنت كويسة و مخلقة و ما شفت منها ما يسئ طول هالسنين، و دخلت بالجامعة كلية الطب و بعدها تخصصت امراض نساء و توليد،،بس عشان الناس ما تثق بالدكاترة المتخرجين حديثا و عشان هي متأكدة انه على هالمنوال ما راح توصل و لا بعد 20 سنة لمكانة مرموقة و لا لدخل مادي كويس، بالرغم من انها متفوقة بالكلية و اتعينت معيدة و دقيقة و نظيفة بشغلها، الا انها للاسف مشيت في طريق غير صحيح، و استغلت شطارتها و مهارتها في اجراء عمليات الترقيع للبنات اللي فقدت عذريتها (ايا كان السبب) و هي تقنع حالها انها بتساعدهم عشان يبدأوا من جديد و بتستر عليهم .

و للان صارت عاملة العملية لاكثر من 63 واحدة.

(لا تلوموني ، لانني لو كنت اعرف كنت لومتها بس هي كانت مخبية و قالت لنا الان و هي حايرة و عاجزة بسبب الموقف اللي هي فيه الان)

اللي حاصل الان ان ولد عمها خطبوا له بنت من اسرة معروفة و ناس لهم مكانة يعني نسب يشرف و عملوا الخطبة الرسمي اللي بين الرجال و صار يوم الملكة (هي حفلة) فهي طبعا معزومة بالحفلة حق النسوان ، راحت الحفلة و دخلت العروسة الا تشوف واحدة من البنات اللي جوها عشان ترقع لهم الغشاء :confused: و لسه جاياها قبل اقل من 4 شهور.

هي الااااان بحالة فظيعة ،،و ما تدري ايش تسوي ، هل تخبر بيت عمها بالموضوع،،و لا تسكت و تستر عالبنت.

بنات طالبة مشورتكم في نقطتين:

- هل صديقتي تخبر بيت عمها او تسكت.

- هل العمليات اللي تسويها تصرف صحيح و فيه ستر و مساعدة للغير او خطأ،،،اللي تشوف انه خطأ و لازم توقفه يا ريت تقول لي كيف اقنعها بكذه.


في انتظاركم.................