اتحداكم تطبقو هالخطوات وما يتغير شعرك 180 درجة

السلام عليكم ورحمة الله وبركاته
مرحبا يا بنات كيفكم ان شا الله تكونو بخير
انا هادا اول موضوع الى بالمنتدى رغم اني من زمان بشوف الخلطات واستفدت كتييييييييييييير منهم وحبيت اني افيدكم F:
هلاء نبدا من الاول انا كان شعري جاف وكتير ماصف ومستحيل اني افلتو بدون سشوار كان بهيش وبسير مش مرتب بالمرة وكان نفسي اعمل غرة بس NO WAYما كان فيه امل الى لانو الغرة بدها شعر ناعم :sick:
عالعموم وصلت مرة لحد ئولت لاااااااا لازم اهتم بشعري مش معئول يضلو هيك:mad:
انا اول شي جربت وصفة التوم والبصل وزيت الزيتون مهاي اوصفة كتير حلوة جربتها تلات مرات تاريبا بس بدكم الصراحة الريحة فظيييييييييييييييعة وما بتروح لو شو مكان البنات بيحكو اغسلي شعرك بالشامبو مرتين وما بعرف شو عالفاضي ريحتها مئرفة وبتطول ممكن تضل يوم كامل:badly:
عالعموم انا رح احكيلكم شو عملت بشعري وشو النتايج معلش عكتر الحكي بس عشان اخليكم تعيشو الجو هههههههههههههههه:o

اول شي سرت يوم اه ويوم لا اعمل حمام زيت لشعري وزيت دابر املا روعة يا بنات رهييييييييييييييييييييييييب وفيه زيت كمان اسمو الحشيش هدول كتير حلوين
بحطهم ساعتين او تلاتة اربعة عاد ما استحمل بدون طاقيه او بلاستيك لانو بخاف تعمل اكياس دهنية بعيد الشر
وبعدين جبت شامبو للشعر الجاف لوريال الزهري روعة يا بنات
وهيربل اسينسيس كمان كتير حلو وبعدين اختاري اي نوع بلسم مضمون لالك ومنيح
وانتبهي ما تحطي كتير بعد الحمام لا شوي لانو كترتو بتخلى الشعر يتسائط
واخر شطفة لالك بالحمام شو تعملى
جيبي مي معدنية للشرب واشطفي شعرك فيها وكمان يا بنات احسن شي لو تغسلو شعركم بمي باردة كتير منيحة
بعدين بتلفي شعرك بالمنشفة لغاية ما ينشف
طبعن انسي اشي اسمو تمشطيه بعد الحمام علطول لانو بخلى الشعر يتسائط
اخر خطوة تعملوها جيبي بنتين بديل الزيت هادا لو اضل احكي عغنو للصبح اليل بحئو رهيب كتير بتحطي شوي بايدك وبتفركي شعرك منيح
وبتشبكيه بمشبك للشعر او بترجعي تلفيه بالمنشفة زي ما بدك وبعد ما ينشف مشطي شعرك منيح واربطي كعكة عادي ورا شعرك لمدة ساعة وشوفي كيف
والله العظيم انو شعري سار بجنننننننننن الحمد لله وعملت الغرة اللى نفسي فيها والكل بفكرني مسشوراه حتى اني سرت افلتو بدون بكلة وكل ما اطلع بالمراية احكي سبحان الله كيف كان وكيف سار :cool: وهاي خطوات سهلة وحلوة وممكن تغيري بدابر املا ازا بدك بس هوا اسهل لانو جاهز وما بغلب وكتير ممتاز

واخر شي جربو هدول الخطوات ورح تشوفو الفرئ كيف حتى ماما بتعمل زيي وكان شعرها خربان كتير من الصبغة وهلاء سار ناعم وبتصبغ وما باسر عليها:cool:
يا رب تستفيدو من تجربتي ومعلش طولت عليكم بس عشان اوصلكم الفكرة منيح معفكرا يا بنات انتو ممكن تستخدمو نوع الشامبو اللى بتحبوه يعني الشعر بختلف من وحدة لوحدة
واخر شي ادعولى الله ينولني اللى بالي:)