هل تعتبر الفتاة ذات23 سنة عانس عندكم ام لا.؟؟؟

انتي مازلت بنوته حلوه ولا تستمعي لهذا الكلام صحيح ان سن الزواج يختلف من منطقه لاخرى لاسباب عديده اغلبها عادات موروثه وبائده تاتي على دماغ البنات ولكن مالعمل في ظل هذه المفاهيم

وذلك مثل اشتراط زواج البنت من نفس عائلتها او قبيلتها او جنسيتها وغير ذلك

ولكن في حالتك لايوجد انزعاج فانت مازلتي صغيره

عزيزتي ماسا.........

كبداية لازم تبعدين عنك افكار ان معمول لك عمل او سحر وحطي في بالك ان النصيب لسه ماجا .. اختي انتي لسه صغيرة وفي بنات كثير غيرك في نفس سنك واكبر منك ما تزوجوا للحين وبكيفهم يعين هم حاسين انهم مو في سن زواج والحمدلله المرأة في ايامنا وصلت الى مراكز اجتماعية وعلمية كبيرة ساعدتها في فهم اهميتها بشكل اكبر

الزواج شي مهم بس ايش نسوي لو الله مارزقنا ؟؟ نحط يدنا على خدنا ونخلي الناس تاكلنا بنظراتها وننعزل عن الأهل والاصدقاء ؟؟ هذا اكبر غلط

عزيزتي ...

انتي لازم تقنعين نفسك اول انك مو عانس ( ولو اني اعترض على هالتسمية من الاساس ) وان النصيب قدامك ان شاء الله واكثري من قراءة سورة الأعراف والفتح وداومي على صلاة الليل

تقدرين تشتركين في نادي صيفي او رياضي او اي نشاط اجتماعي في محيطك حتى تحولي تفكيرك في مسألة الزواج الى شي مثمر ومفيد لك ولغيرك او ادرسي اي دورة مثل الانجليزي والكمبيوتر والأشغال اي شي تحسين نفسك راح تنبسطين فيه ، زوري اهلك وصديقاتك بشكل عادي وبدون ما تتخيلين ان الناس ينظرون لك بنظرة الشفقة او الشماتة لعدم زواجك ،دائما رددي الحمد والشكر لله على كل حال

اختي .. ضعي في اعتبارك ان مو كل متزوجة سعيدة ويمكن في متزوجات كثير تمنوا انهم يظلون عوانس ( مع اعتراضي مرة ثانية على المصطلح ) بدل زواجهم من اشخاص بالغصب او بحكم العادات والتقاليد والتعصب القبلي وحول حياتها الى جحيم لا يطاق

انتي العمر لسه قدامك وان شاء الله راح تتوفقي في حياتك والله يرزقك بولد الحلال اللي يهنيك ويسعدك

أنا عمري 23:confused: يا ويلي...
كنت امزح لا تصدقين هالكلام عزيزتي لساتنا صغار...والايايم جدامنا...
قولي الحمد لله على كل حال ولا تكترثين لكلام الناس...
المهم انك سعيدة بحياتك ويش ضمنك انك راح تكونين سعيدة اذا تزوجتي...
خلي ايمانك بالله قوي ومثل ما قلت لك احنا لساتنا صغار...;)

مرحبا اختي

اصلا انتي بعدج صغيرة

لاتخلين هاي الافكار تسيطر عليج

وسالفة الزواج هذي خليها على ربج

وكل انسان مكتوب له نصيبه

يا عزيزتي انتي بعدج صغيرة ... لا تسمعين كلامهم .. وخليج عايشه حياتج لين الله يكتبلج وتتزوجين ...

عيل اللي اكبر منج شو يسوون ؟؟:s2

ماسا

انا عمري 24 :confused:

يعني خلاص عنست ؟؟؟ :confused:

شوفي اختي

ليش ما تاخذين الموضوع من جانب ثاني

يعني من قال لج كل المتزوجات مرتاحين
ولا من قال ان الزواج راحه !!!

حبيبتي احنا جذي مرتاحين
لا مسؤوليه ولا هم ولا نحاتي شي

عايشين حياتنا
بالمقابل
المتزوجات يكونون مقيدات اكثر بحكم انهم مرتبطين بزوج واولاد.. الخ

ولا يهمج كلام الناس ولا نظرتهم لج
عادي كلنا نمر بهالشي

انا دوم يزنون علي متى تتزوجين ؟؟

طيب انا شسوي نصيبي ما جاني

اروح انا ادور لي على واحد ؟؟

متى ما الله راد.. بيجي نصيبي وباخذه..

الحين ما صرت افكر في هالموضوع
قبل كنت وايد افكر فيه

بس الحين من جد .. عرفت ان الحياه فيها اشياء حلوه وايد والأحسن اني اعيش حياتي
واستانس بحريتي .. لاني خالية من المسؤوليات الزوجيه

ولا اني اعيش افكر متى اتزوج ويصيبني احباط واكتئاب من هالموضوع

ترى صدقيني وايد بنات بعد ما يتزوجون يقولون يازين بيت ابونا
ويازين الراحه.. احلا شي انك تكونين بنت
ما تصيرين مرأه

:)

اطلعي من البيت واستانسي وعيشي حياتج
ونصيبج راح يجي لك لحد عندك

ماتدرين
يمكن خير ان نصيبج تأخر
بكره ان شاء الله يجيج واحد فيه كل المواصفات اللي كل بنت تتمناها .. ومحد في منطقتكم يحلم بنص مواصفاته

الصبر زين اختي

:)

انا ما اعترف بشيء اسمه عانس هذا لقب احنا حطيناه واحنا عقدنا نفسنا فيه .
بعدين اللي يقول انك عانس في هالسن معناه قمة الجهل لان هذا هو السن الحلو للزواج لانه تكون الوحده مخلصةد راستها ومحققة طموحها الدراسي وتكون شخصيتها ناضجة فاهمة تعرف تتعامل مع الزوج وتحل مشاكلها .
موتقولين 14-20 تعتبر مراهقة ،طفلة تفكيرها محدود عن الزواج قد لا تستطيع التعامل مع الزوج او مع المشاكل وممكن انها مثل ما تتزوج صغيره ترجع بيت اهلها مطلقة ( لاسمح الله ) وهي في سن صغيره
بعدين الانسان يجب ان يعيش مراحل عمره
الطفوله لعب ولهو
المراهقة:لاتخلو من اللعب واللهو البريء وبداية الاهتمام بالنفس والشكل وتقبل مايستجد على حياتك من تغيرات بدنية ونفسية ونظرة المجتمع لانك كبرت ولست طفلة
بعد 21 إلى انقطاع الحيض ( يعني ممكن بعد 50 سنه): يعتبر قمة الشباب والحياه الحلوه والنضوج والانوثه والحيوية
وما دامك لم تقطعي الحيض فأنتي في بداية المشوار ولاحقة على الهم والشقى وكل تأخيره فيها خيره وخلي تفكيرك ودعائك دائما
(( اللهم ارزقني بالزوج الصالح الذي اذا احبني أكرمي واذا كرهني لم يهينني ))
والله يوفق الجميع

السلام عليكم ورحمة الله وبركاته

مرحبا أختى الفاضلة الزواج نصيب ورزق من عند الله سبحانه وتعالى

الواحد ما يدرى متى يجيه النصيب ..

الوحدة سواء تزوجت صغيرة والله كبيرة ليس عيب ولا ذنب

أهم شي في هذا الموضوع هو الرضا والأقتناع بهذا الامر

أهم شي أنتى في داخلك اتكونى راضية بقسمة ربك عليكِ

ونصيبك راح يوصل أن شاء الله

بس الصبر جميل .. ندرى البنت لازم تزوج واذا ما تزوجت ما راح ترتاح من كلام الناس ..

بس كونى متأكدة الزواج نصيب السالفة ليست سالفة جمال ولا عمر

نصيب ورزق ...

ليش تعتقد الوحدة صار هذا الامر عادى جداً وخصوصاً الحين لازم البنت تتعلم واتكمل دراسته وصار الأهتمام بالزواج دائماً بعد الدارسة

علشان كذا الوحدة ما تزوج وهى صغيرة قليل جداً اصير زواج في سن الـ 14 و الـــ 15 والزواج في سن العشرين فما فوق شي عادى ولا يعتبر عنوسة

اخsami شكرا جزيلا
------------------------

اخت RoOoOmy_M شكرا لكلامك الحلو عزيزتي
------------------------------------------------------
اخت أحـــلى العـيون مشكورة عزيزتي واسال الله التوفيق لك ولنا جميعا
----------------------------------------------------------------------------------
اخت سماهر شكرا جزيلا عزيزتي
--------------------------------------
اخت جروح البنفسج تسلمي عزيزتي
------------------------------------------
اخت وطن كلامك حلو وتسلمي والله يوفقنا جميعا
---------------------------------------------------------
اخت fouze مشكورة وما قصرتي عزيزتي واسال الله التوفيق للجميع
---------------------------------------------------------------------------------
اخت نور الهدى شكرا جزيلا ومثل ما قلتي الصبر زين تسلمي عزيزتي
--------------------------------------------------------------------------------

بصراحة لما كنت اكتب الموضوع كانت حالتي

:( :confused:
بس بعد كلامكم الحلو والطيب صرت:D :)

ان شاء الله دوووووووم :D

السلام عليكم ورحمة الله وبركاته ....

شو اليوم كلكم اتفكروا بالزواج ..
والزواج قسم النصيب . ان شاء اليوم من الايام بييكم النصيب لا تستأجلون على رزقكم ،، وعلى فكره انتوا بعدكم صغار بس قولوا
(( الحمد لله )) خلوا ايمانكم بربكم قوي :) وبس ..

اذا استوى نصيب لا تنسون تعزموننا :D :D

23؟
بعدك صغنوووووووووووووووووووووووووووووووووونه
والله..
ومانك عانس ابداً.وشيلي هالفكرة عنك..
واحضري جميع المنااسباااااااااااااااااااااات وماعليكي من كلام الناس..
وتذكري أن الزواج قسمة ونصيب..وفيه اكبر منك وبعدهم ماتزوجوا وراضيين بحالتهم ..
وخلي ايمانك بالله كبير..

تحياتي،،،
سحـــــاب

أختي الغالية..ماسا
اول شي انتي بعيده جدا عن شي اسمه عنوسه ثاني شي اللي بيسمع كلام الناس والله بيتعب ((ارضاء الناس غاية لاتدرك))...حاولي تتجاهلين اي كلام تسمعينه .....وعيشي حاياتك وحبيت اوصلك هالكلمتين قريتها في مجله وعجبتني
((حاربي من اجل حياتك تعلمي ,اعملي,مارسي هواياتك..ولاتقبلي الا بالرجل المناسب لك. لاتقدمي تنازلات, وإلا كنت في صدد خسارة نفسك وحياتك)).

اختي وطن ان شاء الله دوم لي ولك وللكل

اختيdubai2 مشكورة عزيزتي

اختي سحاب الامل مشكورة ما قصرتي عزيزتي

اختي بنت نجد كلمتك وصلت ومشكورة عزيزتي

الله يهديك شنو عانس توك صغيرة
البنات ابدا ماقصروا ومااقدر ازيد على كلامهم
والله يقدملك الي فيه الخير

الحمد أختى ماسا أن حالتك تحسنت

ايوه خلك كذا :smile:

لسة بدري .. و العمر قدامك طويل .. و النصيب لسة ما جاش ..

أذكري الله كثيرا :)

ياعمري ياماسا والله لسانتك بنوتة صغنونة





بس اصبري وكل واحد بياخذ نصيبه






واحذرج احذرج احذرج احذرج


لاتنجرفين ورا الشيطان وتيار ابليس ترا ماوراه الا الخراب.. اظن فهمتيني والبنت بسمعتها .. ومني لج كل تحية وسلاااااااام:)

اختي انتي توج بعيده عن العنوسه عيشي حياتج ولا تخلين الشيطان يلعب بعقلج كل وحده و لها نصيبها في هذي الدنيا و خلي ايمانج بالله قوي و لا تفكرين بالسحر و الخرابيط